Read Quechua Bolivia DC Bible TAKIYKUNA 7 Bible Online

TAKIYKUNA 7 - Quechua Bolivia DC Bible bible

TAKIYKUNA 7

¹Chakisniykeqa k'achitus ujut'asniyki ukhupi reypa ususin. Chakisniykej kuyuykachasqanqa, uj sumaj yachayniyojpa ruwasqan, qori cadenaspa kuyuykachasqan jina.

²Pupuykeqa vaso jina muyu. Maypichus vinoqa kallampuni. Wijsaykeqa trigo qotu jina t'ikawan muyuykuchisqa.

³Ñuñusniykeqa iskay taruka uñasman rijch'akunku.

⁴Kunkaykeqa marfil tullumanta ruwasqa torre jina; ñawisniykitaj Hesbón llajtapi Bat-rabim punkupi yaku qochas jina. Senqaykeqa Líbano torre jina, Damasco llajtaman qhawarisqa.

⁵Cuerpoyki patapi umaykeqa, Carmelo orqoman rijch'akun. Chujchaykeqa reypa puka p'achan jina, uj rey warkhusqa kashanman jina.

⁶May k'achita munakunapaj jina kanki. Munasqetáy, k'achitapuni kanki.

⁷Sayaykeqa, uj: Palmera jina. Chuchusniykeqa chay palmaj poqoynin jina.

⁸Noqaqa nerqani: Palmaman wicharisaj, poqoyninta pallakamusaj, nispa. Qampa chuchusniykeqa uvas poqoy jina chullchhulla kachunku. Samayniykej q'apaynimpis manzanaj q'apaynin jina.

⁹Parlayniykeqa misk'i vino jina, munakusqaytaqa sumajta misk'iykurin. Machu runaspa simintapis parlarichin.

¹⁰Noqaqa munakuwajniypata kani, noqallawan payqa mayta kusikun.

¹¹Jamuy ari, munasqáy, campospi puriykacharikamunachej, ranchospi tiyarikamunachej.

¹²Uvas chajrasman sut'iyayta risunchej; qhawarimusunchej uvas sach'as q'erqeshankuchus manachus chayta, ñachus t'ikashankuña chayta; sichus granadaspis t'ikashankuña chayta. Chaypi munakuyniytaqa rikuchisqayki.

¹³Mandragoraspis k'achata q'aparishanku. Wasi punkusninchejpeqa imaymana misk'i poqoykuna tiyan. Qampaj munasqay jallch'aporqayki, wakenqa kunan pallasqallaraj, wakintaj k'isaña.