Read Quechua Bolivia DC Bible EZEQUIEL 21 Bible Online

EZEQUIEL 21 - Quechua Bolivia DC Bible bible

EZEQUIEL 21

¹Chaypacha Señorqa parlamuwaspa niwarqa: Runa, Jerusalennejman kutirispa Diosta yupaychana wasej contranta parlay. Sutiypi sut'inchaspa parlay imachus Israel jallp'aj contranta jamunanta.

³Noqamanta kay jinata ninki: Señorqa nin: Noqa contraykipi kani. Cuchilloyta jallch'anananta orqhosaj, chaywantaj juchayojta mana juchayojta wañurachisaj.

⁴Arí, cuchilloytaqa jallch'ananmanta orqhosajpuni juchayojta mana juchayojta ujllapi wañurachinaypaj, wichaynejmantapacha uraynejkama.

⁵Tukuynin runas yachanqanku, noqa Señorqa cuchilloyta jallch'ananmanta orqhosqayta. Mana ujtawan waqaychaykusajchu.

⁶Qantaj runa, unun paranta waqay, sonqoykita nanachikuspa llajtaj rikunanta waqay.

⁷Imamantachus waqasqaykita tapurisojtinkutaj ninki: Uj llakiy imas chayamunanmanta yachaspa waqashani. Chaypachataj tukuy runaspa sonqon mancharenqa, makisnintaj llauch'iyanqanku. Tukuy runaspa qonqorisninkutaj manchariywan kharkatitenqanu. Chay p'unchayqa chayamushanña, chayqa jinapuni kanqa. Noqa Señor chaytaqa nini.

⁸Señorqa parlamuwaspa niwarqa: Runa, imachus chayamunanmanta parlay, sutiypi kay jinata niy: Señorqa nin: Cuchillo, cuchilloqa afilasqaña kashan, lliphipirishantaj.

¹⁰Wañurachinapaj afilasqaña kashan, llusq'ochasqataj kashan k'ancharinampaj. Kusikusunchejchu? Wawaypa tojnunta qhesacharqa mana kaj k'aspillapis kanman jinata.

¹¹Lliphipirishajta afilacherqanku waj runa jap'inampaj. Cuchilloqa afilasqa kashan, lliphipishantaj, runa wañuchejpa makinman jaywanapaj.

¹²Qantaj, sonqo nanayta qhapariy, imaraykuchus kayqa aylluyta wañurachinapaj wakichisqa kashan, tukuy Israelta kamachejkunapajtaj. Paykunaqa aylluywan khuska wañuranankupaj juchachasqas kanku, chayrayku llakiywan pechoykita takakuy.

¹³Noqa Señor, kaytaqa cheqatapuni nini. Sichus espadaqa varata qhesachanman chayqa, mana astawan kanqañachu, nin Señorqa.

¹⁴Qantaj runa, sutiypi parlay imachus jamunanmanta. Makisniykita t'ajllakuy, ajinamanta wañurachej espadaj phiñakuynenqa iskayman, kinsamantaj tukuchun. Kay espadaqa wañuchinapajmin.

¹⁵Chay espadaqa ashkha runasta manchachenqa, ashkhatataj wañurachenqa. Tukuy paykunaj wasinkoj punkumpi wañuchej espadata churarqani. Espadaqa sumaj llosq'ochasqa lliphipirinampaj, wañurachinapaj sumaj afilasqa kashan.

¹⁶Paña ladomanta khuchun, lloq'e ladomantataj nanachin.

¹⁷Noqapis makiyta oqharispa t'ajllakullasajtaj phiñakuyniy tukukunankama. Noqa Señormin kaytaqa nini.

¹⁸Señor parlamuwarqa, niwarqataj: Qan runa, iskay ñankunata ruway Babilonia rey espadanwan rinampaj. Iskaynin ñankunaqa uj jallp'allamanta llojsinanku tiyan. Uj señalta churay sapa ñampa qallariynimpi, mayqen llajtamanchus pusashasqanta rikuchinampaj.

²⁰Espadawan rey jamunampaj ñankunata señalanayki tiyan: Ujnenqa Rabá nisqa amonitaspa llajtankuman pusanampaj, ujtaj Judaman rinampaj, sinch'i ruwasqa Jerusalén llajtaman.

²¹Babilonia reyqa sayaykun maynejmantachus iskaynin ñankuna qallarikushanku chaypi suerteta choqanampaj. Varasta thalan, dioskunasninkuta tapurin, uywaspa kukupisninkutataj qhawarin.

²²Suertetaj paña makin ladoman llojsin Jerusalén cheqata señalaspa. Chay señaltaj niyta munan, maqanakuman yaykunampaj kamachinanta, wañurachiyta qallarinampaj, maqanakunapaj jatunmanta qhaparinampaj, ariete nisqa makinasta punkuspa contrampi churanampaj, perqata ruwanampaj, tukuynin llajtata maqanakupaj torreswan muyuykuchinampaj.

²³Chaywampis Jerusalén llajtayoj runaspajqa llulla parlaylla rijch'akorqa, imaraykuchus paykunaqa sumaj tratostaña ruwasqanku. Señortaj paykunaman sajra ruwasqasninkuta yuyarichin, rikuchintaj juchasninkurayku paykunata jap'irachinanta.

²⁴Chayrayku Señorqa kay jinata nin: Sajra ruwasqasniykichej, wañuchisqasniykichej imaqa sut'inchasqa kashanku. Tukuy ima ruwayniykichejpi juchallisqasniykichejqa sut'ipi kashanku. Chayrayku jap'irachisqas kankichej.

²⁵Qampajrí, Israelpa reynin, runa wañuchi sajra rey, jasut'isqa kanayki p'unchayqa qayllamunña, sajra imasta ruwanayki tukukunampaj.

²⁶Señorqa kay jinata nin: Uma watanaykita orqhosonqanku, pilluykita orqhosonqanku, pilluykita orqhosonqanku, tukuy imataj waj jina kanqa. Juch'uypaj qhawasqa kajqa, jatumman oqharisqa kanqa, jatumpaj qhawasqa kajtaj, k'umuykuchisqa kanqa.

²⁷Tukuyta thuñisaj, thuñisqamantapis llimphu thuñisqatapuni saqesaj. Kaytaj ruwakonqa, justiciata ruwanampaj churaniña chay jamojtinraj.

²⁸Runa, imaschus sutiypi jamunankumanta willaray; chay amonitasman niy: Israelpa contranta parlanku chay amonitaspa contranta Señorqa kay jinata nin: Espadaqa jallp'amanta orqhosqaña kashan amonita runasta ruwarachinampaj, llosq'ochasqataj lliphipirinampaj t'unaykunampajtaj.

²⁹Mosqoypi jina rikusqankoqa qhasilla kanku, willarasusqampis llullaslla kanku. Chay espadaqa sajra kaspa runasta wañuchinku chaykunaj kunkanman qholuranampaj urmanqa. Paykunata jasut'inapaj p'unchaynenqa chayamunña, sajra imasta ruwanasnin tukukunampaj.

³⁰Espadataqa waqaychananman kutiykuchisajchu? Maypichus nacekorqanki, may jallp'apichus kausarqanki chay jallp'api qanta cheqanchasqayki.

³¹Phiñakuyniyta pataykiman urmachimusaj, phiñakuyniyta manchay larwashaj ninaman rijch'akojta pataykiman urmachimusaj. Sajra runaspa makinman t'unaykusunampaj jap'ichisqayki.

³²Ruphachisqa kanki, t'unasqataj. Yawarniykitaj llajtantinta correnqa, nitaj pipis ujtawan qanmanta yuyarikonqachu. Noqa Señor kaytaqa nini.