Read Quechua Bolivia DC Bible SALMO 46 Bible Online

SALMO 46 - Quechua Bolivia DC Bible bible

SALMO 46

¹Diosninchejqa jark'akuwajninchej, kallpanchejtaj. Llakiykunapi mana allin kashajtinchej, usqhayta yanapawanchej.

²Chayrayku, mana manchachikusunchejchu, kay jallp'a ikhakojtimpis, mar ukhuman orqos chinkaykojtimpis;

³mar yakupis phiñakuspa wajtaykachakuchumpis, phiñakuyninwan orqos kharkatejtinkupis.

⁴Uj mayu yaku Diospa llajtanta kusichin, patapi kaj Diosninchejpa llimphu llajtanta.

⁵Diosninchej chay llajta chaupipi kashan, paytaj sayachenqa, sut'iyajtintaj yanapanqa.

⁶Tukuy llajtas qhaparinku, kamachejkunapis kharkatinku, jallp'apis unuyan pay parlarejtin.

⁷Atiyniyoj Señor Diosninchejqa noqanchejwan kashan. Jacobpa Diosnenqa pakakuyninchej.

⁸Jamuychej, Señorpa t'ukuna ruwasqasninta qhawarej, kay pachata Señorninchej ch'in pachata saqesqanta.

⁹Ch'ajwastaqa mundontimpi sayachin. Maqanakuna flechasta, lanzastapis p'akiran, carretastataj rupharachin.

¹⁰K'umuykuycyhej, rejsiwaychejtaj noqa Diosniykichej kani. Tukuy nacionespi noqa yupaychasqa kasaj. Tukuy kay pachapi jatunchasqa kasaj.

¹¹Atiyniyoj Señorqa noqanchejwan kashan. Jacobpa Diosnenqa pakakuyninchej.