Read Quechua Bolivia DC Bible AMÓS 8 Bible Online

AMÓS 8 - Quechua Bolivia DC Bible bible

AMÓS 8

¹Señor Diosqa kayta rikuchiwarqa: Uj canasta kasqa poqosqa frutasniyoj.

²Paytaj tapuwarqa: Amós, imatá rikunki. Kuticherqanitaj: Uj poqosqa frutayoj canastata rikuni, nispa. Señortaj niwarqa: Israel aylluypa jasut'iynin chayamunña, manaña ujtawampis juchasninta pampachasajchu.

³Chay p'unchaypi palaciopi takisqankoqa may llakiyman tukonqa. Ashkha runas wañonqanku, ayasninkoqa jawa ch'in laqhaman wijch'usqas kanqanku. Chaytamin nin Señorqa.

⁴Uyariychej kayta: Qankunaqa llamp'u sonqoyojkunamanta ch'irwashankichej, chay jallp'aspi wajcha runastataj mana allimpi rikhurichinkichej.

⁵Qankuna ninkichej: Mayk'ajllañataj mosoj killa fiesta chayamonqa chay qhepata trigota vendenanchejpajri? Mayk'ajllañataj samakuna p'unchay chayamonqa chay qhepata trigota ashkhapi, pisitataj, chanta mana allin pesaspitaj vendenanchejpajri?

⁶Ajinamanta wajchasta ñak'arichisunchej, paykuna kikinku vendekunawanchejkama wata runas jina, manusninkuta junt'anankukama, uj churakuy ujut'asta manuchakusqallankumanta. Chaypachataj vendesunchej mana allin kaj trigota.

⁷Señortaj juran Jacobpa jatun kayninrayku: Mana jayk'ajpis qonqasajchu kay jinatapuni ruwasqankutaqa, nispa.

⁸Manachu jallp'aqa ikhakonqa kay tukuy imasmantaqa? Manachu chay jallp'api tiyajkunaqa waqanqanku? Chay jallp'ataj oqharikonqa tiyaykonqataj, imaynatachus Nilo mayu yaku ashkhayantaj pisiyantaj jinata.

⁹Chay p'unchaytaj nin Señor Diosqa: Chaupi p'unchay kashajtin intita laqhaykuchimusaj, chay kikin p'unchayllataj jallp'ata laqhaykuchimusaj.

¹⁰Wañusqasmanta waqayman fiestasniykichejta tukuchisaj. Takisqasniykichejtapis aya p'ampaypi waqayman tukuchisaj. Luto p'achasta churachisqaykichej. Umasniykichejta ruthuchisqaykichej, llakiypi kasqaykichej yachakunampaj. Waqankichejtaj uj runa k'ata wawan wañupojtin waqan jinata. Tukuy ima tukukonqa may llakiypi.

¹¹Señorqa nin, jamushanku p'unchaykuna, chay p'unchaykunapi jallp'a pataman yarqhayta apachimusaj; mana t'antamanta yarqhaytachu, nitaj yakumanta ch'akiytachu, manachayqa Diospa palabranta uyarinamanta yarqhayta.

¹²Runasqa tuntuyasqas purenqanku, Señorpa palabranta mask'aspa; renqanku uj mar qochamanta uj mar qochaman, patamanta ura cantonkama, chaywampis mana tarenqankuchu.

¹³Chay p'unchaykunapeqa k'achita sipaskuna, wapu waynakuna ima llauch'iyanqanku ch'akiywan yakumanta jina.

¹⁴Samariaj lantisninrayku jurajkuna nenqanku: Oh Dan, diosniykej kausayninmanta; qampis Beerseba dioskunasniykichej kausayninmanta, nejkunapis urmanqanku manaña ujtawan sayarimunankupaj.