Read Quechua Bolivia DC Bible NÚMEROS 26 Bible Online

NÚMEROS 26 - Quechua Bolivia DC Bible bible

NÚMEROS 26

¹Chay wañuy pasayta, Señorqa Moisesman parlarqa sacerdote Aarompa wawan Eleazarmanwan: Israelitasta sapa aylluspi yupaychej, iskay chunka watasniyojmanta pataman, pikunachus maqanakunankupaj jinaña kanku chaykunata.

³Moiseswan Eleazarwan kamacherqanku Moab pampapi, Jordán mayu chimpapi, Jericó llajta chimpapi: Yupachikuychej tukuy runas iskay chunka watayojmanta pataman, nispa; imaynatachus Señorqa paykunaman kamachisqanman jina. Kaykuna karqanku Egiptomanta llojsimojkuna israelitas: Israelpa kuraj kaj wawan Rubempa familiasnin; Enocpa wawasnin, Falojpa wawasnin; Herzompa wawasnin, Carmej wawasnin ima.

⁷Rubempa miraynenqa tukuynimpi karqa tawa chunka kinsayoj waranqa qanchis pachaj kinsa chunkayoj qharis.

⁸Faloj wawanqa Eliab karqa.

⁹Eliabpa wawan karqa Nemuel, Datán, Abiram ima. Datanwan Abiramwan runasta tantachejkuna, Corewan khuska Señorpa contranta parlarqanku. Chantaqa Moisespa Aarompa contrantawan rimarqanku.

¹⁰Jallp'a kicharikuytawan iskayninkuta oqoykorqa, jinallataj Coretapis. Jinamanta tukuynin t'aqa wañorqa. Iskay pachaj phishqa chunkayoj qharistaj ninaj ruphasqan wañorqanku, chay jinata ruwajkuna wananankupaj.

¹¹Chay tukuywampis Coréj wawasnenqa mana wañorqankuchu.

¹²Simeompa familianmanta mirajkuna kaykuna karqanku: Nemuelmanta, Jaminmanta, Jaquinmanta, Zeramanta, Saulmanta ima. Tukuynimpi karqanku iskay chunka iskayniyoj waranqa iskay pachajniyoj qharis.

¹⁵Gadpa familianmanta kajkuna kaykuna karqanku: Zefonmanta, Haguimanta, Sunimanta, Oznimanta, Erimanta, Arodmanta, Arelimantawan; tukuynimpi karqanku tawa chunka waranqa phishqa pachajniyoj qharis.

¹⁹Judaj wawasnin, Erwan, Onanwan Canaán jallp'api wañorqanku.

²⁰Judaj familianmanta mirajkunaqa kaykuna karqanku: Salamanta, Faresmanta, Zaramantawan.

²¹Farespa familianmanta mirajkuna kaykuna karqanku Hezronmanta, Hamulmantawan.

²²Tukuynimpi Judaj miraynenqa karqa qanchis chunka sojtayoj waranqa phishqa pachajniyoj qharis.

²³Isacarpa familianmanta mirajkuna kaykuna karqanku: Tolamanta, Fuamanta, Jasubmanta, Simronmantawan.

²⁵Isacarpa mirayninmanta tukuynimpi karqanku sojta chunka tawayoj waranqa kinsa pachajniyoj qharis.

²⁶Zabulompa familiamanta mirajkuna kaykuna karqanku: Seredmanta, Elomanta, Jahleelmantawan.

²⁷Tukuynimpi karqanku sojta chunka waranqa phishqa pachajniyoj qharis.

²⁸Josej familianmanta mirajkuna kaykuna karqanku: Manasesmanta, Efrainmantawan. Manasespa wawan Maquirpa familian; Maquirpa wawan Galaadpa familian; Galaadpa wawan Jezerpa familian, Helec familian, Asrielpa familian, Siquempa familian, Semidaj familian, Heferpatawan.

³³Heferpa wawan Zelofehadpata qhari wawasnin mana karqachu; warmi wawasnillan karqa. Sutisninkutaj karqanku: Maala, Noa, Hogla, Milca, Tirsa ima.

³⁴Manasesmanta mirajkuna tukuynimpi karqanku phishqa chunka iskayniyoj waranqa qanchis pachajniyoj qharis.

³⁵Efraimpa familiantaj karqa: Sutelaj miraynin, Bequerpa familian, Tahampa familian ima.

³⁶Sutelaj miraynenqa karqa Erampa familian.

³⁷Tukuynimpi Efraimpa miraynenqa karqa kinsa chunka iskayniyoj waranqa phishqa pachajniyoj qharis. Kaykuna karqanku Josej miraynin, sapa ujninkumanta mirasqankuman jina.

³⁸Benjamimpa familianmanta mirajkuna kaykuna karqanku: Belaj familian, Asbelpa familian, Ahirampa familian, Sefufampa familian, Hufampa familian ima.

⁴⁰Belaj wawasnin karqanku Ardwan, Naamanwan. Chaymanta Ardpa familian karqa arditas, Naamanmantari naamitas.

⁴¹Tukuynimpi karqanku Benjamimpa miraynin tawa chunka phishqayoj waranqa sojta pachajniyoj qharis.

⁴²Dampa mirayninmanta kajkuna karqanku Suhampa familian.

⁴³Tukuynimpi karqanku Suhampa miraynin sojta chunka tawayoj waranqa tawa pachajniyoj qharis.

⁴⁴Aserpa mirayninmanta kajkuna karqanku Imnaj familian, Izuij familian, Beriaj familian ima.

⁴⁵Beriaj mirayninmanta karqanku Heberpa familian, Malquielpa familian ima.

⁴⁶Aserpa warmi wawan karqa Sera.

⁴⁷Aserpa miraynin tukuynimpi karqanku phishqa chunka kinsayoj waranqa tawa pachajniyoj qharis.

⁴⁸Neftalejpa mirayninmanta kajkuna karqanku: Jahzeelpa familian, Gunej familian, Jezerpa familian Silempa familian ima.

⁵⁰Tukuynimpi Neftaléj mirayninmanta kajkuna karqanku tawa chunka phishqayoj waranqa tawa pachajniyoj qharis.

⁵¹Ajinata yupachikuspa israelistasqa tukuynimpi karqanku sojta pachaj ujniyoj waranqa qanchis pachaj kinsa chunkayoj qharis.

⁵²Señorqa Moisesman nerqa: Kaykunaman kunanqa jallp'a qosqa kanqa mashkhachus yupasqapi kasqankuman jina.

⁵⁴Ashkha kajkunamanqa jatunta jallp'ata qonki, pisilla kajkunamantaj juch'uyllata. Ajinata sapa ujninkuman jallp'ataqa qonki, mashkhachus yupasqaman kasqankuman jina.

⁵⁵Jallp'ataqa rak'inki suerteta choqaspa. Sapa ayllu jap'enqa tatankoj sutinman jina.

⁵⁶Jallp'aqa rak'ikonqa suerteta choqaspa, jatun ayllupis kachun chayri juch'uy ayllupis kachun.

⁵⁷Levitasqa sapa ujninku familiasninkuwan yupachikorqanku: Gersompa familian, Coatpa familian, Merarej familian ima.

⁵⁸Kaykuna karqanku levitaspa familiasnin: Libnitaspata, mahlitaspata, musitaspata, coreitaspata ima. Amrampa tatan karqa Coat.

⁵⁹Amranqa Levej ususin Jocabedwan casararqa. Jocabed wawanqa Leví Egiptopi kashajtillanraj nacekorqa. Amramwan, Jocabedwan Aaronpata, Moisespatawan, Mariajpatawan tatasnin karqanku.

⁶⁰Aarompa wawasnin karqanku Nadab, Abiú, Eleazar, Itamar ima.

⁶¹Nadabwan, Abiuwanqa Señorpa ñaupaqempi wañorqanku millaypaj qhawasqa ninata jaywasqankurayku.

⁶²Levejpa miraynenqa tukuynimpi karqanku uj killayojmanta pataman iskay chunka kinsayoj waranqa qharis. Paykunaqa mana israelitaswan khuskachu yupasqas kasqanku, imarayuchus paynunaqa jallp'ata mana jap'isqankuchu.

⁶³Ajinata israelitastaqa Moiseswan sacerdote Eleazarwan yuparqanku Moab pampapi, Jordán mayu cantopi, Jericó llajta chimpapi.

⁶⁴Tukuy kaykunaqa Sinaí orqopi Moiseswan Aaronwan mana yupachikorqankuchu.

⁶⁵Imaraykuchus Señorqa Moisesman nerqa: Kaykunaqa tukuyninku ch'in pampapi wañonqanku. Sefonej wawan Calebwan, Numpa wawan Josuellawan mana wañonqankuchu.