Read Quechua Bolivia DC Bible SALMO 90 Bible Online

SALMO 90 - Quechua Bolivia DC Bible bible

SALMO 90

¹Señor, qanmin pakakunayku kanki tukuy mitakunapi.

²Manaraj orqos ruwakushajtin, nitaj jallp'apis, mundopis kashajtin, ñaupajmantapachaña, wiñaykamapis, qan Dios kanki.

³Qanqa ruwanki runa jallp'aman tukunanta; runas, jallp'aman tukuychej, nispa.

⁴Cheqamanta waranqa watas qampajqa, qayna jinalla, uj día jinalla, qayna p'unchaypis kanman jinalla, ch'isi horas jinalla.

⁵Mosqoypi jinalla runasta apakapunki. Paykuna sut'iyayta wiñaj qhora jinalla kanku.

⁶Tutamanta p'utuspa t'ikaj qhora jinalla kanku; ch'isiyaytataj ñawin ch'akipun jina.

⁷Cheqamanta phiñakuyniykeqa wañunayachiwayku, t'ukushajtataj saqewayku.

⁸Sajra kayniykoqa qampa ñaupaqeykipi kashan. Pakaypi juchallisqaykupis ñawisniykipi kashan.

⁹Cheqamanta tukuy kausayniykoqa, phiñakuyniykirayku tukukapun, watasniykoqa samay jinalla chinkapun.

¹⁰Qanchis chunka watata kausayku; aswan kallpayojkunarí pusaj chunkata. Chay jina kausayniyoj kayqa llakiyllata, ñak'ariyllata apamun. Watasqa usqhayllata chinkanku noqayku jinallataj.

¹¹Pitaj yachan phiñakuyniykej atiyninta? Pitaj yachan phiñakuyniyki mayk'ajkamachus kasqantari?

¹²Yachachiwayku p'unchaykunasniykuta allinta yupayta, yuyayniyoj sonqota jap'inaykupaj.

¹³Señor, noqaykuman kutirimpuy. Mashkha unaytataj suyankiri? Kay kamachiykitaqa khuyakuy.

¹⁴Tutamanta munakuyniykiwan samachiwayku, kusisqastaj takisqayku tukuy kausayniykupi.

¹⁵Chhika kusikuy watasta qowayku, chhika llakiy watasta kasqaykuman jina.

¹⁶Kamachisniykiman ruwasqaykita rikuchiy, atiyniykitataj wawasniykuman rikuchiy.

¹⁷Señor Diosniykojpa k'acha kaynin, noqaykuwampuni kachun. Señor, makisniykoj ruwasqasninta sayachipuwayku; makisniykoj ruwasqasninta sayachipuwaykupuni.