Read Quechua Bolivia DC Bible NÚMEROS 36 Bible Online

NÚMEROS 36 - Quechua Bolivia DC Bible bible

NÚMEROS 36

¹Josej wawan Manasespa wawan Maquirpa wawan Galaadpa mirayninmanta kuraj kajkuna rispa Moiseswan, tukuy israelitaspa kurajkunasninwan parlamorqanku: Señorqa qanman nisunki, kay jallp'asta suerteta choqaspa rak'inaykita sapa uj aylluman. Chanta kamachillasunkitaj, aylluykumanta karqa chay Zelofehadpa warmi wawasninmampis jallp'ata qonanta.

³Sichus chay warmis waj Israel ayllumanta kaj qhariswan casaranqanku chayqa, maypichus chayarqa chay jallp'astaqa saqeponqanku mayqen ayllumantachus kanku chayman. Paykunataj ima ayllumanta kajwanchus casaranku chaypa ayllunman tukonqanku. Ajinamanta paykunaqa maypichus suerteman jina chayawarqayku chay jallp'ata pisiyachipuwasqayku.

⁴Chantaqa israelitasman kacharina wata chayamojtenqa, chay warmispa jallp'asninkoqa chay waj ayllumampuni chayanqa, manaña noqaykoj aylluykojtañachu kanqa, nispa.

⁵Chanta Moisesqa Señorpa kamachisqanman jina, israelitasta kamacherqa: Josej ayllunmanta kajkunaqa cheqanta parlanku.

⁶Señorqa kamacherqa Zelofehadpa ususisnin casarakunankuta pikunachus munanku chaykunawan. Ajinamanta casaranqanku tatankoj ayllunmanta kaj qharillawan.

⁷Jinamanta ima jallp'achus israelitasman chayarqa, chayqa mana waj Israel aylluman chayanqachu. Tukuy israelitas chaytaqa sumajta waqaychananku tiyan ayllunku ukhupipuni chayaqenku qhepakunampaj.

⁸Sichus mayqen ayllumanta ima warmillapis jallp'ayoj chayqa, ima ayllumantachus kashan chay kajwampuni casaranan tiyan. Ajinamanta israelitasqa tatasninkoj jallp'anta jap'enqankupuni.

⁹Ni ima chayaqepis riyta atinchu waj ayllusman. Sapa uj Israel ayllu tatasninkumanta chayaqeta jap'isqasninkuta mana waj ayllusman kacharinankuchu tiyan.

¹⁰Imaynatachus Señorqa Moisesman kamachisqanman jina Zelofehadpa ususisnenqa ruwarqanku.

¹¹Paykuna ajinata ruwarqanku Maala, Tirsa, Hogla, Milca, Noa ima. Paykuna casararqanku tatankumanta tiosninkoj wawasninkuwan.

¹²Chaykuna karqanku Josej wawan Manasespa mirayninmanta kajkuna. Ajinamanta chayaqesninkoqa tatankoj ayllun ukhullapipuni karqa.

¹³Kay ruwankunata, kamachiykunata ima Señorqa israelitasman kamacherqa Moisesnejta, Moab pampaspi Jordán mayu cantopi, Jericó llajtaj chimpampi.