Read Quechua Bolivia DC Bible HABACUC 3 Bible Online

HABACUC 3 - Quechua Bolivia DC Bible bible

HABACUC 3

¹Kayqa, profeta Habacucpa Diosmanta mañakuynin.

²Qanmanta uyarisqasniy, ruwasqasniykimantapis yachasqasneyqa, astawan manchachiywan ñaupaqeykipi apawan. Kunan ruwallaytaj, kausayniykupi chay ñaupa tiempospi jina ruwasqasniykita, jinamanta noqaykupis chay ruwasqasniykita rejsinaykupaj. Ajinamanta, chay phiñakuyniykipi rikuchiwayku khuyakuyniykita.

³Diosqa jamun Temán chaynejmanta; Parán orqomanta Santo Diosqa jamun. Jatunchasqa kayniykeqa, tukuy janaj pachanejman aysakun kay pacha junt'atataj yupaychayniykiwan junt'akun.

⁴Lliphipej k'anchaypi mayt'usqa jamun, makisninmantataj k'anchaykunas llojsimunku rikuchispa Paypi chay pakasqa atiyninta.

⁵Paypa ñaupaqempi chayamunku millay onqoykunas chay qhepantataj q'oñi onqoywan wañuy.

⁶Jallp'aqa kharkatitin, Pay sayaykojtenqa, qhawajtimpis chay naciones kharkatitinku; chay ñaupa orqosnenqa urmaykunku; chay ñaupa orqospis pampachakunku; chaywampis, Diospa ñankunasnenqa wiñaypaj kanku.

⁷Noqa rikuni Cusanmanta runasta ñak'ariyman urmasqanta, manchachikuywantaj k'umusqasta Madiampi tiyakojkunata.

⁸Phiñakunkichu, Señor, mayuspa contrampi? Mana qochaspa contrampipis phiñasqachu kashanki? Chayraykuchu caballosniykiman lloq'aykunki atipaj carrosniykimantaj montaykunki?

⁹Wach'ina arcoyki ñapis wakichisqaña kashan jinataj tukuy wach'inasniykipis oqharinapajpachaña kanku. Mayusniykiwan suk'asta jallp'api kicharinki.

¹⁰Orqosqa kharkatitinku rikususpa, parapis patamanta ima jina jich'akun, chantá mama qochaj ukhu pachampis manchayta ch'ajwarin patampi jatuchej olas oqharikojtin.

¹¹Inti jinataj killapis pakakunankumanta mana llojsimunkuchu, chay wach'inaspa sinch'i lliphej k'anchayninrayku, jinataj lanzampa lliuj lliuj jina k'anchayninrayku.

¹²Phiñakuyniykipi tukuy jallp'ata purinki nacionestapis phiñakuywan sarunki.

¹³Qan llojsimunki aylluykita yanapaj, chantá qan kikiykej ajllasqayki reyta. Juchasapaj wasimpa techontataj qan phirerqanki, cimiento rumisnintataj chhankankama thuñiykorqanki.

¹⁴Wañucherqanki chay kurajninkuta kikin wach'inasninllawantaj maypachachus chay maqanakojkunasnin caballosninkupi phinkiykorqanku sinch'i wayra jina ch'eqerachispa phiñasqas chay mana imawan jark'aykuyta atejkunata; jinamanta pakayllamanta wañuchinankupaj.

¹⁵Caballosniykiwan mana qochasnejta purinki chay phosoqeyashaj chhika jatuchaj qochasnejta.

¹⁶Kay tukuy imasta uyarispa manchachikorqani. Parlasqaypipis simiy kharkatiterqa; chakisniypis mana sayayta aterqachu chantá tukuy ukhuynintin llauchhuyaporqa. Chaywampis alliywan suyallasaj, maypachachus Dios chay ñak'arichiwajninchejpa soldadosninta ñak'ariyman churanqa chay p'unchayta.

¹⁷Chaypachamari kusiywan junt'a kasaj Salvawajniy Señorniyrayku. Payta yupaychasaj amapis higo sach'as t'ikachunkuchu, amapis uvaskuna nitaj olivospis poqochunkuchu; campopi chajraspis amapis poqochunkuchu, tropamanta ovejaspis tukukapuchunku, amañapis wakas kachunkuchu wasisninkupi.

¹⁹Señorniymin kallpata qowan; chakisniymampis qon kallpata usqhay usqhayta taruka jina purinaypaj, aswan pata patasnillanta purinaypaj chaypi salvasqa kanaypaj.