Read Quechua Bolivia DC Bible ECLESIÁSTICO 41 Bible Online

ECLESIÁSTICO 41 - Quechua Bolivia DC Bible bible

ECLESIÁSTICO 41

¹Wañuymanta Wañuy, qanmanta yuyarikuspaqa, runa pichus walejllata kausakun wasimpi, sonqonta nanachikun. Payqa mana llakiyniyoj kasharqa. Tukuy ima allinta rej payman. Kallpampis kallanraj kusikunampaj kausaynimpi.

²Wañuy, runapaj pichus ñak'arishan mana kallpayoj, may munasqa kanki. Chay runaqa sapa kuti misk'ashanña urmaykushantaj. Llakiyniyojmin kashan, mana ni imataña suyaspa.

³Ama llakikuychu wañuy watukushanmanta. Ajinapuni karqa qanmanta ñaupajta. Ajinallataj kanqa qhepaykipipis.

⁴Diosninchej nerqa tukuy runas wañupunankuta. Imapajtaj oqharikunkiri patapi kaj Diospa contrampi? Wañusqas ukhupi mana tapunakunkuchu mayk'ajtachus sapa uj kausakorqa, chunka watatachus, pachaj watatachus, chayri waranqa watatachus. Rumi sonqoyojkunamanta

⁵Qhesachakunapaj jina kanku juchasapaspa wawasninku. Sajra runaj ayllunmanta kajkuna mana umayojchu kanku.

⁶Juchasapaspa wawasninkoqa mana ni imata saqenqankuchu. Chayaqenku chinkaponqapacha. Qhepankupi jamojkunapis p'enqayniyojllataj qhepakonqanku.

⁷Sajra runataqa wawasninkupis maldicinku. Paypa juchanrayku p'enqaypi kashanku.

⁸Waqankichej, Diosmanta karunchasqas kajkuna, Diospa kamachisqasninta saqerparisqaykichejrayku.

⁹Wawasniyoj kankichej chayqa, chay wawasniykichejqa llakichisonqachej. Qankuna urmajtiykichej, tukuy runas kusikonqanku. Wañupojtiykichejtaj, tukuy maldicisonqanku.

¹⁰Mana ni imamanta jamojqa, mana ni imaman kutipullanqataj. Ajinallataj, Diosmanta karunchakojqa, ch'usajmanta llojsispa ch'usajman ripun.

¹¹Runasqa llakikunku sapa yuyajtinku wañupunanku kasqanta. Sutisninkupis chinkasqa kanqa, sajras kasqankurayku.

¹²Sutiykitaqa llimphuta waqaychay. Sutiyki aswan sumaj waranqa qorimanta nisqaqa.

¹³Kuseyqa mana unaytachu. Sumaj sutitaj wiñaypaj kakullan.

¹⁴Pakasqa yachaytaj, pakasqa qolqetaj, imapaj walej?

¹⁵Mana ni imata yachasqaykimanta ch'in kakullay. Amataj pakaychu yachayniyoj kasqaykita. P'enqaymanta

¹⁶Uyariwaychej, wawasníy, imatachus nisqaykichej p'enqakuymanta. Yachachisqaykichej imachus runataqa p'enqaypi rikhurichin. Ama p'enqakuychejchu imallamantapis. Runasqa mana ujllatachu yuyanku p'enqaymanta, imachus kasqanmanta.

¹⁷Tata mamaykej ñaupaqempi p'enqakuy millayta kausakusqaykimanta. Kamachejpa ñaupaqempitaj p'enqakuy llullakusqaykimanta.

¹⁸Juezpa ñaupaqempi p'enqakuy mana allin kajta ruwasqaykimanta. Tukuy runaspa ñaupaqempitaj p'enqakuy sajra ruwasqasniykimanta.

¹⁹Amigoykej ñaupaqempi p'enqakuy wasanchasqaykimanta. Vecinoykej ñaupaqempi p'enqakuy rimasqaykimanta.

²⁰P'enqakuy trato ruwasqaykita p'akisqaykimanta. P'enqakuytaj khuchi jina mikhusqaykimanta.

²¹P'enqakuy mana ni imata qosqaykimanta mañakusojtinku. P'enqakuy ch'in kakusqaykimanta parlapayasojtinku.

²²P'enqakuy juchallikoj warmita munapayasqaykimanta. P'enqakuy amigoykita qhesachasqaykimanta.

²³P'enqakuy wajpa kapuyninta qechusqaykimanta. P'enqakuy casarasqa warmita qhawasqaykimanta.

²⁴P'enqakuy warmi kamachiykiwan juchallikusqaykimanta. Ama puñunanman qayllaychu.

²⁵P'enqakuy amigoykita rimasqaykimanta. Imallatapis qoytawantaj, ama k'amiychu.

²⁶P'enqakuy imatachus uyarisqaykita willasqaykimanta. P'enqakuy pakasqa kajta sut'inchasqaykimanta.

²⁷Tukuy chayta ruwaymanta p'enqakunaykipuni. Chayta ruwanki chayqa, tukuy munakusonqanku.