Read Quechua Bolivia DC Bible SALMO 72 Bible Online

SALMO 72 - Quechua Bolivia DC Bible bible

SALMO 72

¹Diosníy, reyman qoy qampa cheqan kayniykita, justiciaykitawan.

²Pay cheqan kayniykiwan kamachenqa, wajchastataj cheqan nisqaykiwan.

³Orqosqa llajtaman sonqo tiyasqa kayta apanqa, chhanka puntastaj cheqan kayta.

⁴Llajtamanta kaj wajchasta reyqa justiciata ruwachun, salvachuntaj chay wajcha wawasninta, ñak'arichej runatataj ñat'uchun.

⁵Wiñaypaj qanmanta reyqa manchachikuchun, intiwan killawan kanankama.

⁶Reyqa qhorasta qarpaj jina kachun, chhulla jina jallp'ata qarpajtaj.

⁷Kamachinan p'unchaykunapi sonqo tiyasqa kay, cheqan kaypis allin kachun, manaña killa kanankama.

⁸Kamachichun uj marmanta uj markama, Eufrates mayumanta kay jallp'aj k'uchunkamataj.

⁹Ch'inkunapi tiyakojkuna qonqorikuchunku ñaupaqempi.

¹⁰Enemigosnimpis ñut'u jallp'ata llajwachunku. Tarsismanta reyes mar qocha cantopi reyespiwan, Sabá reyes, Seba reyespis tasasta qochunku.

¹¹Tukuy reyes ñaupaqempi qonqorikuchunku. Tukuy nacionestaj kamachisqanta ruwanku.

¹²Payqa wajchata salvanqa paymanta mañakojtin, mana piniyoj ususqa runatapis, mana pi yanapajtin.

¹³Llamp'u sonqoyojkunata khuyakonqa, wajchakunatataj wañuymanta salvanqa.

¹⁴Ch'aukiyaspa sarojkunamanta, wapu wapu runaj makinmantawan salvanqa, imaraykuchus kausayninkoqa may sumaj.

¹⁵Kausachun reyqa, Sabamanta qoritataj qochun. Diosmantataj paypaj mañapunallapuni. Wiñaypaj bendicisqapuni kachun.

¹⁶Naciompeqa ashkha trigo kachun, orqo puntaspipis ashkha kachun. Grano p'utumuchun Libanopi sach'as jina, trigoj poqoynintaj campo qhora jina kachun.

¹⁷Reypa sutintaj wiñaypajpuni kachun, allin kaynintaj inti jina unaypaj kachun. Tukuy ayllus mundontimpi kajkuna, paynejta bendicisqas kachunku. Kusikuyniyojmin nispa tukuy ayllus kutichachunku.

¹⁸Diosninchej, Israelpa Señor Diosnin bendicisqa kachun. Pay sapallan jatuchaj imasta ruwan.

¹⁹Wiñaypaj jatun sutenqa yupaychasqa kachun. Mundontimpi jatun kaynin junt'a kachun. Ajina kachun, ajina kachun.

²⁰Kaypi tukukun Isaej wawan Davidpa mañakuynin.