Read Quechua Bolivia DC Bible ZACARÍAS 4 Bible Online

ZACARÍAS 4 - Quechua Bolivia DC Bible bible

ZACARÍAS 4

¹Noqawan parlasharqa chay angelqa kutirimorqa. Noqaman kutirimuytawan rijch'arichiwarqa, imaynatachus uj puñojta rijch'arichinchej ajinata. Tapuriwarqataj: Imatataj rikunki?, nispa. Noqataj kuticherqani: Rikuni qorimanta uj k'anchanata, patampitaj uj aceite churanayojtawan. Patan kajpeqa qanchis k'anchanasniyojta, sapa k'anchamantaj aceite yaykushan uj tubonejta.

³K'anchana qayllapitaj iskay olivo sach'as kasharqanku, uj paña ladompi, ujnintaj lloq'e ladompi.

⁴Noqawan parlasharqa chay angeltataj tapurerqani: Señorníy, imataj niyta munanri?, nispa.

⁵Angeltaj kutichiwarqa: Manachu yachanki ima niytachus munan?, nispa. Noqataj nerqani, mana, Señor, nispa.

⁶Chaypi nillawarqataj: Kayqa, Señormanta uj willay Zorobabelman: Atipayqa mana maqanakojkuna soldadoswanchu, nitaj kallpaywanchu, manachayqa Espirituwanmin, nin Tukuy Atiyniyoj Señor.

⁷Pitaj qan kanki jatun orqo? Zorobabelpa ñaupaqempi q'ala pampachasqa kanki. Pay orqhonqa sumaj ñaupaj kaj ruminta, runastaj qhaparenqanku may k'achitu, may k'achitu nispa.

⁸Chaymanta Señor qollawarqataj uj willaytawan: Zorobabel churarqa kay temploj ñaupa ura rumisninta, kunan payllataj tukonqa, nispa. Jinamanta rejsiwankichej Tukuy Atiyniyoj Señorpaj kachan kasqayta.

¹⁰Piskunachus cheqamanta mana uyarerqankuchu, chay mana kasuna imaswan qallarikushajtin, chaykunaqa kunanqa Zorobabelpa tukuychasqanta rikuspa kusikonqanku. Chaymantataj ángel nillawarqataj: Kay qanchis k'anchaykunasqa Señorpa ñawisninmin, tukuy jallp'ata qhawashan chay.

¹¹Chantá tapullarqanitaj: Imastaj chay iskay olivo sach'as k'anchanaspa puraj ladosnimpi kashanku chaykunari?, nispa.

¹²Tapullarqanitaj: Ima niytataj munan chay iskay olivo ramas k'anchayman aceite yaykunampaj chay qori tubeswan khuska kashanku chaykunari?

¹³Angeltaj kutichiwarqa: Manachu yachanki ima niytachus munasqanta?, nispa. Nerqanitaj: Mana, Señor, nispa.

¹⁴Paytaj kutichiwarqa: Kaykunaqa kanku llimphuchasqas kajkuna tukuy kaypachaj Señornimpa serviciompaj, nispa.