Read Quechua Bolivia DC Bible ECLESIÁSTICO 18 Bible Online

ECLESIÁSTICO 18 - Quechua Bolivia DC Bible bible

ECLESIÁSTICO 18

¹Diospa khuyakuynin Wiñay kausayniyoj kajqa tukuy imata ruwarqa. Pay sapallan cheqan sonqoyoj.

²Pita kamacherqari ruwasqasninmanta parlanampaj? Pitaj jatuchaj ruwasqasninta tarenqari?

³Pitaj ninman imaynachus atiynin? Pitaj ninman ima jatunchus munakuynin?

⁴Mana ni imata qhechusunmanchu nitaj yapasunmanchu. Manapunitaj rejsisunmanchu tukuy t'ukuna ruwasqasninta.

⁵Runaqa imallatapis tukushajtinña, qallarishanraj. Sayajtintaj, mushphan.

⁶Imataj runari? Imapajtaj allin? Imata ruwayta atin, allintachus, mana allintachus?

⁷Mashkha watasta kausayta atinman? Pisi runaslla chayanku pachaj watasmanqa.

⁸Wiñay kausay ukhupi chay watasqa kanku uj yaku sut'u jinalla, uj t'iyu jinalla.

⁹Chayraykoqa Señor pacienciakun runawan, rikuchintaj khuyakuyninta.

¹⁰Diosqa yachan ima llakiywanchus runa chayan tukukuyninman. Chayrayku payqa perdonaspa mana sayk'ukunchu.

¹¹Runaqa runa masillanmanta khuyakun. Señortaj khuyakun tukuy kausakojkunamanta.

¹²Payqa runata k'amin, yachachin, imaynachus michejqa ruwan ovejasninwan, ajinata.

¹³Payqa khuyakuywan qhawan pikunatachus paywan pusachikuyta munanku chaykunata. Munakumpuni pikunatachus kamachisqasninta junt'ayta munanku chaykunata. K'acha sonqoyoj kaychej

¹⁴Wawáy, allin kajta ruwashajtiyki ama rimapayaychu. Imallatapis qojtiyki ama palabrasniykiwan llakichiychu.

¹⁵Imaynachus chhullunkaqa ruphayta wañuchin, ajinallataj misk'i simi regalomantaqa aswan sumaj.

¹⁶Misk'i simi aswan walej regalomantaqa. Iskaynin k'acha runamanta jamun.

¹⁷Mana umayoj runaqa mana ni imata qoyta yachanchu. Manachayqa, llakichillan runa masinta. Ñak'aymanta qojqa runa masinta waqachin. Imallatapis ruwanaykipaj ñaupajta umanchakullayraj

¹⁸Parlanaykipajqa, ñaupajta tapukuy. Manaraj onqoshajtiyki doctorwan qhawachikuy.

¹⁹Juicioman qayllanayki tiyan. Ñaupajtaraj kikin sonqoykita tapukuy. Señor cuentata mañakusojtintaj, perdonasta rikhurinki.

²⁰Manaraj onqoshajtiyki Diosman k'umuykuy. Juchata tarejtiykitaj, Diosman kutiriy.

²¹Promesata ruwarqanki chayqa, junt'aypuni. Amataj suyaychu wañuy chayamunanta chay promesa ruwasqaykita junt'anaykipaj.

²²Promesata ruwayta munaspaqa, ñaupajta allinta wakichikuy. Ama Señorta pruebaman churaychu.

²³Unanchay imaynachus kanqa Diospa phiñakuynin qhepan kaj diapi. Chay kutipeqa Diosqa sapa ujman qollanqa kausakusqanman jina.

²⁴Tukuy imayoj kajtiyki yarqhakuymanta yuyarikuy. Qhapaj kajtiykitaj wajcha kaymanta yuyarikuy.

²⁵Ch'isaj qhepampi paqariy chayamun. Señor munajtintaj, ujllapi tukuy ima tukukapunman.

²⁶Umayoj runaqa wakichisqapuni kashan. Juchaman urmananta rikuspa, juchamanta karunchakumpacha.

²⁷Umayoj runaqa yachayniyojmin. Kusikuntaj yachayta tarejwan khuska.

²⁸Umayojkunaqa yachayniyoj kayta mask'allankupuni, simisninkumantataj t'ukuna palabras llojsimun. Ama juchawan atipachikuychu

²⁹Ama juchawan atipachikuychu. Amataj ruwaychu tukuy munapayasqaykita.

³⁰Tukuy munasqaykita ruwallanki chayqa, contrasniyki asipayasonqanku.

³¹Ama mask'aychu kusikuyllapi kausayta. Amataj puriychu ajinata kausajkunawanqa.

³²Mañakusqayki qolqeta ama fiestaspi tukuchiychu, mana qolqeyoj kaspa.