Read Quechua Bolivia DC Bible ZACARÍAS 8 Bible Online

ZACARÍAS 8 - Quechua Bolivia DC Bible bible

ZACARÍAS 8

¹Tukuy Atiyniyoj Señorqa kayta niwarqa: Kayta niykichej Tukuy Atiyniyoj Señorniykichej: Sionta jatun phiñakuywan qhawashani payta munakusqayrayku.

³Jerusalenman kutillasajtaj chaypi tiyakapoj. Chaypacha Jerusalenqa uj cheqata purej llajta kanqa; Tukuy Atiyniyoj Señorpa orqontaj uj santo orqo nisqa kanqa.

⁴Watejmanta Jerusalempa plazasnimpi ashkha watasniyoj atipasqan qharis jinataj warmis tiyarikonqanku tojnusninkuman atiykurikuspa ashkha watasniyoj kasqankurayku.

⁵Juch'uy qhari wawas chantá juch'uy warmi wawaspis plazasnin junt'ata pujllarikonqanku.

⁶Jaqay tiempopeqa aylluymanta puchojkunapajqa, mana ni jayk'aj atikunampaj jinachu karqa. Chayqa noqaman tukuy ima allimpuni rijch'awarqa. Noqa Tukuy Atiyniyoj Señor chayta nini.

⁷Noqamin llajtaytaqa kacharichisaj inti llojsimuynej llajtaspa atiyninmanta, jinataj inti yaykupuynej llajtasmantapis.

⁸Apamusajtaj paykunata Jerusalenman chaypi tiyakunankupaj. Chaypacha paykuna aylluy kanqanku, noqataj Diosninku kasaj, cheqa kaypi llimphu kaypitaj.

⁹Tukuy Atiyniyoj Señor kayta nin: Qankuna kallpachakuychej. Kay p'unchaykunasllaraj uyarinkichej profetaspa parlasqasninkuta, Tukuy Atiyniyoj Señorpa yupaychana wasin, watejmanta ruwakuyta qallarikusqanmantapacha.

¹⁰Kunankama mana paganku karqachu runaspaj nitaj uywaspajpis. Chejnikojkunarayku mana ima ch'ajwapis faltarqachu chaypi tiyakojkuna ukhupi; noqapunitaj kausaqesnintimpura ujkuna ujkunata chejninaracherqani.

¹¹Kunantaj kay llajtapi qhepakojkunawanqa manaña chay ñaupaj p'unchaykunaspi jinachu paykunawan kasaj. Noqa Tukuy Atiyniyoj Señor chayta nini.

¹²Imaraykuchus sonqo tiyasqallapi kausakoyqa paykuna ukhupi tarpusqa kanqa. Uvas chajraspis poqonqanku tukuy jallp'api kaj chajraspis poqollanqankutaj, janaj pachapis tukuy jallp'ata chhullachenqa. Noqataj chayta qopusaj chayaqenkupaj jina kay ayllumanta tukuy qhepakojkunapaj.

¹³Imaynatachus qankuna Judamanta, jinataj Israelmanta kajkunapis, waj llajtakunapaj uj maldición karqankichej, kunantaj salvasqaykichej, jinamanta uj bendicionñataj kanaykichejpaj. Chayrayku, amapuni mancharikuychejchu, kallpachakuychej, nispa.

¹⁴Tukuy Atiyniyoj Señor kayta nin: Ñaupa tatasniykichej phiñachiwajtinkoqa, nej kani jasut'inayta, jinataj jasut'ejpuni kani.

¹⁵Uj jinañataj kunanqa; Jerusalempaj Judapajwan tukuy allin kajta ruwanayta nini. Chayrayku ama manchachikuychejchu.

¹⁶Kayta qankunaqa ruwanallaykichejpuni kanqa: Amapuni llullataqa parlaychejchu ujkuna ujkunawan. Sumaj cheqa kajpi juzgaychej, allin kaypi ujkuna ujkunawan justicia wasi punkutapis pasaychej.

¹⁷Ama ima sajratapis ruwanakuychejchu ujkuna ujkunata, amataj juraychejchu, chaytaqa millachikuni. Noqa Señorniykichej chayta nini.

¹⁸Tukuy Atiyniyoj Señor kayta niwarqa; Chay ayunosniykichej tawa kaj killapi, phishqa kajpi, qhanchis kajpi, jinataj chunka kajpeqa, sinch'i kusiytañataj apamusonqachaj, uj kusiy fiestata jina Judajpa qhepa miraynimpaj. Munakuychej ari cheqan kajta, sonqo tiyasqa kajtapis, nispa.

²⁰Kayta nin Tukuy Atiyniyoj Señorqa: Jamonqankuraj ashkha jatuchej llajtaspi tiyakojkuna runas.

²¹Waj llajtamanta jamojkunaqa waj llajtayojkunawan parlanakonqanku: Jakuchej Tukuy Atiyniyoj Señorta mask'aj mañakamunachejtaj bendicinawanchejta. Wajkunataj chaypi kutichenqanku: Noqaykupis rillasqayku, nispa.

²²Jerusalenman jamonqanku ashkha runas jatun atiyniyojkuna ima. Tukuy Atiyniyoj Señorta mask'aj bendicionnintataj mañarikoj jamorqanku.

²³Jaqay tiempopeqa chunka waj llajtamanta runas, uj judío runaj p'achanmanta jap'iykukorqanku. Qankunawan riyta munayku, imaraykuchus uyariyku qankunawan Dios qasqanta, nispa!