Read Quechua Bolivia DC Bible OSEAS 14 Bible Online

OSEAS 14 - Quechua Bolivia DC Bible bible

OSEAS 14

¹Israel, kutirikuy Señor Diosniykiman, imaraykuchus juchasniykirayku urmarqanki!

²Señorman kutiriychej, kay jina mañakuywan qayllaykuychej. Perdonapuwayku tukuy juchasniykumanta, kay allin ruwasqasniykutataj jap'iy, kay yupaychaykunasta apamusqaykutapis jap'iy.

³Asiriaqa manamin salvayta atiwasqaykuchu, nillataj caballospipis ayqesqaykuchu. Manaña kayqa Diosniyku nispa, noqaykoj kikiykoj ruwasqasnillaykutaqa sutichasqaykuchu; imaraykuchus qanllapimin Señor uj wajcha wawaqa khuyakuyta tarenqa.

⁴Señor nin: Noqa jampisaj juchachakusqankumanta; noqa munakusaj mana merecesqankuraykupis, imaraykuchus phiñakuyneyqa paykunamanta t'aqakapunña.

⁵Israelpaj noqa kasaj uj chhulla jina, paytaj liriokuna jina t'ikarenqa. Saphisnenqa Líbanoj orqompa saphisnin jina sinch'is kanqanku;

⁶ramasnimpis ima k'achata aysarikonqanku, olivo sach'aj ramasnin jina, q'apaynintajri Libanopi cedrospa q'apaynin jina kanqa.

⁷Israel watejmanta kausanqa llanthusniy urapi; chaypacharaj trigo jina wiñarenqanku, uvas jina t'ikarenqanku, Libanopi vino jinataj may uyarisqas kanqanku.

⁸Efraintaj nenqa: Ima dakuwanñataj chay lantikunamantari?, nispa. Noqamin uyarini, qhawanitaj aylluytaqa! Noqa kani uj pino jina q'omerllapuni, noqapitaj aylloyqa poqoyninta tarenqa.

⁹Tukuy yachayniyojkuna, yuyayniyojkunapis kay willaymanta entiendechunku: Señorpa munakusqasnenqa cheqankunamin, justostaj chayta qhatinku; pero chay sajrata ruwajkunarí, paykunapi misk'akuspa urmanqanku.