Read Quechua Bolivia DC Bible LEVÍTICO 20 Bible Online

LEVÍTICO 20 - Quechua Bolivia DC Bible bible

LEVÍTICO 20

¹Señorqa Moisesman kay jinata parlarqa: Israelitasman niy kay jinata: Mayqen israelitallapis, chayri karu llajtayoj qankuna ukhupi tiyakojpis mayqen wawankuta Moloc diosman jaywanqanku chayqa, kikin llajtayoj runasnejta rumiwan ch'anqasqa wañonqa.

³Noqa chay runaj contran kasaj, chinkachisajtaj ayllusnin chaupimanta, tiyakunayta jinallataj santo sutiytapis ch'ichichasqanmanta wawanta, Molocman jaywaspa.

⁴Sichus chay llajtayojkuna chay runata mana wañuchinkuchu, qhawallankuman chay jinata ruwajta chayqa, noqa jatarisaj chay runajta, familiampatawan contrampi, jinamanta chinkachisaj ayllun ukhumanta, mayqenkunachus ch'ichichakorqanku Molocta qhatinku chaykunatawan.

⁶Sichus pipis wañusqasta tapojkunaman, layqasmanwan rinman, chayta qhatispataj ch'ichichakunman chayqa, noqa sayarisaj paypa contranta, chinkachisajtaj ayllun chaupimanta.

⁷Tukuyniykichej noqapaj llimphuchakuychej, noqapaj jinataj t'aqasqas kaychej; imaraykuchus noqamin Señor Diosniykichejqa kani.

⁸Kamachiykunasniyta kasuychej, junt'aychejtaj. Noqamin Señorqa kani, qankunatataj noqapaj t'aqakuykichej.

⁹Pillapis tatanta chayri mamanta maldicejqa, wañunampaj juchachasqa kanqa. Pichus tatanta, chayri mamanta maldicejqa, pay cuentayoj kanqa chay wañuyninmanta.

¹⁰Sichus pipis runa masimpa warminwan puñuykapunman chayqa, chay qhenchachakoj qhari, jinallataj chay qhenchachakoj warmipis wañuchisqaspuni kanqanku.

¹¹Sichus mayqen qharillapis tatanta p'enqaypi rikhurichinman warminwan puñuykapuspa chayqa, chay qhari, jinallataj chay warmipis wañuchisqas kanqanku. Chay wañuyninkumantaqa paykuna cuentayoj kanqanku.

¹²Pillapis qhachuninwan puñuykapunman chayqa, iskayninku wañuchisqas kanqanku. Wañuyninkumanta paykunalla juchayoj kanqanku. Chayqa jatun millay jucha.

¹³Sichus uj qhari waj qhariwan puñuykapunman warmiwampis puñushanman jina chayqa, iskayninku wañuchisqas kanqanku, imaraykuchus jatun millay juchata ruwanku. Paykunalla wañuyninkumanta juchayoj kanku.

¹⁴Sichus uj qhari uj warmiwan mamantinwan casaranman chayqa, jatun millay juchata ruwan. Kinsantin ruphachisqas kanqanku. Ajinamanta qankuna ukhupi mana chay jina jucha kanqachu.

¹⁵Sichus uj qhari ima uywallawampis puñuykapunman uj warmiwan jina chayqa, wañuchisqa kanqa; jinallataj chay uywatapis wañuchinkichej.

¹⁶Sichus uj warmi ima uywawampis uj qhariwan jina puñuykapunman chayqa, iskayninku wañuchisqas kanqanku. Paykuna juchayoj kanku wañuyninkumanta.

¹⁷Sichus pipis pananta warmimpaj jap'ikun, paywantaj puñuykapunman, mamanmanta panan kajtin, chayri tatanmanta panan kajtimpis chayqa, tukuy llajta masisnin rikushajtin wañuchisqas kanqanku, imaraykuchus kikin pananwan kananqa millay p'enqay. Chay jinata ruwajqa paylla juchayoj kanqa wañuyninmanta.

¹⁸Sichus pipis uj warmiwan puñuykapunman killa yawarniyoj kashajtin chayqa, jinamanta yawarninta sut'iman rikhurichispa, jinallataj chay warmipis rikuchinman yawarninta chayqa, ayllunku ukhumanta chinkachisqas kanqanku.

¹⁹Ama puñuykapunkichu mamaykej ñañanwan, nitaj tataykej pananwan, imaraykuchus aylluyki ukhupi p'enqayta ruwawaj. Iskayninku juchayoj kanqanku chay jinata ruwasqankumanta.

²⁰Sichus mayqempis tatampa wauqempa warminwan puñuykapunman chayqa, tionta p'enqaypi rikhurichin. Chaymantaqa iskayninku juchayoj kanqanku, wañonqankutaj iskayninku mana wawasniyoj.

²¹Sichus pipis wauqempa warminwan puñuykapunman chayqa, wauqenta p'enqaypi rikhurichenqa. Iskayninku mana wawasniyoj wañonqanku.

²²Tukuy kamachiykunasniyta, imastachus nisqasniytawan kasuychej, junt'aychejtaj. Ajinamanta chay jallp'aqa mana wijch'usonqachejchu, maymanchus tiyakunaykichejpaj chayachisqaykichej chaymanta.

²³Qankunaqa runaspa ususninkuta ama ruwankichejchu, mayqenkunatachus qankunaj ñaupaqeykichejmanta qharqosaj, chaykunajta. Paykuna chay tukuy imasta ruwarqanku, chayrayku noqaqa manaña aguantayta aterqanichu.

²⁴Noqa niykichej dueños kanaykichejta chay runaspa llajtankumanta, noqa kikiy chay jallp'api qankunata mojonachisqaykichej, maypishus lechewan misk'iwan yaku jina corrishan chaypi. Noqamin Señor Diosniykichejqa kani. Tukuy llajtasmanta qankunata t'aqarqaykichej.

²⁵Chayrayku qankunapis sumajta rikunaykichej tiyan mayqenchus ch'ichi qhawasqa, jinallataj llimphupaj qhawasqa animales kanku. Phawaykachajkuna ch'ichipaj qhawasqakunamanta, jinallataj mana ch'ichipaj qhawasqas kajkunatapis. Ama ch'ichichakunkichejchu ni ima tawa chakiyoj uywasrayku, ni phawaykachajkunarayku, nitaj pampata qhatatakuspa purej ch'ichi animalesraykupis, mayqenkunatachus noqa t'aqani ch'ichipaj qhawasqa kanankupaj.

²⁶Qankunaqa noqa jina santos kanaykichej tiyan, imaraykuchus noqa Señorqa santopuni kani. Noqa qankunata ajllasqaykichej tukuy ayllusmanta, noqajta kanaykichejpaj.

²⁷Sichus uj qhari, chayri uj warmi wañusqasta tapunman, chayri layqakunman chayqa, rumiswan ch'anqasqa wañonqa. Chay wañunampajtaj paylla juchayoj kanqa.