Read Quechua Bolivia DC Bible EZEQUIEL 25 Bible Online

EZEQUIEL 25 - Quechua Bolivia DC Bible bible

EZEQUIEL 25

¹Señorqa parlamuwaspa niwarqa: Runa, amonitasta qhawariy, sutiypitaj paykunaj contrampi parlay.

³Paykunaman niy: Señorpa parlasqanta uyariychej. Señorqa kay jinata nin: Qankunaqa wasiy ch'ichichasqa kashajtin, walejpacha, nispa jatunmanta asikorqankichej; Israel jallp'aqa t'unasqa kashajtin, Judá ayllupis jap'iraspa apasqa kashajtin.

⁴Chaynejta qankunata inti llojsimuynejpi kaj runaswan jap'ichisqaykichej, paykuna jallp'aykichejta jap'ikaponqanku, chaypitaj ranchosta, toldosninkutapis tiyakunankupaj ruwakonqanku. Chajrasniykichejmanta paykuna mikhonqanku, lecheykichejtapis paykunalla ujyanqanku.

⁵Rabataqa camellospa mikhunan pampaman tukuchisaj. Amontataj ovejaspa jant'anman tukuchisaj. Chaypacha yachankichej noqa Señor kasqayta.

⁶Kay jinata nin Señorqa: Amonita runas, kusiywan makisniykichejta t'ajllarakorqankichej, chakisniykichejwantaj p'atatiyarqankichej, kusikorqankichejtaj Israel aylluta qhesachaspa.

⁷Chayrayku makiyta oqharisaj qankunata jasut'inaypaj, waj llajtayojkunaj makisninmantaj jaywaykusqaykichej, paykuna tukuy kapuyniykichejta qhechusunaykichejpaj, ayllukunaj chaupinmanta orqhomuspa t'unaykusqaykichej, llajtakuna chaupimanta mana imayojta chinkasqata chinkachisqaykichej, chantá yachankichej noqa Señor kasqayta.

⁸Señorqa kay jinata nin: Moabwan, Seirwanqa Judá ayllumanta parlaspa ninku, Judaqa waj llajtakuna jinalla kasqanta.

⁹Chayrayku noqa Moabpa ladomanta kicharisaj, ujnin cantonmanta ujninkama, mana llajtayojtataj ruwasaj, Bet-jesimot nisqa llajtata, chantá Baal-meonta, Quiriataimtataj. Chay llajtasqa munanapaj jina kanku.

¹⁰Inti llojsimuynejmanta kaj runasman chayaqempaj qopusaj amonitakunaj jallp'asninkutawan. Chay jinamanta amonitasmanta llajtakuna ukhupi mana yuyarisqa kanampaj.

¹¹Jinallataj Moabpipis jasut'isaj, yachanqankutaj noqa Señor kasqayta.

¹²Chay jinata Señorqa nin: Edomqa manchay sajra imata Judá aylloj contranta ruwarqa, chayrayku may jatun juchayoj payqa rikhurin.

¹³Chayrayku Señorqa kay jinata nin: Noqa Señor makiyta oqharisaj Edomta jasut'inaypaj, runasninta uywasnintawan t'unaykunaypaj. Thuñisqata saqesaj Temanmanta qallarispa Dedankama. Runasqa espadawan wañurachisqas kanqanku.

¹⁴Israel aylluypa makinnejta Edomtaqa jasut'isaj. Israel aylluy Edomtaqa phiñakusqayman jina, k'ajaj phiñakuyniyman jinataj ruwanqa. Chay jinapi yachanqanku imaynachus jasut'iyneyqa kasqanta. Ajinata Señorqa nin.

¹⁵Noqa Señorqa kay jinata nini: Filisteosqa sajra yuyayninkuwan ruwarqanku, sonqompitaj may chejninakuywan. Unaymantapacha wiñaykamapis Israelpa contrarion kanman jinata paykunata t'unaykorqanku.

¹⁶Chayrayku noqa Señorqa nini: Makiyta oqharisaj filisteo runasta jasut'inaypaj. Serreteostaqa mana ujniyojta saqespa tukuchisaj. Qocha cantopi kajkunatapis t'unaykullasajtaj.

¹⁷Paykunamantaqa aynita ruwaspa ruwakusaj. K'ajaj phiñakuywan paykunata jasut'isaj. Chay jinata ruwajtiy chaypacharaj noqa Señor kasqayta rejsiwanqanku.