Read Quechua Bolivia DC Bible NÚMEROS 16 Bible Online

NÚMEROS 16 - Quechua Bolivia DC Bible bible

NÚMEROS 16

¹Uj levita, Coatpa mirayninmanta, Izharpa wawan Coré, Rubén ayllumanta kinsa runaspiwan; chaykuna karqanku Datán Abiram Eliabpa wawasnin, Peletpa wawan On ima, Moisespa contranta oqharikorqanku. Paykunamanta iskay pachaj phishqa chunkayoj israelitas oqharikorqanku, sapa t'aqapi kamachejkuna. Paykuna sumajpaj qhawasqa runastaj karqanku.

³Tukuyninku tantaykukuytawan Moisesman Aaronmanwan nerqanku: Kaykamalla qankunaqa kamachiwasqayku. Tukuynin israelitas Diosman k'umuykukunku, llimphuchasqastaj kanku; Señorpis tukuyninkuwan kashan. Imaraykutaj qankuna Señorpa llajtanta kamachiyta munankichejri?, nispa.

⁴Chayta uyarispa Moisesqa pampaman umanta chayachinankama k'umuykukorqa.

⁵Chaymantataj Coreman, pischus paywan kasharqanku chaykunamanwan nerqa: Q'aya tutamanta Señorqa willawasun, pischus paypata kasqanta, pischus llimphupaj qhawasqa kasqanta, pischus rikuchikusta payman jaywanqa chay kajllata Señorqa ajllanqa.

⁶Kayta ruwaychej: Apamuychej incienso q'osñichinasta, qanwan kajkunajtawan.

⁷Chaymantaj nina brasasta churaspa inciensota q'osñichiychej. Chaytataj Señorpa ñaupaqenman jaywamuychej. Chaytaqa ruwachun Señorpa ajllasqan kaj runa. Kaykamallaña qankunawanqa levitas!

⁸Chaymanta Moisesqa Coreman nerqa: Uyariwaychej levitas: Qankunapajqa, pisichu israelitaspa Diosnin israelitas ukhumanta ajllasusqaykichejqa; Diospa qayllampi kanaykichejpaj, Señorpaj imaschus chaykunata ruwanaykichejpaj Dioswan parlana toldopi, ajinamanta israelitaspaj imatapis ruwanaykichejpaj?

⁹

¹⁰Señorqa munarqa qan, chanta aylluykimanta qhatisojkuna levitas, paypa qayllampi kanaykichejta. Kunanqa qankuna sacerdote jina imatapis ruwayta munankichej.

¹¹Pitaj Aaronqa paypa contranta parlanaykichejpaj. Qanrí yanapajkunasniykiwan Señorpa contranta oqharikushankichej.

¹²Chaymanta Moisesqa wajyachimorqa Eliabpa wawasnin Datanta, Abiramtawan; paykunataj Moisesman nerqanku: Mana munaykuchu riyta.

¹³Qampajqa pisichu, lechewan misk'iwan correj jallp'amanta orqhomuwasqayku, kay ch'in pampapi wañuchinawaykupaj, chantapis noqaykuta kayman jaqayman munasqaykita pusaykachanawaykupajqa?

¹⁴Qanqa ni mayman pusawaykuchu, maypichus lechewan misk'iwan corrishan chayman, ni jallp'asta, nitaj uvas chajrasta qowaykuchu. Qanqa tukuyniyku ciegos jina pusachikunallaykutachu munanki? Chayqa mana jinachu kanqa. Mana risqaykuchu uyaykita qhawaj, nispa.

¹⁵Chaymanta Moisesqa maytapuni phiñarikorqa, Señormantaj nerqa: Señor, ama ofrendasninkuta jap'iychu. Noqaqa paykunamanta mana uj burrollankutapis qhechunichu, nitaj ima sajratapis ruwanichu ni mayqenninkuta.

¹⁶Chaymanta Moisesqa Coreman nerqa: Q'aya tutamanta qan, chanta qanwan kajkunawan ima Señorman qayllamuychej. Aarompis chaypi kanqa.

¹⁷Sapa uj apakuchunku incienso q'osñichinankuta, q'osñichichunkutaj. Jinallataj qan, chanta Aarompis incienso q'osñichinasniykichejta apakuychej. Señorman qayllamuychej iskay pachaj phishqa chunkayoj runas pusarisqa.

¹⁸Chaymantaqa sapa ujninku incienso q'osñichinasninkuman ninata churaytawan chaypi inciensota q'osñicherqanku Dioswan tinkukuna toldo punkupi, jinallataj Moiseswan Aaronwampis.

¹⁹Chaypaj Coreqa tukuy paywan kajkunawan ñapis tantasqasña karqanku Dioswan parlana toldo punkupi paykunaj contrankupi. Chaymantaj ujllata Señorpa manchay k'anchaynin rikhurimorqa tukuy israelitaspa ñaupaqempi.

²⁰Moisesman Aaronmanwan Señorqa nerqa: Qankuna kay runaspa chaupinmanta t'aqakuychej, uj ñawi ch'ipejpi paykunata chinkachisaj.

²¹

²²Moiseswan Aaronwantaj chayta uyarispa pampaman umankuta chayachinankukama qonqorikorqanku, kay jinata nispa: Diosniyku, tukuy runasman kausayta qoj, kay tukuy runaspa contrantachu phiñakunki uj runaj juchanrayku?

²³Señortaj Moisesman nerqa: Israelitasman niy, usqhayta t'aqakunankuta Corejpa, Datampa, Abirampa toldosninkumanta, nispa.

²⁴

²⁵Moisestaj sayariytawan, israelitaspa kurajkunasninwan Datanman, Abirammanwan qayllaykorqa.

²⁶Runasmantaj nerqa: Kay sajra runaspa jarasninmanta t'aqakuychej, ama imasninkutapis llankhankichejchu, ama qankunapis paykunaj juchankurayku wañunaykichejpaj.

²⁷Chayta nejtinkama israelitasqa Coremanta, Datanmanta, Abiranmantawan t'aqakorqanku. Datanwan Abiramwanqa toldosninku punkupi warmisninkuwan, wawasninkuwan ima kasharqanku.

²⁸Moisesqa nillarqapuni: Kunanqa kay imaspi qankunaqa yachankichej noqata Señor kachamuwasqanta, mana imatapis sapallaymanta ruwasqayta.

²⁹Sichus kay runas, imaynatachus runas wañunku jinallata wañonqanku chayqa, chaypi yachakonqa Señorqa noqata mana kachamuwasqanta.

³⁰Sichus Señorqa uj mosoj imata ruwanqa, jallp'a siminta kicharenqa, oqoykonqataj tukuy imasnintawan khuska kay runasta, kausashajtaj wañuy ukhupachaman uraykonqanku chayqa, chaypi qankunaqa yachankichej kay runasqa Señorta qhesachasqankuta.

³¹Moisés parlayta tukusqantawan chakinku uramanta ujllata jallp'a kicharikorqa.

³²Jinamanta tukuyninkuta jallp'aqa oqoykorqa, Corewan sayaj runasta, tukuy familiasnintinta, imasninkuchus karqa chaytawan khuska.

³³Paykunaqa kausashaj jallp'a ukhuman chinkaykorqanku tukuy imasninkuwan khuska, jallp'ataj wisq'aykukorqa. Ajinamanta paykunaqa israelitaspa chaupinmanta chinkariporqanku.

³⁴Chayta uyarispataj chay qayllapi muyurisqa sayashaj israelitas qhaparispa ayqekorqanku, ama noqanchejtawan jallp'a oqoykuwasunchejchu ari, nispa.

³⁵Chantapis Señorqa ninata apachimorqa, pikunachus Dioswan parlana toldopi inciensota jaywasharqanku chaykunata iskay pachaj phishqa chunkayoj runasta ruphaykorqa.

³⁶Chaymantataj Señorqa Moisesman nerqa: Aarompa wawan Eleazarta kamachiy, incienso q'osñichinasta orqhochun, chay ruphasqa runas chaupimanta, chaypi kaj nina k'ajaj brasastataj karuman choqachun.

³⁷

³⁸Incienso q'osñichinaspa unuyasqan kachun altarta qhatanapaj, chayta rikuspa israelitas yuyarikunankupaj, imaraykuchus chayqa kashan israelitas juchallikusqankumanta llimphuchasqataj kausayninkuta qosqankumanta, noqaj ñaupaqeypi inciensota jaywasqankumanta.

³⁹Sacerdote Eleazarqa broncemanta ruwasqas incienso q'osñichinasta pallarqa. Ujllaman unuyarpachispataj altarta qhatanapaj ruwarqa.

⁴⁰Chay karqa uj señal israelitas yuyarikunankupaj, yachanankupajtaj ama pipis Señorman inciensota jaywanallankupaj, manachayqa Aarompa familianmanta kajlla jaywanampaj, ama Corewan jina imapis kanampaj, nitaj paywan sayarqanku chaykuna jinapis Señorpa Moisesman kamachisqanman jina.

⁴¹Q'ayantintaj tukuynin israelitas Moisespaj Aarompajwan rimayta qallarerqanku. Qankunaqa Señorpa ayllunta wañurachishankichej, nispa.

⁴²Moiseswan Aaronwantaj jinata israelitas muyuyninkuman tantaykamojtinku Dioswan parlana toldonejman thaskirispa qhawarerqanku. Chay kikimpachataj Dioswan tinkukuna toldota phuyu pakaykorqa, Diospa k'anchaynintaj rikhurimorqapacha.

⁴³Moiseswan Aaronwantaj Dioswan parlana toldoj ñaupaqenman rerqanku.

⁴⁴Chaypitaj Señorqa Moisesman nerqa: T'aqakuychej chay runaspa chaupinmanta, uj ñawi ch'ipejpi paykunata chinkachisaj! Chayta nejtinkamataj paykunaqa pampaman umankuta chayachinankukama qonqoriykukorqanku.

⁴⁵

⁴⁶Jinaytawantaj Moisesqa Aaronman nerqa: Incienso q'osñichinaykita apamuy, chaymantaj churay altarpi kashan chay ninata, patanmantaj inciensota jich'aykuy. Chayta oqhariykukuspataj runaspa ñaupaqenman usqhayta riy, Diosmanta perdonta mañamuy, ñapis Señorpa k'ajaj phiñakuynenqa llojsimunña, wañuypis qallarinña, nispa.

⁴⁷Aarontaj incienso q'osñichinanta oqhariykukuytawan usqhayta rerqa Moisespa kamachisqanman jina, maypichus runas tantasqas kasharqanku chayman. Chaypajqa wañuy qallarikorqaña runas ukhupi Diospa nisqanman jina. Chanta Aaronqa inciensota q'osñichispa Diosmanta perdonta runaspaj mañaporqa.

⁴⁸Chaymantataj Aaronqa wañusqaspata kausashajkunapatawan chaupinkupi sayaykorqa, wañuytaj kikimpi sayarqa.

⁴⁹Chaykamaqa chunka tawayoj waranqa qanchis pachajniyoj runasña wañorqanku. Corewan khuska wañojkunaqa wajlla karqa.

⁵⁰Wañuy jinapi sayajtintaj, Aaronqa Dioswan toldo yaykuyman rerqa Moisés kasqarqa chayman.