Read Quechua Bolivia DC Bible SALMO 83 Bible Online

SALMO 83 - Quechua Bolivia DC Bible bible

SALMO 83

¹Diosníy, ama ch'inllaqa qhepakuychu, amapuni ch'inlla pachampi kaychu.

²Qhaway ari enemigosniykita, chejnikususpa qhollpikunku, contraykipitaj sayaykunku.

³Ch'ajwasta paykuna sapallanku pakaypi wakichikunku. Aylluykej contrampi, jark'akusqasniykej contrampi.

⁴Jamuspa tukuchiyta munawanchej, amaña llajta jina kananchejpaj, amaña Israel suti uyarisqa kanampaj.

⁵Uj tratota contraykipi ruwanku, uj runa jinalla oqharikunku:

⁶Edommanta, Ismaelmanta kajkuna, Agarmanta, Agarpa miraynimpis,

⁷Gebalmanta, Amonmanta, Amalecmanta, filisteosmanta, Tiropi tiyakojkuna ima.

⁸Asiriospis paykunawan tantakunku; paykunaqa Lotpa mirayninmanta paña makisnin jina kanku.

⁹Paykunatawan ruway imaynatachus, Madianta ruwarqanki jinata. imaynatachus Sisarata ruwarqanki ajinata; imaynatachus Cisón wayq'opi Jabintapis ruwarqanki ajinata.

¹⁰Paykunaqa Endorpi t'unasqas karqanku, wanu jallp'amantaj tukuchisqas karqanku.

¹¹Ruway ari imaynatachus kuraj runasnin Oredta, Zeedta ruwarqanki ajinata. Ruway ari kamachejkunasninkuta, imaynatachus Zalmunata ruwarqanki ajinata.

¹²Paykuna Diospa tiyakunasninta jap'ikapuyta munarqanku.

¹³Diosníy, muyoj wayrata jina paykunataqa ruway, wayrawan apachikoj ch'aki laqhesta jina.

¹⁴Imaynatachus orqos sach'asta nina ruphaykun, orqotataj lauray q'olaykun ajinata.

¹⁵Ajinata qhatiykachay llojlla paraykiwan. Sinch'i muyoj wayraykiwan kharkatichiy.

¹⁶Sinch'ita p'enqaykuchiy, Señor, qanta mask'asunankupaj.

¹⁷Paykunaqa p'enqaypipuni kachunku; p'enqaypi kachunku, wañuchunkutaj.

¹⁸Yachachunku qanlla Señor kasqaykita, qanllapuni patapi kaj Dios tukuy kay pachapi kasqaykita.