Read Quechua Bolivia DC Bible NÚMEROS 13 Bible Online

NÚMEROS 13 - Quechua Bolivia DC Bible bible

NÚMEROS 13

¹Señorqa Moisesman nerqa: Israelitasman qosaj chay Canaán jallp'ata qhawamunankupaj qharista kachay, sapa Israel ayllumanta ujtakama, ajllasqas kanku chaykunata kamachinankupaj.

³Israelitasmanta kuraj kajkunata Señorpa kamachisqanman jina Moisesqa Parán ch'inmanta kacharqa.

⁴Chaykuna karqanku: Rubén ayllumanta Zacurpa wawan Samúa; Simeón ayllumanta Horej wawan Safat; Judá ayllumanta Jefonej wawan Caleb; Isacar ayllumanta Josej wawan Igal; Efraín ayllumanta Numpa wawan Oseas; Benjamín ayllumanta Rafoj wawan Palti; Zabulón ayllumanta Sodej wawan Gadiel; José ayllumanta, chaytaj Manasés aylloqa, Susej wawan Gadi; Dan ayllumanta Gemalej wawan Amiel; Aser ayllumanta Micaelpa wawan Setur; Neftalí ayllumanta Vapsej wawan Nahbi; Gad ayllumanta Makej wawan Geuel.

¹⁶Kay runastaqa Moisesqa Canaán jallp'ata qhawamunankupaj kacharqa. Numpa wawan Oseasta suticharqa Josueta.

¹⁷Moisesqa chay runasta Canaán jallp'ata qhawamunankupaj kachashaspa nerqa: Neguevnejta rispa orqoman wicharinkichej.

¹⁸Chaymanta qhawankichej imaynachus chay jallp'as kasqanta, chaypi tiyakoj runas sumaj jallp'asniyojchus kanku manachus chayta; ashkhaschus, chayri pisillachus kanku chaytawan.

¹⁹Chanta qhawallankichejtaj llajtasninkupis perqaswan muyurisqaschus chayta, chayri jarasllachus chayta; chay jallp'asninkupis sumajchus manachus chaytawan.

²⁰Jallp'asninkupis poqoyniyojchus manachus chayta, sach'asninkupis kanchus manachus chaytawan. Ama manchachikuychejchu, chay jallp'aspi imaschus poqon chaytapis apamuychej, nispa. Kay karqa uvas ñaupaj kaj poqoyta qallarishajtin.

²¹Chay runasqa rerqanku chay jallp'asta qhawaj Zin nisqa ch'in pampanejta, ura jallp'asnejta, chanta patanejta Rehobkama Hamat nisqa qayllakama.

²²Chaymanta rerqanku Neguevnejta, Hebronman chayanankukama. Chaypi tiyarqanku Ahiman, Sesaí, talmai ima, paykuna karqanku Anacpa miraynin. Hebronqa ruwasqa karqa Egiptopi Zoanmanta qanchis wata ñaupajta.

²³Chaymanta rispa chayarqanku Escol wayq'okama, chaypi k'utorqanku uj uvas sach'a ramanta. Chaytataj k'aspiman warkhuykuspa iskaymanta wantuspa aparqanku. Chaymanta apallarqankutaj granadasta, higostawan.

²⁴Chay cheqaqa Escol valle sutichasqa karqa, israelitas uvas ramata chhullchuntillanta k'utusqankurayku.

²⁵Chay rej israelitasqa tawa chunka diamanta chay jallp'ata qhawamusqankumanta kutimorqanku, Cadespi Parán ch'in pampaman. Chaypi Moiseswan, Aaronwan, tukuy israelitaswan ima suyasharqanku. Paykunaman willarqanku imastachus rikusqankuta, chanta rikucherqankutaj chay jallp'api poqojta.

²⁷Moisesmantaj nerqanku: Noqaykoqa maymanchus kachawasqayku jallp'aman chayayku. Chay jallp'apeqa cheqamanta lechewan misk'iwan yaku jina corrishan. Chay jinata kay jallp'aqa poqoy kasqa.

²⁸Chaywampis, chaypi tiyakoj runasqa manchay kallpasniyoj kasqanku, llajtasninkupis jatuchaj, perqaswan sumaj jark'achisqastaj. Chantapis rikullaykutaj Anacpa mirayninmanta kajkuna jatuchaj runas kasqankuta.

²⁹Neguev cheqaspi amalecitas tiyashanku; loma chaynejkunapitaj tiyashanku hititas, jebuseos, amorreoswan; mar qocha chaynejpitaj Jordán mayu cantopi cananeos tiyashanku.

³⁰Calebtaj Moisespa contrampi oqharikojkunata ch'inyacherqa, nerqataj: Noqanchejqa kunampacha rispa chay jallp'ata jap'ikampunanchej tiyan! Noqanchej aswan atiyniyoj kanchej paykunamanta nisqaqa!

³¹Calebwan qhuska rejkunataj kuticherqanku: Mana! Mana atipasunmanchu chay runasta! Paykunaqa aswan kallpayoj kanku noqanchejmanta nisqaqa.

³²Wakin rejkunataj llullakuspa israelitasman nerqanku: Noqayku qhawamorqayku chay jallp'asqa chaypi tiyaj runasta mikhuykoj kasqa, chaypi tiyakoj runaspis jatuchaj kanku.

³³Rikullaykutaj Anacpa mirayninmanta kajkuna jatuchaj runasta. Noqaykoqa paykunaj qayllankupi langostas jina juch'uysitus kayku, paykunapis juch'uysitusta jina qhawariwayku, nispa.