Read Quechua Bolivia DC Bible MALAQUÍAS 3 Bible Online

MALAQUÍAS 3 - Quechua Bolivia DC Bible bible

MALAQUÍAS 3

¹Tukuy Atiyniyoj Señorqa nin: Willarajniyta kachamusaj, ñanta wakichipunawampaj. Mask'ashankichej chay Señorqa ujllata temploman yaykonqa. Chay munasqaykichej tratomanta willarajqa chayamushanña.

²Chanta, Señor jamonqa chay p'unchaypi, pitaj aguantayta atenqarí? Pitaj ñaupaqempi sayariyta atenqa Pay rikhurimojtinrí? Imaraykuchus chayamonqa nina kikin, ch'uwachanawanchejpaj, jabón jinataj jucha ch'ichinchejta pichanawanchejpaj.

³Señor tiyakonqa Levéj wawasnin sacerdotesta sumajta llimphuchanampaj, imaynatachus ninapi qolqeta qoritapis llimphuchanku ajinata. Chanta paykuna Señorman ofrendankuta jaywayta atenqanku, imaynachus jaywana kaj ajinata.

⁴Chaypacha Señor kusikonqa Judajpa ofrenda jaywasqanwan, jinallataj Jerusalempa ofrenda jaywasqanwampis, imaynatachus ñaupa tiempospi kusikoj karqa ajinata.

⁵Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

⁶Señormin noqa kani; kikillampunitaj kani. Chayrayku qankuna, Jacobmanta mirajkuna, mana t'unasqachu karqankichej.

⁷Kamachiyniykunamanta qankuna karunchakorqankichej, ñaupa tatasniykichej jina, manataj kamachisqasniyta kasuyta munankichejchu. Noqa, Tukuy Atiyniyoj Señormin niykichej: Noqaman kutirimuychej, noqataj qankunaman kutirimusaj. Qankunatajrí ninkichej: Imarayku qanman kutirimusqaykuri?

⁸Kayta tapuriykichej: Uj runa Diosmanta suwanmanchuri? Arí, qankuna noqamanta suwawankichej. Chanta tapunkichejraj: Imapi qanmanta suwaykuri?, nispa. Sapa chunkamanta ujta qonawaykichejpi, chanta, ofrendaspiwan suwawankichej.

⁹Arí, tukuy llajtantin, tukuyniykichej qankuna suwawankichej, chayrayku maldicisqaykichej. Noqa, Tukuy Atiyniyoj Señormin niykichej: Sapa chunkamanta ujta temployman apamuychej chay, jinamanta wasiypi mikhuna kanampaj, chaywan sonqoyta mask'awaychej, chanta rikunkichej, imaynatachus noqa janaj pacha ventanasta kichaspa may chhika bendicioneswan junt'achimusqaykichej.

¹¹Mana saqesajchu ni ima sajra khurus tukuykunanta chajrasniykichejta, uvas sach'asniykichejtapis.

¹²Tukuy nacionespi kaj runas kusiyniyoj kasqaykichejta nenqanku, imaraykuchus munanapaj jina kanqa llajtaykichejqa. Noqa Tukuy Atiyniyoj Señormin chaytaqa nini.

¹³Señorqa nin: Qankuna mayta rimankichej contrayta. Chantapis tapunkichejraj: Imata qampaj contraykita rimayku?, nispa.

¹⁴Kay jinata ninkichej: Diosta sirveyqa qhasi mana kajlla. Kamachisqanta junt'aspapis imata tarinchejrí? Tukuy Atiyniyoj Señorpa ñaupaqempi llakisqa purispapis imatataj tarisunchejrí?, nispataj.

¹⁵Chay machu machu runasta aswampis kusisqasta rikushanchej. Sajra imasta ruwajkunapajtaj tukuy ima allinnimpaj llojsin. Paykuna Diosta phiñachinapaj jina imatapis ruwanku, chanta nitaj jasut'itapis rikunkuchu.

¹⁶[Chaypacha Diosta honrajkuna parlanakorqanku, chaytataj Señorqa sumajta uyarerqa, imatachus nisqankuta. Señorpa ñaupaqempi uj libro qelqakorqa. Payta honrajkuna, paypa sutinta yuyarikojkunataj chay libroman jina yuyarisqas karqanku.]

¹⁷Tukuy Atiyniyoj Señorqa nin: Noqa wakichishani uj p'unchayta, mayqempichus paykuna watejmanta aylluy kanqanku. Imaynatachus uj tataqa payta sirvej wawanta khuyakun, ajinata noqapis paykunata khuyakusaj.

¹⁸Chaypacha qankuna ujtawan reparakunkichej, imachus allin, imatajchus mana allin kasqanta, reparakunkichejtaj pichus Diosta yupaychasqanta, pitajchus Diosta mana yupaychasqantawan.