Read Quechua Bolivia DC Bible PROVERBIOS 9 Bible Online

PROVERBIOS 9 - Quechua Bolivia DC Bible bible

PROVERBIOS 9

¹Yachayqa wasita ruwakun, qanchis k'acha sayantasniyojta.

²Uywasta ñak'achin sumaj mikhuykunasta wayk'uchinampaj. Sumaj vinotawan wakichispa, mesatawan wakichin.

³Warmi kamachisninta kacharqa llajtaj loman patamanta qhawarimunankupaj:

⁴Jamuychej kayman qankuna wampus, nispa. Mana yuyayniyoj runasmampis nillarqataj:

⁵Jamuychej, mikhunaymanta mikhuychej, wakichisqay vinomanta ujyaychej.

⁶Saqeychej sonserasniykichejta, kausankichejtaj; sumaj yuyayniyoj runas jina puriychej.

⁷Pichus machu machu runata, sajra runatapis k'amejqa, chejnichikuyta, leqhochikuytataj tarikun.

⁸Machu machu runata k'amispaqa chejnichikullanki. Yachayniyoj runata k'aminki chayri astawan munachikunki.

⁹Yachayniyojman yachachiy, aswan yachayniyojtaj kanqa; allin runaman yachachisqaqa astawan yachachiyta yapanqa.

¹⁰Yachayqa qallarikun Señorta manchachikuywan, kinsa kuti santota rejseyqa sumaj yuyayniyoj kaymin.

¹¹Imaraykuchus noqanejta kausanayki p'unchaykunasniyki yapakonqa, ashkha p'unchaykunatataj kausanki.

¹²Sichus yachayniyoj kanki chayqa, tukuy ima ruwasqayki qanllapajtaj kanqa. Sichus machu machu kanki chayri, qanllataj juchayojqa kanki.

¹³Wampu warmeqa ch'ampanchej warmi, mana ima yachajtaj.

¹⁴Chay warmeqa wasi punkumpi sillapi tiyakun, llajta ukhupi aswan pata cheqapi tiyakun.

¹⁵Chaymanta purejkunata wajyan, allin ñanta rishanku chaykunata:

¹⁶Wampu waynas jamuychej kayman, nispa. Mana yuyayniyojkunamantaj nin:

¹⁷Suwasqa yakoqa aswan misk'i, pakaypi mikhusqa t'antapuni misk'eqa, nispa.

¹⁸Paykunaqa mana yachankuchu chaypi wañuy kasqanta, wajyachimusqasnenqa wañuy ukhupiña kasqankuta.