Read Quechua Bolivia DC Bible JEREMÍAS 39 Bible Online

JEREMÍAS 39 - Quechua Bolivia DC Bible bible

JEREMÍAS 39

¹Judamanta rey Sedequías, isq'on watastaña kamachishajtin chunka kaj killampi, Babiloniamanta rey Nabucodonosor tukuy soldadosninwan Jerusalempa contrampi jamuspa muyuykorqanku.

²Isq'on kaj p'unchaypi, tawa kaj killapi rey Sedequías chunka ujniyoj watastaña kamachishajtin enemigo soldadosqa perqata jusk'uspa llajtaman yaykuykorqanku.

³Babiloniamanta reypa tukuy kurajkunasnimpis yaykuykullarqankutaj, chaupipi kaj punkupitaj jaraykukorqanku. Chaykunataj karqanku, Nergal-sarezer, Sangar-nebo, Sarsequim, reywan llank'aj runa, chay uj Nergal-sarezer reypa yanapajnillantaj karqa.

⁴Rey Sedequías, chanta soldadosnimpis chay tukuy imas kajta rikuytawan chay llajtamanta ayqekorqanku, reypa huertan chaynejta, iskaynin perqas chaupipi punku kasharqa chayninta ch'isin llojsispa, Jordán valleman rej ñanninta jap'irerqanku.

⁵Caldeospa soldadosnintaj Sedequiasta qhatiykorqanku, Jericó pampanejpitaj tariparqanku. Jap'ispataj rey Nabucodonosorpa ñaupaqenman aparqanku. Pay kasharqa Hamat nisqa chay jallp'api Ribla llajtapi. Chaypi Nabucodonosorqa imatachus ruwananta qelqacherqa: Sedequiaspa ñaupaqempi wawasninta qholucherqa, jinallatataj Judamanta kaj sumachaj runasnintapis.

⁷Sedequiaspa ñawisninta orqhocherqa, cadenaswantaj ch'ipaykucherqa Babiloniaman apanankupaj.

⁸Caldeosqa reypa palacionman ninata jap'iykucherqanku, jinallataj llajtapi wasismampis, Jerusalempa perqasnintapis thuñirarqanku.

⁹Qhepatataj Nabuzaradán reypa soldadosninta kamachej runa Babiloniaman apacherqa llajtapi qhepakojkunata, jinallataj caldeosman chimpajkunatapis.

¹⁰Judá jallp'allampi saqerparerqa chay allin wajchasnin kajta, mana ni imayoj kajkunata, chay p'unchaypitaj uvas huertasta, tarpuna jallp'asta ima qorarqa.

¹¹Babiloniamanta rey Nabucodonosor, soldadosta kamachej Nabuzaradanman kamacherqa. Payman qorqa kay kamachiyta Jeremiaswan imatachus ruwananta:

¹²Qampa makisniykipi waqaychasqa kachun, ama ima sajratapis payta ruwaychu, manachayqa tukuy mañakususqanta ruway, qoytaj.

¹³Chaypacha Nabuzaradán, Nabuzasbán nisqawan, jinataj Nergal-sarezerwan, chanta tukuy reywan khuska llank'ajkunas karqanku, chantá Babiloniamanta reypa tukuy kurajkunasnin ima kacharqanku, soldados Jeremiasta carcelpa pationmanta orqhomunankuta. Ahicampa wawan, Safampa allchhin Gedaliasmantaj nerqanku waqaychananta, wasinmantaj pusananta. Jinamanta Jeremiasqa ayllu ukhupi kausakunampaj qhepakorqa.

¹⁵Jeremías cárcel patiollampiraj kashajtin Señorqa payman nerqa: Rispa nimuy etiope Ebed-melecman: Israelpa Tukuy Atiyniyoj Señor Diosnin nin: Kay llajtaman ñak'ariykunata, manataj allin kaynimpajchu nisqayta junt'asaj. Kay imasta rikunaykita junt'akonqa.

¹⁷Chaywampis noqa waqaychasqayki qan manchachikunki chay runaspa makinman ama urmanaykipaj. Noqa Señor chayta niyki.

¹⁸Wañuchinasunkumanta noqa waqaychasqayki, imaraykuchus kausashaj qhepakunki noqapi atienekusqaykirayku. Noqa Señor chayta nini.