Read Quechua Bolivia DC Bible NÚMEROS 29 Bible Online

NÚMEROS 29 - Quechua Bolivia DC Bible bible

NÚMEROS 29

¹Qanchis kaj killa qallarikuyta, ñaupaj kaj diapi uj sumaj tantakuyta tantakunkichej. Chay p'unchaypeqa amapuni imatapis ruwankichejchu, chaypeqa cornetasllata tocankichej.

²Señorman jaywankichej q'olachinata uj waka uñata, uj carnerota, qanchis corderosta, uj watayojtakama sumachajnin kajta mana iman imanasqata. Chaykunata Señorpaj ruphachinkichej sumaj q'apashajta.

³Chaymantaj yapankichej sumajnin kaj ñut'u jak'umanta aceitewan ñatusqayojta sojta kilota waka uñaman, tawa kilota corderoman, iskay kilotakamataj uj watayoj corderoman.

⁵Chanta qollankichejtaj uj chivota juchasniykichejpa cuentampi wañunampaj perdonta tarinaykichejpaj.

⁶Chantapis sapa killa qonaykichej jaywanatawan, sapa p'unchay q'olachina jaywanatawan q'olachinkichejpuni, ch'aki mikhuy jaywanasta, vino jaywanastawan, imaynatachus Dios kamachisqanman jina. Kay jaywanata Señorpaj sumaj q'apashajta q'olachinkichej.

⁷Chay kikin killapi chunka día kashajtin, Diosta yupaychankichej tantakuspa. Chay diapi mayta llakikuspa ayunaspataj Diosmanta mañakunkichej, amataj imatapis ruwankichejchu.

⁸Sumaj q'apashaj jaywanasta Señorman jaywankichej uj waka uñata, uj carnerota, qanchis corderostawan uj watayojtakama mana iman imanasqasta.

⁹Chaymantaj yapankichej sumajnin kaj ñut'u jak'umanta aceitewan ñatusqa kajta sojta kilota waka uñaman, tawa kilosta uj carneroman, iskay kilostakama uj watayoj corderosman.

¹¹Chaymantataj jaywankichej uj chivotawan juchasniykichejpa cuentampi ruphachisqa kanampaj. Wakin jaywanasta juchasmanta qosqa chaykunatawan, sapa p'unchay q'apashaj jaywanastawan, ch'aki mikhuy jaywanasta, vino jaywanastawan.

¹²Qanchis kaj killapi chunka phishqayoj p'unchaypi llimphupaj qhawasqa tantakuyta ruwankichej; chay p'unchaypeqa amapuni imatapis ruwankichejchu. Chaypi qanchis p'unchayta Señorpaj fiestata ruwankichej.

¹³Ñaupaj kaj p'unchaypi sumaj q'apashaj q'olachinata Señorman jaywankichej chunka kinsayoj waka uñasta, iskay carnerosta, chunka tawayoj uj watayojtakama corderosta mana iman imanasqasta.

¹⁴Sumajnin kaj ñut'u jak'umanta aceitewan ñatusqayojta chaykunaman yapaspa, sojta kilotakama sapa waka uñaman, tawa kilotakama sapa uj carneroman, iskay kilotakama uj watayoj corderosman.

¹⁶Chanta Señorman jaywallankichejtaj uj chivota juchasniykichejpa cuentampi ruphachisqa kanampaj; chantapis sapa p'unchay jaywankichej jaywanatawan, ch'aki mikhuy jaywanasnintinta, vino jaywanatawan.

¹⁷Iskay kaj p'unchaypi jaywanasta apankichej chunka iskayniyoj waka uñasta, iskay carnerosta, chunka tawayoj corderostawan uj watayojtakama mana imasnin imanasqasta sumachajnin kajta.

¹⁸Chaymantaj yapankichej ch'aki mikhuy jaywanasta, vino jaywanasta, mashkhachus kasqanman jina waka uñas carneros, uj watayoj corderos ima Diospa kamachisqanman jina.

¹⁹Chanta apamullankichejtaj uj chivota juchaykichejpa cuentampi ruphachisqa kanampaj, sapa p'unchay jaywanatawan khuska, ch'aki mikhuy jaywanasnintinta, vino jaywanatawan.

²⁰Kinsa kaj p'unchaypi qonkichej chunka ujniyoj waka uñasta, iskay carnerosta, chunka tawayoj corderostawan mana imasnin imanasqasta uj watayojtakama.

²¹Chantapis ch'aki mikhuy jaywanastawan, vinotawan, maskhachus kasqankuman jina, waka uñas, carneros, uj watayoj corderos, Diospa kamachisqaman jina.

²²Chanta uj chivotawan juchasniykichejpa cuentanmanta ruphachisqa kanampaj, sapa p'unchay jaywanatawan khuska, vino jaywanatawan.

²³Tawa kaj p'unchaypi jaywankichej chunka waka uñasta, iskay carnerosta, chunka tawayoj corderosta, mana iman imanasqasta uj watayojtakama.

²⁴Chay patanmantaj yapankichej ch'aki mikhuy jaywanasta, mashkhachus kasqankuman jina waka uñas, carneros, uj watayoj corderos ima, Diospa kamachisqaman jina.

²⁵Chantapis, uj chivotawan jaywankichej juchasniykichejpa cuentampi ruphachisqa kanampaj; sapa p'unchay jaywanastawan khuska, vino jaywanatawan.

²⁶Phishqa kaj p'unchaypi jaywankichej isq'on waka uñasta, iskay carnerosta, chunka tawayoj corderosta uj watayojtakama, mana imasnin imanasqasta.

²⁷Chay patanmantaj yapankichej ch'aki mikhuy jaywanasta, mashkhachus waka uñas kasqankuman jina, carneros, uj watayoj corderos ima, Diospa kamachisqanman jina.

²⁸Chantapis uj chivotawan juchasniykichejpa cuentampi ruphachisqa kanampaj, sapa p'unchay q'olchachina jaywanastawan khuska, ch'aki mikhuy jaywanastawan khuska, vino jaywanastawan.

²⁹Sojta kaj p'unchaypi qonkichej pusaj waka uñasta, iskay carnerosta, chunka tawayoj corderosta uj watayojtakama, mana iman imanasqasta.

³⁰Chaymantaj yapankichej ch'aki mikhuy jaywanatawan khuska, vinotawan mashkhachus kasqanman jina waka uñas carneros, uj watayoj corderosta chayman jina, Diospa kamachisqanman jina.

³¹Chanta qollankichejtaj uj chivota juchaykichejpa cuentampi ruphachisqa kanampaj; sapa p'unchay ch'aki mikhuy jaywanastawan, vinotawan khuska.

³²Qanchis kaj p'unchaypi Señorman jaywankichej qanchis waka uñasta, iskay carnerosta, chunka tawayoj corderosta mana iman imanasqasta uj watayojtakama.

³³Chaymantaj yapankichej ch'aki mikhuy jaywanasta, vinotawan mashkhachus kasqanman jina waka uñas, carneros, uj watayoj corderos chayman jina, Diospa kamachisqanman jina.

³⁴Chantapis uj chivotawan juchasniykichejpa cuentampi ruphachisqa kanampaj, sapa p'unchay jaywanatawan, vinota jaywanatawan khuska.

³⁵Pusaj kaj p'unchaypi ruwankichej sumaj tantakuyta; ama ni imata ruwankichejchu chay p'unchaypi.

³⁶Señorman jaywankichej uj sumaj q'apashaj rikuchikuta uj waka uñata, uj carnerota, qanchis corderosta mana iman imanasqasta uj watayojtakama.

³⁷Chantataj qonkichej ch'aki mikhuy jaywanasta, vino jaywanantinta sapa uj waka uñasta, carnerota, uj watayoj corderosnintinta, imaynachus Diospa kamachisqanman jina.

³⁸Chanta qollankichejtaj uj chivota juchasniykichejpa cuentampi ruphachisqa kanampaj; chaymantaqa sapa p'unchay jaywanasnintinta, vino jaywanatawan.

³⁹Chay jaywanasta Señormanqa qonkichej llimphupaj qhawasqa tantakuy fiestaykichejpi, imastachus Señorman qosaj nisqaykichejta, qankuna munaykichejmanta qosqaykichej jaywanasta, sumaj q'olachinasniykichejta, ch'aki mikhuy jaywanasniykichejta, vino jaywanasta, allinyakuy jaywanasnintinta.

⁴⁰Chanta Moisesqa israelitasman willarqa, Señorqa payman imaynatachus nisqanman jina.