Read Quechua Bolivia DC Bible OSEAS 11 Bible Online

OSEAS 11 - Quechua Bolivia DC Bible bible

OSEAS 11

¹Maypachachus Israel ayllu wawallaraj kashajtin, munakoj kani payta, waway kasqanrayku, chayrayku Egiptomanta wajyakaporqani.

²Noqa payta astawan wajyasqayrayku, astawan pay noqamanta t'aqakapushawarqa. Aylloyqa jaywasharqa rikuchikusninta qhasi llulla dioskunallaman, inciensostataj q'osñichisharqa lantisman.

³Chaywampis Efrainta noqa makisninmanta jap'ispa puriyta yachacherqani, payri mana entienderqachu noqa kasqayta payta waqaychajqa.

⁴Misk'i parlaywan may munakuywantaj wataspa paytaqa noqanejman aysamorqani, uyay chayman astawan paykunata k'askaykuchikorqani uj ñuñoj wawasta jina; astawantaj k'umuykorqani paykunata mikhuchinaypaj.

⁵Chaywampis paykunaqa manapuni kutirimuwayta munarqankuchu. Chayraykumari Egiptoman kutirinanku karqa. Asiriataj paykuna patapi kamachenqa.

⁶T'ojsina espadas llajtasninku pataman urmaykonqa, pakakuna sinch'i wasisninkutataj tukuchenqa, munasqankuman jinalla ruwasqankuraykutaj phirisqas kanqanku.

⁷Israel aylloyqa noqamanta karullapipuni kayta munashan. Mayta oqharerqanku pataman, ni pipis paykunata yanapanchu.

⁸Imaynallatataj saqesqayki, Efraín? Imaynatataj qonqarparisqayki Israel? Atiymanchu Adma llajtata jina phirisuyta, chayri imaynatachus Zeboim llajtawan ruwarqani ajinallatataj qamwampis ruwayta? Sonqoyqa nanasqaña kashan, qampaj khuyakuywan junt'asqa!

⁹Mana phiñakuyniy k'ajarisqanman jinachu ruwasaj: Mana watejmanta Efrainta t'unasajñachu, imaraykuchus noqa Dios kani, mana runachu, noqamin Santo kani, chaupiykichejpi kashani chay, manataj t'unata ruwajchu jamuykichej.

¹⁰Paykuna Señorta qhatenqanku, Señortaj uj león jina qhaparenqa. Paypata kajkunata inti llojsimuy ladomanta qharkatitispa jamonqanku.

¹¹P'isqos jina Egiptomanta kharkatitispa jamonqanku; Asiriamanta palomas mina jamonqanku, jinamanta watejmanta wasinkupi tiyakunankuta ruwasaj. Noqa Señor chayta nini.

¹²Efraenqa llullerasninwan muyuykuwan; Israel ayllupi ch'aukeriyasninwan muyuykuwan. Judatajrí, Diosmanta t'aqakapun, kunantaj sumajta purikushan chay lantisninwan.