Read Quechua Bolivia DC Bible DEUTERONOMIO 25 Bible Online

DEUTERONOMIO 25 - Quechua Bolivia DC Bible bible

DEUTERONOMIO 25

¹Sichus mayqenkuna imamantapis ch'atanakusqanku chayqa, richunku maypichus kurajkuna tantakunku chayman, cheqanchasqa kanankupaj. Ajinamanta mana juchayoj kajqa llojsiponqa, juchayoj kajtaj juchachasqa kanqa.

²Sichus chay juchachasqa runaqa jasut'inapaj jina kanman chayqa, pichus cheqanchashan chay runa pampaman winkuchenqa, kamachenqataj ñaupaqempi jasut'inankuta juchanman jina.

³Tawa chunkakamalla jasut'iyta atinkichej, chaymanta astawanqa amaña; ama chay llajta masiykichejta chaymanta astawanqa jasut'inkichejchu. Pajtataj qankunaj ñaupaqeykichejpi p'enqachiwajchej.

⁴Waka trigota trillashajtenqa ama siminman ñukuta churankichejchu.

⁵Sichus uj runa wauqe masintin tiyakun, ujnin kajta mana wawasta saqespa wañupun chayqa, chay warmi sapa mana pillawampis casarayta atinchu. Qosampa wauqellanwantaj casarayta atin, ajinamanta wauqenman mirayta qonqa.

⁶Chay warmejpata kuraj wawanqa ñaupaj qosampa wawan jina qhawasqa kanqa. Ajinamanta chay warmej ñaupaj rejsisqampa sutin Israel ukhumanta mana chinkanqachu.

⁷Sichus chay qhareqa wauqempa warminwan casarayta mana munanmanchu chayqa, chay warmeqa llajtamanta kurajkunaman kay jinata nimonqa: Wañoj qosaypa wauqenqa mana munanchu wauqempa sutin Israel ukhupi kananta, mana noqawan casarakuyta munanchu, nispa.

⁸Chanta llajtamanta kurajkuna chay qharita wajyaspa paywan parlanqanku. Chay qharitaj kurajkunaman ninman, manapuni chay warmiwan casarakuymanchu, nispa.

⁹Chaypacha wañoj wauqempa warmin chimpaytawan, tukuy kurajkuna qhawashajtinku, chay qharej ujnin ujut'anta lluch'onqa chakinmanta, uyampitaj thoqaykuspa, nenqa: Ajinata ruwana wauqempa mirayninta chinachiyta munaj qhariwanqa, nispa.

¹⁰Jinamanta chay runaj ayllusnin Israel ukhupi sutichasqa kanqa, ujut'as lluch'usqas, nisqa.

¹¹Sichus iskay qharis maqanakusqanqanku, ujnin kaj qharej warmintaj paykunaman qayllaykunman qosanta jark'arakunampaj chayqa, chantapis chay qosanta maqaj kajpa khapanmanta jap'iykunman chayqa, chay warmej makinta mana khuyaspa khuchunkichej.

¹³Wayaqaykichejpeqa ama iskay pesasta waqaychankichejchu ujta jatunta, ujtataj juch'uyta.

¹⁴Nillataj wasisniykichejpi iskay tupus kachunchu ujnin jatun, ujnintaj juch'uy.

¹⁵Manachayqa uj rejlla kanan tiyan imatapis cabalta pesanaykichejpaj, jinallataj tupunaykichejpajpis. Jinamanta unayta kausakunkichej, Señor Diosniykichej jallp'asta qosonqachej chaypi.

¹⁶Kay jinata ruwajkunataqa, ch'aukiyajkunatapis Señor Diosniykichej chejnin.

¹⁷Qankunaqa yuyarikuychej imatachus amalecitas ruwasusqaykichejta Egiptomanta llojsimushajtiykichej.

¹⁸Paykunaqa, chay ñanta sayk'usqas jamushajtiykichej qankunata maqaj sayaykamusorqachej mana Diosta manchachikuspa, qhaparikojkunatapis munasqanman jina maqasqanta.

¹⁹Chayrayku, Señor Diosniykichej qayllaykichejpi kaj tukuy enemigosniykichejmanta librasojtiykichej, ima jallp'apichus chayaqeykichejta qopusonqachej chaypi, chaymanta amalecitata chinkachinkichej. Amapuni qonqankichejchu.