Read Quechua Bolivia DC Bible JEREMÍAS 27 Bible Online

JEREMÍAS 27 - Quechua Bolivia DC Bible bible

JEREMÍAS 27

¹Josiaspa wawan Sedequías Judapi kamachiyta qallarishajtin, Señorqa Jeremiasman nillarqataj: Lazosta, uj yugota ima ruwakuy, chantá much'uykiman churaykukuy.

³Chantá uj willayta apachiy Edommanta, Moabmanta, Tiromanta, Sidonmanta ima reykunaman. Chaytaqa apachiy rey Sedequiasta Jerusalenman waturikoj jamorqanku chay kachasnejta.

⁴Chay kuraj kamachejkunasninkuman ninankuta kamachiy, noqa Tukuy Atiyniyoj Señor Israelpa Diosnin chayta nisqayta.

⁵Jatun atiyniyta kachaykuspa kay pachata ruwarqani, runasta, chaypi kashanku chay animalestapis, chantataj pischus munasqasniyman qopusaj.

⁶Noqa churani kay tukuy jallp'asta, Babiloniamanta kamachiy rey Nabucodonosorpa makinman churani. Jinallataj monte animalestapis paypa kamachinman churani.

⁷Tukuy nacionespis payman, wawanman, allchhinman ima kamachisninku kanankupaj jaywasqas kanqanku. Chaytaj kanqa paykunaj jallp'ankuñataj, jatuchaj nacionesman, jinataj atiyniyoj reykunasmampis jaywasqas kanankukama.

⁸Nacionesmanta, chayri reykunasmantapis Nabucodonosorpa yugon uraman mana yaykuyta munajtaqa jasut'isaj, yarqhaywan, onqoywantaj, tukuyninku paypa atiyninman yaykunankukama. Noqa Señor chayta nini.

⁹Chayrayku ama kasuta ruwaychejchu profetasniykichejta, adivinosniykichejta, mosqoykunasta sut'inchajkunata, nitaj chay p'ajpakus rikuni nejkunatapis, pischus umachasunkichej Babiloniamanta reyman ama rinaykichejta chaykunatapis.

¹⁰Chay tukuy imasta nisqasuykichejqa llullaslla kanku. Chayta creespaqa qankuna jallp'aykichejmanta wijch'usqas kayllata tarikunkichej, jinallataj noqa ch'eqerachisunaykichejta wañunaykichejtataj.

¹¹Mayqen nacioneschus rey Nabucodonosorpa atiyninman churakojkunatarí, noqa jallp'ampi qhepakojta saqellasaj, chaypi kausakunampaj, poqochikunampajtaj. Noqa Señor chayta nini.

¹²Noqa Jeremías, Judamanta rey Sedequiasman kay kikillantataj nerqani: Babiloniamanta reypa atiynin uraman churakuychej, jinataj chay llajtamampis, chantá kausankichejtaj, nispa.

¹³Imaraykutaj chantá qan, aylluykipis wañunkuman maqanakupi, yarqhaywan, chayri onqoykunawampisri? Señorqa nin kay tukuy qhatirinantapuni, pischus Babiloniamanta reyta mana kasojkunata.

¹⁴Ama kasuychejchu Babiloniamanta reyta mana kasunaykichejta umachasunkichej chay profetataqa, imaraykuchus paykunaj nisqankoqa llullalla.

¹⁵Señorqa nimpuni paykunata mana kachamusqanta. Paykunaqa Señorpa sutimpi llullakuspalla parlanku; ajinamanta Señorqa ch'eqerachispa tukuchisunkichejpuni, qankuna jina chay llullata nejkuna profetas wañonqanku.

¹⁶Nillarqanitaj sacerdotesman, tukuy aylluymampis: Kayta nin Señorqa: Chay profetasta ama kasuychejchu. Paykunaqa nisunkichej: Babiloniamanta ña kutichiponqankuña, Diosta yupaychana wasispi kaj imasta. Chay nisusqankoqa llullaslla kanku.

¹⁷Ama paykunamanta kasuta ruwaychejchu. Babiloniamanta reyta kasuychej, kausankichejtaj. Imapajtaj kay llajtaqa raqaykunaman tukonqari?

¹⁸Cheqamanta profetaspuni kanku chayqa, cheqamantataj paykunaman parlani chayqa, noqa Tukuy Atiyniyoj Señormanta mañawachunku, ama Babiloniaman apanankuta saqenampaj, chay Diosta yupaychana wasipi qhepakunkuraj chay imasta, chantá Judamanta reypa palaciompi, Jerusalempipis qhepakunkuraj chaykunata ima.

¹⁹Maypachachus rey Nabucodonosor, chay Joacimpa wawan Judamanta rey Jeconiasta Jerusalenmanta apashaspa Babiloniaman wijch'orqa, Judamanta, Jerusalenmantawan kuraj kamachejkunatawan khuska, chaypacha mana aparqankuchu sayantasta, nitaj broncemanta chay jatun yaku pilastapis, nitaj chay sayachinastapis, nillataj chay yupaychana wasipi kaj imastapis.

²¹Tukuy Atiyniyoj Señor nin: Imaschus Diosta yupaychana wasipi qhepakorqanku Judamanta reypa palaciompi, Jerusalempipis, chaykunamanta parlaspa: Babiloniaman apakaponqanku, chaypitaj qhepakonqanku, mayk'ajchari noqa kutichimuyta munasaj ujtawan chaykama. Noqa Señor chayta nini.