Read Quechua Bolivia DC Bible EZEQUIEL 9 Bible Online

EZEQUIEL 9 - Quechua Bolivia DC Bible bible

EZEQUIEL 9

¹Chay qhepata sinch'i qhaparejta uyarerqani, chaytaj ningrisniyman qhapariykuwarqa: Jasut'ejkunaqa chayamunkuña llajtata jasut'inankupaj, t'unaykoj armasta makinkupi oqharisqas.

²Chantá rikorqani, wichaynejpi kaj punkumanta sojta runas yaykumushajta, sapa ujninku armayoj karqanku. Paykunawan khuska lino nisqa yuraj p'achayoj runa jamusharqa. Chumpimpi churasqa kasharqa, imaschus qelqanapaj karqa chay herramientas. Paykuna yaykumuytawan broncemanta altar qayllapi sayarqanku.

³Israelpa Diosnimpata k'anchaynin lijrasniyojkunaj patampi karqa, chaymanta pataman oqharikuspa, Diosta yupaychana wasej punkunejmanta purirerqa. Señorqa linomanta p'achayoj runata wajyarqa, chumpimpi qelqa herramientasniyoj karqa chayta.

⁴Paymanta nerqa: Jerusalén llajtata purerqoy, uj señalta frentesninkuman churaykuy, chay llajtapi tukuy mana allin imas ruwakusqankurayku qhaparispa waqarashanqanku chay runakunaman.

⁵Wakin runasman kayta nejta uyarillarqanitaj: Qankuna paykunaj qhepanta llajtaman riychej. Diosta yupaychana wasimanta qallarispa tukuy runasta wañurachiy, ni imamanta khuyarikuspa, machu runasta, wayna runasta, sipaskunasta, wawasta, warmista ima; tukuyninta wañurachiychej. Pikunachus señalniyoj kajmanqa ama qayllaykullankichejpischu. Chantá, paykunaqa Diosta yupaychana wasi punkupi kasharqanku chay kurajkunamanta wañurachiyta qallarerqanku.

⁷Chaypacha Señorqa paykunaman nerqa: Diosta yupaychana wasiman riychej, ch'ichichamuychejtaj, patiosninmantaj runa ayaswan junt'arachiychej, nispa. Chantá paykuna llojsispa llajtapi kaj runasta wañurachiyta qallarerqanku.

⁸Chay jinata runasta wañurachishajtinku noqa sapallay qhepakorqani. Chaypacha noqa pampakama k'umuykuspa sonqo nanaywan qhaparerqani, nerqanitaj: Señorníy, israelita runasqa pisillaña kashanku, chaykunata tukuynintapunichu phiñakuyniykipi chinkachinki Jerusalenman phiñakuyniykita urmachimuspa?

⁹Señortaj kutichiwarqa: Israel aylloj juchanqa may jatumpuni, jinallataj Judajtapis. Kay jallp'aqa wañunachikuywan junt'a kashan. Llajtapis sajra ruwaykunawan junt'asqa kashan. Paykuna yuyanku noqa kay nacionta saqepusqayta, imatachus ruwasqankuta mana rikusqayta.

¹⁰Chayrayku noqapis paykunamanta mana uj pisillatapis khuyarikusajchu, manachayqa tukuy sajra purisqankumanta cuentata mañasaj.

¹¹Chaymanta linomanta ruwasqa p'achayoj runa, chumpimpitaj qelqana herramientasniyoj kaj runaqa, kutirimuspa nerqa: Kamachiwasqasniykita junt'aniña, nispa.