Read Quechua Bolivia DC Bible ISAÍAS 52 Bible Online

ISAÍAS 52 - Quechua Bolivia DC Bible bible

ISAÍAS 52

¹Sión llajta, rijch'ariy, rijch'arikuy, atiywan p'achallikuy; ajllasqa Jerusalén llajta, sumaj k'acha p'achaykita churakullayña; imaraykuchus mana circuncidasqa millay sajra ch'ichi runasqa manaña jayk'ajpis yaykumusonqankuchu.

²Jerusalén, sayarikuspa, chay p'achaykimanta jallp'ata thalarakuspa tiyaykukuy; Sión presochasqa sipas, chay kunkaypi yugota watasusqankuta phaskarakuy.

³Señorqa nin: Qankunaqa mana qolqellapi vendesqas karqankichej, chayrayku mana qolqellawantaj kacharichisqas kankichej.

⁴Señorqa nillantaj: Israel aylloyqa ñaupajta Egiptoman uraykorqa, chaypi tiyakunampaj, chaypitaj Asiria runasqa qhasillamanta paykunata ñak'aricherqanku.

⁵Kunanqa imanasajtajri? Mana imallamanta aylluytaqa apanku. Paykunata ñak'arichejkunaqa wapuykachaspa qhaparqachanku, noqaj contraytapis sapa p'unchay rimanku.

⁶Chayrayku israelitasneyqa jaqay p'unchaypi noqata rejsikapuwanqanku, yachanqankutaj noqa kikiy parlasqayta, kaypi kani, nispa.

⁷May kusiypuni orqo puntaspi sumaj kusiy willaykunata apamojpa chakisnenqa; sonqo tiyakuyta willajpata, allin kajmanta sumaj willaykunata apamojpata. Jinallataj salvacionta willajpata. Sión llajtamampis Diosniykeqa kamachishan, nejpata.

⁸Uyariy, qhawajkunasniykej qhaparisqankuta. Tukuyninku ujllapi kusiymanta qhaparinku, imaraykuchus paykunaqa kikin ñawinkuwan Señorqa Sión llajtaman kutimushajta rikunku.

⁹Jerusalén raqaykuna, kunanqa jatunmanta may kusiywan qhapariychej; imaraykuchus Señorqa ayllunta sonqochan, Jerusalenta kacharichin.

¹⁰Señor atiyninta rikuchin tukuy nacionespa ñaupaqempi. Tukuy kay pachapi yachanqanku Diosninchejpuni salvawasqanchejta.

¹¹T'aqakuychej, llojsimuychej Babiloniamanta, ama ch'ichi imastaqa llankhaychejchu. Paykunaj chaupinkumanta llojsimuychej; llimphuchakuychej Diospa imasninta apajkuna.

¹²Ama usqhay usqhaytaqa llojsinkichejchu, ama ayqekoj jinaqa rinkichejchu; imaraykuchus Señormin ñaupaqeykichejtaqa renqa, Israelpa Diosnin ujtawan tantaykapusonqachej.

¹³Qhawariy, kamachiytaqa tukuy imapi allin renqa. Payqa may jina jatunchasqa, may jina pataman oqharisqataj kanqa.

¹⁴Qanmantaqa ashkhas mancharikonqanku, runaj rijch'ayninmantaqa mana kasqayki jinachu kanki, uyaykeqa manaña runaj uyanmanchu rijch'akonqa.

¹⁵Ajinallataj paymanta tukuy nacionesqa mancharikonqanku, reyesqa paypa ñaupaqempi mana parlariyta atenqankuchu, imaraykuchus paykunaqa rikonqanku mana jayk'aj rikusqankuta, manataj jayk'ajpis uyarisqankuta.