Read Quechua Bolivia DC Bible NÚMEROS 33 Bible Online

NÚMEROS 33 - Quechua Bolivia DC Bible bible

NÚMEROS 33

¹Kaykuna karqanku israelitaspa jarakusqasninku, Egiptomanta llojsimusqankumantapacha, soldados jina. Paykunatataj pusarqanku Moiseswan Aaronwan.

²Moisesqa chay maykunapichus jarakorqanku chay cheqasta escriberqa kaymanta jaqayman purisqasninkuta. Kaykuna kanku chay cheqaspa sutisnin:

³Israelitasqa Ramsesmanta purirerqanku ñaupaj kaj killapi chunka phishqayoj p'unchaypi, pascua mikhuyta mikhusqanku chay q'ayantin. Chaypacha paykunaqa may wapus tukuy enemigospa qhawananta llojserqanku.

⁴Chaykamataj egipciosqa tukuy kuraj kaj wawasninkuta Señor wañuracherqa, chaykunata p'ampasharqanku, chantapis Señorqa tukuy dioskunasninkutawan chinkachinanta nillarqataj.

⁵Israelitasqa Ramsesmanta llojsispa Sucotpi jarakorqanku.

⁶Sucotmanta llojsispa Etampi jarakorqanku, ch'in pampaj tukukuynimpi.

⁷Etammanta rispa muyuykorqanku Pi-hahirot chaynejman, Baal-zefompa inti llojsimuyninnejman, jarakorqankutaj Migdolpa chimpampi.

⁸Pi-hahirotmanta rerqanku. Mar qochata chimpaytawantaj ch'in pampaman chayaspa, kinsa p'unchayta riytawan Marapi jarakorqanku.

⁹Maramanta rispa Elimpi jarakorqanku. Chaypitaj karqa chunka iskayniyoj yaku juturis, qanchis chunka palma sach'as ima.

¹⁰Elimmanta rispa Puka mar qocha cantopi jarakorqanku.

¹¹Puka mar qochamanta rispa ch'in pampa Simpi jarakorqanku.

¹²Ch'in pampa Sinmanta rispa Dofcapi jarakorqanku.

¹³Dofcamanta rispa Aluspi jarakorqanku.

¹⁴Alusmanta rispa Refidimpi jarakorqanku, chaypitaj ujyanankupaj mana yaku karqachu.

¹⁵Refidinmanta rispa Sinaí ch'in pampapi jarakorqanku.

¹⁶Sinaimanta rispa Kibrot-hataavapi jarakorqanku.

¹⁷Kibrot-haatavamanta rispa Hazerotpi jarakorqanku.

¹⁸Hacerotmanta rispa Ritmapi jarakorqanku.

¹⁹Ritmamanta rispa Rimon-perespi jarakorqanku.

²⁰Rimon-peresmanta rispa Libnapi jarakorqanku.

²¹Libnamanta rispa Rissapi jarakorqanku.

²²Rissamanta rispa Ceelatapi jarakorqanku.

²³Ceelatamanta rispa Sefer orqopi jarakorqanku.

²⁴Sefer orqomanta rispa Haradapi jarakorqanku.

²⁵Haradamanta rispa Macelotpi jarakorqanku.

²⁶Macelotmanta rispa Tahatpi jarakorqanku.

²⁷Tahatmanta rispa Tarapi jarakorqanku.

²⁸Taramanta rispa Mitcapi jarakorqanku.

²⁹Mitcamanta rispa Hasmonapi jarakorqanku.

³⁰Hasmonamanta rispa Moserotpi jarakorqanku.

³¹Moserotmanta rispa Bene-jaacampi jarakorqanku.

³²Bene-jaacanmanta rispa Gidgad orqopi jarakorqanku.

³³Gidgad orqomanta rispa Jotbatapi jarakorqanku.

³⁴Jotbatamanta rispa Abronapi jarakorqanku.

³⁵Abronamanta rispa Ezionn-geberpi jarakorqanku.

³⁶Ezion-gebermanta rispa Zin ch'in pampa Cades nisqapi jarakorqanku.

³⁷Cadesmanta rispa Hor nisqa orqo kinraypi jarakorqanku. Chayqa Edomwan tinkuynimpi karqa.

³⁸Señorpa kamachisqanman jina Aaronqa Hor nisqa orqoman wicharerqa, chaypitaj wañuporqa, tawa chunka watapi phishqa kaj killapi qallarikuy diapi. Chayqa yupakorqa israelitas Egiptomanta llojsimusqankumantapacha p'unchaymantapacha.

³⁹Aaronqa chay Hor nisqa orqopi wañuporqa pachaj iskay chunka kinsayoj watasniyoj kashaspa.

⁴⁰Aradmanta rey cananeo chaypacha Neguevpi tiyasharqa Canaán jallp'api; paytaj yacharqa israelitas chaynejman chayamusqankuta.

⁴¹Hor nisqa orqo kinraymanta rispa Zalmonapi jarakorqanku.

⁴²Zalmonamanta rispa Punompi jarakorqanku.

⁴³Punomanta rispa Obotpi jarakorqanku.

⁴⁴Obotmanta rispa Ije-abarimpi jarakorqanku, Moab jallp'awan tinkuypi.

⁴⁵Ije-abarinmanta rispa Dibon-gadpi jarakorqanku.

⁴⁶Dibon-gadmanta rispa Almon-diblataimpi jarakorqanku.

⁴⁷Almon-diblataimmanta rispa Abarim orqonejpi jarakorqanku Nebo inti llojsimuynejpi.

⁴⁸Abarinmanta rispa Moab pampaspi jarakorqanku Jordán mayoj cantompi, Jericó llajtaj chimpampi.

⁴⁹Jarasninkoqa karqa Jordán mayu cantopi Bet-jesimotmanta Abel-sitimkama Moab pampasnejpi.

⁵⁰Jordán mayu cantopi Moab pampaspi kashajtinku, Jericó llajtaj chimpampi Señorqa Moisesman parlarqa:

⁵¹Israelpa wawasninman kay jinata niy: Jordán mayuta chimpaspa Canaán jallp'aman yaykuspaqa, tukuy chaypi tiyakojkunata qharqoychej, t'unaychejtaj tukuy rumimanta ruwasqa lantisninkuta, fierromanta unuyachispa ruwasqasta, ima lomaspichus lantisninkuta yupaychanasninkutawan.

⁵²

⁵³Chay jallp'aspi tiyakojkunata qharqoychej, qankunataj chaypi tiyakuychej, noqa qoykichej chay jallp'asta chaypi tiyakunaykichejpaj.

⁵⁴Chay jallp'atataj rak'inakunkichej suerteta choqaspa, sapa ayllupi mashkhachus kasqaykichejman jina. Jatun ayllumanqa jatullantataj qonkichej, pisi ayllumantaj pisillatataj qonkichej. Chaykunataj jap'enqanku maynejpichus suerte urmasqanman jina.

⁵⁵Sichus qankuna chay runasta mana qharqonkichejchu chayqa, chay qhepakojkuna k'aspi jina t'ojsisonqachej ñawisniykichejpi, qhepu jinataj ukhusniykichejpi. Qankuna chay jallp'aspi tiyakusqaykichejmanta, chay jallp'api tiyakushajtiykichej paykuna llakichisonqachej.

⁵⁶Noqa qankunawan ruwasaj, imaynatachus paykunawan ruwayta yuyarqani chayman jina.