Read Quechua Bolivia DC Bible ECLESIASTÉS 7 Bible Online

ECLESIASTÉS 7 - Quechua Bolivia DC Bible bible

ECLESIASTÉS 7

¹Mentasqa kana aswan allin, sumaj q'apashaj jawinasmanta nisqaqa. Wañupuna p'unchay aswan allin, nacekuna p'unchaymanta nisqaqa.

²Llakiy wasiman reyqa aswan allin, kusiy wasiman rinamanta nisqaqa. Runaspa tukukuynenqa wañuypuni, Pichus kausajqa chayta unanchachun.

³Aswan allinmin waqayqa, asinamanta nisqaqa. Llakisqa uya kayqa sonqota allinchan.

⁴Yachayniyojpa sonqonqa wañuy wasipi yuyashan, wampu runarí may wasipichus kusikuy kashan chayllapi yuyan.

⁵Aswan allinmin yachayniyoj runaj k'amisqanta uyareyqa, wampu runaspa alabasqasninkuta uyarinamanta nisqaqa.

⁶Wampu runaspa asisqasninkoqa rijch'akun, q'oncha ukhupi t'una khishkas t'ojyarasqankuman. Chaypis qhasi mana kajllataj.

⁷Cheqamanta sajra ruwaykunaqa yachayniyojta wampuykachachin; lluk'iykunataj sonqonta waj jinayachin.

⁸Ima kajtapis allimpuni tukuchinaqa, qallarinallamanta nisqaqa. Llamp'u sonqo kayqa aswan allin, phiña sonqo kanamanta nisqaqa.

⁹Ama imamantapis phiñakullaychu; phiñakoyqa wampu runasllapaj allin.

¹⁰Ama imamantapis tapukuychu, imajtinchus ñaupa tiemposqa, kay tiemposmanta nisqaqa aswan allin kasqanta. Chay tapoyqa mana yachayniyojpatachu.

¹¹Yachayqa manchay sumajpuni uj chayaqe jina, kay pachapi tiyakoj runaspaj.

¹²Yachaywan qolqewanqa jark'akuna escudo jina kanku. Yachayri, astawanraj kausachin pichus yachayta taripajta.

¹³Diospa ruwasqasninta allinta qhawariy: Diospa wist'uyachisqantaqa pitaj cheqanyachinmanri?

¹⁴Allin p'unchaypeqa allin kajwan kusikuy; mana allin risojtenqa, sumajta unanchakuy. Chay allin kajta mana allin kajtapis Diospuni ruwan, runa qhepaman imaschus kananta ama yachanampaj.

¹⁵Chay tukuy imasta kay qhasi mana kaj kausayniypi rikuni. Allin kajta ruwaj runas wañunku allinta ruwashaspa. Sajra runastajrí, chay jina sajrata ruwayninkuwan unaytaraj kausanku.

¹⁶Amapuni yuyakuychu cheqan runa kasqaykita, amataj ancha yachayniyojmampis tukuychu. Imapajtaj qhasi mana kajta mauk'akunkiri?

¹⁷Ama ancha sajra runaqa kaychu, nitaj wampupis kaychu. Imapajtaj manaraj tiempompi wañuyta munankiri?

¹⁸Allimpuni kay imasta jap'ikunaykeqa, chay imasmanta mana kacharikunaykipis. Pichus Diosta manchachikuspa kasukojtaqa, tukuy imapi allimpuni renqa.

¹⁹Yachayqa yachayniyoj runata astawan kallpachan, uj llajtapi chunka kamachejkunamanta astawanraj.

²⁰Chaywampis kay jallp'a patapeqa mana uj runallapis cheqan runaqa kanchu, nitaj mana jayk'aj juchallikuspa cheqantapuni ruwaj kanchu.

²¹Ama runaspa tukuy ima nisqankutapis uyariychu. Ajinamanta contraykita kamachiykej parlasqantapis mana uyarinkichu.

²²Qampis sonqoykipi yachanki, mashkha kusistachus waj runaspa contranta parlasqaykita.

²³Kay tukuy imasta noqaqa yachaywan unancharqani, yachayniyoj kasaj nispa, yachaytaj noqamanta karunchakuwan.

²⁴Tukuy ima kajpis noqamanta karupi kashan. Mana yachanapaj jina, mana pipis yachallanmanchu.

²⁵Ujtawan noqapi yachayta mask'aj churakorqani, chay yachayta allinta qhawariyta, unanchaytataj imaynamantachus chay tukuy imas kasqankuta. Chaypi yacharqani sajra ruwayqa sonsera kasqanta, pantakunataj qhasi mana kajlla kasqanta.

²⁶Noqa rikuni warmeqa wañuymantapis aswan mana allin kasqanta: Uj warmej sonqonta uj lazo jina, ch'ipa jinataj, makisnimpis jap'ispa mana kacharinchu. Diosta munakoj runaqa chay warmimanta ayqekonqa; uj juchasapa runarí chay warmiwampuni jap'ichikonqa.

²⁷Kay imasmanta imachus kasqankuta yachanaypaj noqa willajqa, kay imasta tarini: Imatachus allinta mask'asqayta manarajpuni tarinichu. Waranqa qharismanta uj runallata allin kajta tarini. Allin kaj warmitarí tukuy warmis ukhumanta mana ujllatapis allin kajtaqa tarinichu.

²⁹Kayllata tarini: Diosqa runata cheqanta, allin kajta ruwanampaj ruwasqa; chaywampis runasqa ashkha mana allin imasta mask'anqanku.