Read Quechua Bolivia DC Bible ECLESIÁSTICO 3 Bible Online

ECLESIÁSTICO 3 - Quechua Bolivia DC Bible bible

ECLESIÁSTICO 3

¹Runaqa tata mamanta respetanan tiyan Noqa tataykichejta uyariwaychej, wawasniy. Chayta ruwaspataj, wiñay kausayniyoj kankichej.

²Señorqa munan runaqa tatanta respetananta, kasukunantataj mamanta.

³Tatanta respetakojqa, perdonasqa kanqa juchasninmanta.

⁴Mamanta respetakojqa qhapaj jina.

⁵Tatanta respetajqa kusikuyniyoj kanqa, imaraykuchus kikin wawasninwan respetachikullanqataj. Diosmanta mañakusqanqa uyarisqa kanqa.

⁶Tatanta respetajqa unayta kausanqa. Señorta kasukojqa sonqochan mamanta.

⁷Señorta munakojqa tata mamanta respetakun, paykunatataj sirvin kikin Señorta jina.

⁸Wawáy, kausayniykiwampis, simiykiwampis tataykita respetanayki tiyan. Chayta ruwaspa, paypa bendicionnin chayamusonqa.

⁹Tataj bendicionnin familiapajqa sinch'i saphi jina. Mamaj maldicionnintaj chay saphitaqa sik'irparin.

¹⁰Ama kusirikuychu tataykej p'enqayninmanta. P'enqaynenqa p'enqayniykillataj.

¹¹Tatanta respetasqata rikuspa, runaqa kusikun. Mamanta p'enqaypi urmasqata rikuspa, runaqa llakikun.

¹²Wawáy, qhawaypuni tataykita machuyaynimpi. Amapuni kausaynimpi llakichiychu.

¹³Yuyayninta chinkachishajtimpis, pacienciakullay. Ama qhesachaychu kallpayoj kasqaykirayku.

¹⁴Tatanta khuyakoj runamantaqa, Dios yuyarikonqapuni. Chayqa juchasta pampachachin.

¹⁵Llakiyniykipi Diosqa qanmanta yuyarikonqa. Imaynachus ruphay qhasata unuyachin, ajina Diosta juchasniykita pampachanqa.

¹⁶Tatanta saqerparejqa Diosta phiñachin. Mamanta llakichejtaqa Dios maldicin. Llamp'u sonqo kay

¹⁷Wawáy, tukuy imata llamp'u sonqowan ruway. Chayta ruwanki chayqa, Diosta munakojkuna munakullasonqankutaj.

¹⁸Aswan patapi kashaspa, astawan pampaman k'umuykukunayki tiyan. Ajina, Diosqa munakuywan qhawasonqa.

¹⁹Señorpa atiynin jatunmin. Llamp'u sonqoyojkuna Diosta yupaychanku.

²⁰Mana ruwayta atisqaykitaqa, ama ruwayta munaychu. Umaykiman mana yaykojtaqa, ama yachayta munaychu.

²¹Imatachus Dios kamachisorqa chayta unanchay. Ama ni ima dakuychu pakasqa kajmantaqa.

²²Mana entiendeyta atisqaykitaqa ama yachayta munaychu. Imachus rikusqayki anchaña qampajqa.

²³Ashkha runasqa yuyasqankunejta pantarqanku. Mana cheqantachu yuyasqankurayku yuyayninkuta chinkacherqanku.

²⁴Pichus mana munanchu wajkunatapis uyariyta, chinkayman chayallanqa. Mana wañuyta manchachikojqa wañullanqa. Juchaspataj juchata patampi patampi yapan.

²⁵Wapu wapoqa llakiyninmanta mana llojsinmanñachu. Llakiynin ismusqa mujumanta llojsishan.

²⁶Yachayniyojqa entiendellan waj yachayniyojkunaj nisqasninkuta. Allinta uyarikojqa chay yachakusqanwan mayta kusikun. Runa masiykita yanapanayki tiyan

²⁷Yakoqa larwaj ninata thasnun. Wajchasman qojqa juchasninmanta perdonachikun.

²⁸Runasqa yuyarikullanqanku sumaj kajta ruwajmanta. Llusk'ajtimpis yanaparillanqanku.