Read Quechua Bolivia DC Bible NÚMEROS 24 Bible Online

NÚMEROS 24 - Quechua Bolivia DC Bible bible

NÚMEROS 24

¹Balaammanqa allin rijch'arqa Señorlla Israelta bendicinan, chayrayku manaña Señormanta imachus kananmanta imatachus ninanta jap'erqachu, imaynatachus sapa kutipis jap'ej jinataqa, manachayqa ch'in pampata qhawarerqa;

²Balaamqa israelitasta rikorqa ayllu aylluta jarasqasta. Diospa Espirituntaj payman jamorqa.

³Chaymanta Balaamqa imachus kananmanta parlarqa: Beorpa wawan Balaam nin, manchay sut'ita qhawaj runa.

⁴Diosman yuyayninta churaspa Diospa nisqasninta uyarej, manchay atiyniyoj Diospa mana rikukoj imasninta mosqoypi jina rikoj, chaywampis ñawisnin aswan sut'ita qhawan.

⁵Jacob, chay jina k'achitu jarasniykeqa! Israelitas, chay jina k'achitus toldosniykichejqa!

⁶Rijch'akun palma sach'as sinrulla kashajman, mayu cantospipis huertas kashanman jina. Señorpa plantasqan áloe sach'apis kanman jina, Yaku cantopi cedros jina.

⁷Israel, ashkha yakus tiyapusonqa, mirayniykeqa ashkha yakusniyojpi tiyakonqanku, reynenqa munayninman Agagta churanqa, atiynenqa may jina uyarisqa kanqa.

⁸Diosqa Egiptomanta orqhomun, paykunapajqa búfalo waka jina may kallpasapa. Israelqa qayllasnimpi kaj runasta mikhukaponqa; Tullusninta p'akiranqa, Wach'inasninwan nanaykuchenqa.

⁹Winkuspaqa león jina winkutatanqa. Ni pipis rijch'arichinampaj qayllaykuyta atenqachu. Bendicisqa kachun pichus Israelta bendicejqa. Maldicejtaj maldicisqa kachun.

¹⁰Balacqa maytapuni phiñarikorqa Balaampaj; makisninta q'apiykuspataj nerqa: Noqaqa enemigosniyta maldicinaykipaj qanta pusachimorqayki, qantaj kunanwanqa kinsa kutitaña israelitasta bendicishanki.

¹¹Kunanqa amaraj ima kashajtin wasiykiman ripuy. Noqaqa nerqayki qanta jatumpi qhawasunayta, Señortaj mana munanchu jatumpi qhawasunayta.

¹²Balaamtaj kuticherqa: Noqaqa kacha runasniykiman sut'inta willarqaniña, may chhika qorita, palacioyki junt'a kashan chay qolqeta qoshawajtiykipis, manapuni noqaqa Señorpa kamachiwasqasninta p'akisajchu. Chayrayku noqaqa mana atinichu allin kajta, nitaj mana allin kajtapis ruwayta. Manachayqa imatachá Señor kamachiwasqallanta ruwayta atini.

¹⁴Jina kajtenqa wasiyman kutipullasaj. Chaywampis kayta niyki, imatachus chay runas, runasniykita qhepaman ruwanankuta.

¹⁵Balaamqa imachus kananmanta parlarqa: Beorpa wawan Balaam manchay sut'ita qhawaj runa, kayta nisan:

¹⁶Diosman yuyayninta churaspa Diospa nisqanta uyarej runa, patapi kaj Dios imatachus rejsin chayta rejsejtaj payqa. Imatachus nisqasninta rejsej manchay atiyniyoj Diospata mana rikukoj imasninta rikoj runa kayta nin:

¹⁷Imachus qhepaman kana kajta rikuni, may karupi rikuni. Jacobmanta uj qoyllur llojsin. Israel ukhumanta uj rey jatarin. Moabpa umanta ñat'urparin. Setpa miraynintapis tukuyninta saronqa.

¹⁸Edomta jap'ikaponqa, Enemigon Seirta munayninman churanqa, Israelqa qhari jina imatapis ruwanqa.

¹⁹Jacobmanta uj atipaj llojsenqa, llajtapi qhepakojkunata chinkachenqa.

²⁰Chaymanta Balaamqa Amalecta qhawarispa kay jinata nerqa: Amalecqa nacionespa uman jina kashan. Chay tukuywampis tukuyninku chinkachisqas kanqanku.

²¹Quenitasmantañataj kay jinata nerqa: Caimpa mirayninmanta kajkuna: Qampa tiyakunaykeqa sumaj sinch'i. Chhankaman sumajta thapachakojtiykichejpis, chay thapa ruphaykusqa kanqa.

²²Quenitasqa wijch'usqas kankichej, Asiriamanta kajkuna apasojtiykichej.

²³Chaymanta kaytañataj parlarqa: Ay! Pitaj kausanmanri kay imasta Dios ruwashajtinri?

²⁴Chipremanta barcos jamonqanku, Asiriata, Hebertawan raqayasta saqenqanku. Jinamanta Heberpis wiñaypaj chinkaponqa.

²⁵Chaymanta Balaamqa sayariytawan wasinman kutiporqa. Balacpis ripullarqataj.