Read Quechua Bolivia DC Bible ZACARÍAS 13 Bible Online

ZACARÍAS 13 - Quechua Bolivia DC Bible bible

ZACARÍAS 13

¹Jaqay tiempopeqa, yaku juturi kicharisqa kanqa, Davidpa ayllusnin jinataj Jerusalempi tiyakojkunajpa millay juchasninku pichasqa kanampaj.

²Tukuy kaj jallp'api lantikunata phirisaj, sutisnintinta chinkachinaypaj jinamanta manaña pipis qhaparikunankupaj. Jinallatataj profetasninkuta chay jallp'amanta chinkachisaj, chantá millay espirituyoj kajkunatapis. Noqa Señor niykichej.

³Chaypacha, pillapis Diospa sutimpi parlayta munanman chayqa, payta kikin tatasnillantaj nenqanku: Qan wañunayki tiyan, imaraykuchus llullerasniykita, kayqa Señorpa palabran nispa sut'inchanki, nispa. Kikin tatasnillantaj t'ojsinawan wañuchenqanku, payllamanta Diospa sut'inchajnin jina ruwakusqanrayku!

⁴Jaqay tiempopeqa, profetas kajkunapis rikusqankuta sut'inchayta p'enqakonqanku. Ni pipis chay profetaspa chay qarasmanta ruwasqa qhatanata churakonqanku pitapis ch'aukiyanampajqa. Chayrayku sapa ujpis nenqanku: Noqaqa mana profetachu kani, manachayqa llank'aj runalla. Wawamantapacha campopi llank'aj kani, nispa.

⁶Pipis tapunman: Ima kakunkitaj ukhuykipi chay nanasqasta?, nispa. Paytaj kutichenqa: Kausaqesniypa wasimpi kayta ruwarqanku, nispa.

⁷Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

⁸Chay jallp'api tiyakojkunamantaqa, kinsaman t'aqasqamanta uj iskay t'aqan jina wañonqa. Kinsa kaj t'aqalla kausayniyoj qhepakonqanku, chay qhepakojkunataj ninanejta apasqas kanqanku; imaynatachus qolqeta ninapi ch'uwachanku chayri qorita ch'uwachanku ajinata. Chaypacha paykunaqa noqaman wajyakamuwanqanku, noqataj uyarisaj paykunata. Paykunata sutichasaj: Aylluymin. Paykunatajrí kutichiwanqanku: Señorninchejqa Diosninchejpuni, nispa. Noqa Señor chayta nini.