Read Quechua Bolivia DC Bible ECLESIÁSTICO 5 Bible Online

ECLESIÁSTICO 5 - Quechua Bolivia DC Bible bible

ECLESIÁSTICO 5

¹Ama oqharikuychu Ama oqharikuychu qhapaj kasqaykirayku. Ama niychu: Atiyniyoj kani, nispa.

²Kallpaykipi atienekuspa ama ruwaychu sonqoyki munasqanta.

³Ama niychu: Pitaj noqamanta aswan atiyniyojmin?, nispa. Señorqa chay nisqaykimanta cuentata mañasonqa.

⁴Amataj niychu: Juchallikusqaymanta mana ni ima pasawanchoqa, nispa. Señorqa mana chay kikimpachapichu castigaykun.

⁵Ama yuyaychu juchasniyki pampachasqapuni kananta juchasta yapaspa.

⁶Ama niychu: Diospa khuyakuynenqa may jatun, juchasniyta pampachapullawanqa, nispa. Payqa khuyakojmin. Jinapis, phiñakuyta yachallantaj, k'ajaj phiñakuynintaj juchasapaspa patanman uraykamun.

⁷Diosman kunampacha kutirikullayña. Ama sapa día niychu: Q'ayallaraj, nispa. Diospa phiñakuynenqa ujta jamusunkiman. Chantaqa, jasut'inan kajtin, chinkachisqa kawaj.

⁸Ch'aukiyaspa ganakusqanki chay qolqeykimanqa, ama sonqoykita k'askachiychu. Dios phiñakojtenqa mana ni imapaj sirvisonqachu. Amapuni llullakuychu

⁹Ama granota wayrachiychu ima wayrallawampis. Amataj jap'iychu mayqen ñanllatapis.

¹⁰Ujllatapuni yuyay. Uj simillapuni kay.

¹¹Uyariytaqa uyarikullay. Parlanaykipajtaj pacienciakullayraj.

¹²Atispa kutichikullay. Manachayqa, makiykita simiykiman churay.

¹³Siminejta runa wicharintaj urmantaj. Siminejta runa chinkayman rinman.

¹⁴Ama puraj uya nichikuychu. Ama runa masiykita qhasimanta tumpaychu. Suwapajqa p'enqay jamun. Llulla runapajtaj chejninakuy.

¹⁵Amapuni juchata ruwaychu, ni jatuntapis ni juch'uytapis.