Read Quechua Bolivia DC Bible SALMO 85 Bible Online

SALMO 85 - Quechua Bolivia DC Bible bible

SALMO 85

¹Señor, qanqa may k'acha kanki kay aylluykiwan, Israelman kusikuyta kutichinki.

²Aylluykej sajra kayninta perdonanki, tukuy juchasnintapis pampachanki.

³Tukuy sinch'i phiñakuyniykipis chinkapun, k'araj phiñakuyniykitaj tiyaykun.

⁴Salvawajniyku Dios, salvawayku kunampis ari, amañataj noqaykupaj phiñasqa kaychu.

⁵Wiñaypajchu noqaykupaj phiñasqa kanki?

⁶Manachu watejmanta kausayta qowasqayku, aylluyki qanrayku kusikunampaj?

⁷Señor, munakuyniykita rikuchiwayku, salvawaykutaj.

⁸Uyarisaj imatachus Señor parlanqa chayta. Payqa sonqo tiyakuymanta ayllunman parlanqa, Payqa qhatejkunaman ama watejmanta musphaykachanankupaj.

⁹Cheqamanta Diosqa payllapipuni kashan, payta munakojkunata salvanampaj; paypa k'acha kaynintaj jallp'anchejpi kanqa.

¹⁰Munakuywan cheqa kajwan tinkonqanku, cheqan kaywan, sonqo tiyasqa kaywan ujchakonqanku.

¹¹Cheqa kajqa jallp'amanta p'utumonqa, cheqan kajtaj cielomanta qhawamonqa.

¹²Señorpuni parachimonqa, jallp'anchejtaj poqoyniyoj kanqa.

¹³Cheqan kajqa Señorpa ñaupaqenta renqa, ñantataj wakichenqa.