Read Quechua Bolivia DC Bible SALMO 73 Bible Online

SALMO 73 - Quechua Bolivia DC Bible bible

SALMO 73

¹Cheqamanta Diosqa may k'achapuni, llimphu sonqo kajkunawan.

²Uj chhikamantawan noqaqa urmayman karqa. Chakisneyqa yaqhalla llust'arqa.

³Imaynatachus sajra runasqa oqharikunku, qhapajyanku, juchasapaspis wapu wapusman tukusqankuta rikuspa munapayarqani.

⁴Paykunaqa wañuymanta mana llakikunkuchu, kallpanku junt'asqanrayku.

⁵Runaspa llakiyninta mana jap'ikunkuchu, nitaj wajkuna jina llakiyniyojchu karqanku.

⁶Chayrayku jatunchakuyninkoqa paykunapaj walqas jina; atiyninkuwan sajrata ruwasqankupis p'achanku jina.

⁷Chhika wiras kasqankuwan ñawisninku phawamushanña, sajrata ruwayta munasqankutaj sonqonkumanta phullchimushan.

⁸Kusipayaspa, wapu wapus mana p'enqakuspa, sajrakunata sinch'i kallpankuwan ruwasaj ninku.

⁹Siminkuwanqa janaj pachaj contranta parlanku, qallunkuwan tukuy kay pachapaj rimanku.

¹⁰Chayrayku runasqa paykunamanta allin kajllata ninku, manataj ima sajratapis paykunapi tarinkuchu.

¹¹Paykuna tapunku: Diosqa yachanmanchu? Patapi kajqa reparanmanchu?

¹²Qhawaychej ari kay juchasapasqa ni pej ima nisqan qhapajyanku.

¹³Llimphu sonqo kayqa yanqhalla. Jinallataj makisniyta tukuy sajramanta mayllakusqaypis.

¹⁴Sapa día jasut'isqa kani, sapa paqarintaj jasut'ichisqa kani.

¹⁵Paykuna jinachus parlasaj niyman karqa chayqa, wawasniykita wasanchayman karqa.

¹⁶Kayta umachayta munarqani. Manataj aterqanichu, noqapaj mana atina jina kajtin.

¹⁷Maypachachus Diospa wasinman yaykorqani, chaypacharaj sut'ita yacharqani, maymanchus paykuna chayanankuta.

¹⁸Cheqamanta paykunataqa llust'anaman churanki, mana allin kajmantaj tanqaykunki.

¹⁹Uj ñawi ch'irmiypi pampachasqas rikhurinku. Manchachikuy tukuchin, wañuchintaj.

²⁰Imaynatachus mosqoymanta uj runa rijch'arin, ajinata qan rijch'arejtiyki, Señor, qhasi rijch'ayniykuta qhesachanki.

²¹Noqa ancha llakisqa karqani, sonqoytaj t'ojsisqa jina nanasqa.

²²Mana yachaj wampu runa karqani. Ñaupaqeykipeqa uywa jina karqani.

²³Chaywampis, qanwampuni karqani. Paña makiymanta jap'iwarqanki.

²⁴K'amiwasqaykiwan ñanta pusawanki. Chaymanta qhepatataj sumajta jap'ikapuwanki.

²⁵Piniytaj janaj pachapi kapuwanri? Qanlla. Qanwan kaspaqa kay pachapi mana imatapis munaniñachu.

²⁶Tukuy kayniy pisi kallpaman tukushan. Diosneyqa chayaqey wiñaypaj, kallpaytaj.

²⁷Pikunachus qanmanta karunchakojkuna, wañonqanku. Qanta mana qhatisojkunatataj pampachanki.

²⁸Noqarí Diosman qayllakusaj. Noqapajqa chaymin aswan sumajqa. Qan, Señor, Diosníy, pakakunay kanki, tukuy ruwasqasniykitataj willamusaj.