Read Quechua Bolivia DC Bible MIQUEAS 2 Bible Online

MIQUEAS 2 - Quechua Bolivia DC Bible bible

MIQUEAS 2

¹Ay, jaqaykunamanta piskunachus mosqoykunasninkupipis juchasta ruwanankupaj umachakushallankupuni, q'ayantin sut'iyamojtinkamataj chayta ruwanku imaraykuchus makisninkupi atiy kasqanrayku!

²Jallp'asta munapayanku, jap'ikapunkutaj; wasista munapayanku, suwankutaj. Runastapis mayta ñak'arichinku, ayllusninkutapis chantá tukuy kapuyninkutapis.

³Chayraykumin nin Señorqa: Noqajtapis tiyan uj ruwanay qankunaj contraykichejpi. Qankunaman apachimusaj uj manchay ñak'ariyta chaymantari mana ni imaynamanta kunkaykichejta orqhoyta atinkichejchu, manataj mayta runaykachaspa purinkichejchu, imaraykuchus may ñak'ariy tiempos kasonqachej.

⁴Jaqay p'unchaykunapeqa llakiy waqay yarawista takisonqanku. Nisonqachejtaj: Cheqamanta q'ala tukuyninchejpuni t'una ruwasqas karqanchej; llajtanchej kaj, Señorninchejpata kajkunapis wajpaj makinman chayarqa ni pejpa jark'akusqallan; tukuy jallp'asninchejpis q'ala rak'irasqa karqa noqanchejta jap'ikapoj jamojkuna ukhupi.

⁵Chayraykumin qankunaqa mana ima ruwanaykichej kanqachu Señorpa ayllun ukhupeqa.

⁶Paykunaqa ninku: Ama chay profetas imata nispapis jamuchunkuchu!, imaraykuchus mana ima llakiypis chayamuwasunchejchu!, nispa.

⁷Manachu Jacobpa ayllonqa maldicisqachu kashanri? Chayri Dioschu manaña pacienciakuyta atiwanchej? Kay jinatachu Diosqa ruwanan? Manachu Payqa, palabrasnimpi kutikun Paypaj cheqanta kausajkunapajqa?

⁸Qankunaqa aylluypa contranta oqhariykukunkichej. Allin p'achanku kajkunata lluch'urankichej guerramanta kutimpojkunamanta piskunachus yuyarqanku ñak'ariykunas tukukusqantaña chaykunamanta.

⁹Warmista wijch'urankichej munasqa wasisninkumanta, wawasninkutataj wiñaypaj jark'akunkichej honrata paykunaman qosqaymanta.

¹⁰Jatarikuychej rillaychejpunitaj, kayqa mana samarikuna lugarchu; may jinaña sajraman qokapusqaykichejqa.

¹¹Mayqempis qhasi kajta llullakun, nintaj: Noqa sut'inchasqaykichej vinomanta licormantataj, chaymari profetapaj nisqa chay ayllumanta churasqa kanqa.

¹²Jacobpa ayllunmanta kajkunata tukuyninta tantasaj; Israelmanta uj chhika puchojta oqharikapusaj. Tantaykusaj, ovejasta tropanman tantaykunchej ajinata, pastos chaupipi michisqa ovejas jina kanqanku, may chhika tunas jinataj ch'ajwarenqanku.

¹³Dios, ñanninkuta kicharispa renqa, paykunataj qhatenqanku; llojsenqankutaj llajtankoj punkunta. Reyninku Señormin tukuyninkoj ñaupaqenta renqa.