Read Quechua Bolivia DC Bible ECLESIÁSTICO 2 Bible Online

ECLESIÁSTICO 2 - Quechua Bolivia DC Bible bible

ECLESIÁSTICO 2

¹Ama Señormanta karunchakuychu Wawáy, Señorpa kamachin kayta munajtiyki, llakiypaj wakichikuy.

²Sonqoykita cheqanyachiy, sinch'itataj sayay. Ajinamanta, llakiy chayamojtin, mana kuyurinkichu.

³Señorman k'askay. Ama paymanta karunchakuychu. Ajinamanta, machuyajtiyki allin risonqa.

⁴Imachus jamusonqa, chayta jap'ikullay. Llakiyniyoj kawaj chayqa, pacieniciakullay.

⁵Ninanejta yachakun ima layachus qoreqa. Ajinallataj, hornopi jina, llakiynejta yachakun runaqa allinchus manachus.

⁶Diosman kichariy sonqoykita. Paytaj yanapasonqa. Purinasniykita cheqanyachiy, suyallaytaj yanapasunanta.

⁷Qankuna, Señorta yupaychajkuna, khuyakuyninta suyakuychej. Ama cheqan ñanmanta karunchakuychejchu. Pajtataj urmawajchej.

⁸Qankuna, Señorta yupaychajkuna, paypi confianzaykichejta churaychej. Ajinamanta, allin kajtaqa jap'ikullankichej.

⁹Qankuna, Señorta yupaychejkuna, allin kajtaqa munapayaychej. Munaychejtaj wiñay kusiyta khuyakuytataj.

¹⁰Yuyarikuychej ñaupa runasmanta. Ch'aukiyachisqachu karqa pillapis, Señorman sonqonta churajqa? Pitaj, payta yupaychaytawantaj saqerparisqa karqari? Pitaj, Señorta qhaparikuytawantaj, mana uyarichikusqachuri?

¹¹Señorqa llamp'u sonqoyojtaj, khuyakojtaj. Payqa runaj juchasninta pampachan. Runaj llakiynintapis chinkachillantaj.

¹²Q'ewa sonqo, qhella maki runaqa waqanqa. Iskay ñanniyoj runaqa waqanqa.

¹³Waqallanqataj mana Diosman k'askaj llauch'i sonqo runa. Señorqa payta mana yanapanqachu.

¹⁴Mana pacienciayojkuna, qankunapis waqankichej. Imatataj ruwankichejri Señor llakiyman churasojtiykichej?

¹⁵Señorta yupaychajkunaqa, paypa nisqanta kasukullanku. Payta munakojkuna, paypa munasqanta ruwanku.

¹⁶Señorta munakojkuna, imatachus allin ñawisnimpaj, chayta ruwanku. Payta munakojkunaqa, tukuy sonqo paypa kamachisqasninta junt'anku.

¹⁷Señorta munakojkuna wakichisqa sonqoyoj kanku, Señormantaj k'umuykukunku.

¹⁸Señorpa makisninman jaywaykukuna, ama runaspa makisninkumanqa. Diospa jatun kaynin jina, khuyakuynimpis.