Read Quechua Bolivia DC Bible HECHOS 6 Bible Online

HECHOS 6 - Quechua Bolivia DC Bible bible

HECHOS 6

¹Chay p'unchaykunapi creejkuna ashkhayashajtinku, helenistas thutusharqanku hebreospa contranta, viudasninku mana allin yanapasqas kasqankumanta, sapa p'unchay mikhuna rak'inapi.

²Ajinamanta chunka iskayniyoj apostolesqa, tukuynin creejkunata wajyarqanku, nerqankutaj: Mana allinchu kanman noqaykupajqa, Diospa palabranta saqerparispa mikhunataraj runakunaman rak'inaykoqa.

³Chayrayku hermanos, ajllaychej ari qankuna ukhumanta qanchis qharista, allin kausayniyojta, Santo Espirituwan junt'asqasta, yachayniyojkunatataj mikhunata rak'inankupaj.

⁴Ajinamanta noqaykoqa Diosmanta mañakuspa palabrata willaspataj kasqaykupuni.

⁵Chay nisqankutaj tukuyninkuman allin rijch'arqa. Chaymantataj Estebanta ajllarqanku. Payqa sinch'i feniyoj karqa, Santo Espirituwantaj junt'asqa. Chaymantá ajllallarqankutaj Felipeta, Procorota, Timonta, Parmenasta, Nicolasta ima. Nicolasqa Antioquiamanta karqa, israelitaspa yachachiyninta qhatej.

⁶Chay ajllasqastataj apostolespaman pusamorqanku. Paykunaqa Diosmanta mañakuspa makisninkuta paykunaman churaykorqanku.

⁷Ajinamanta Diospa palabran wiñasharqa, yachachisqastaj maytapuni ashkhayarqanku Jerusalén llajtapi.

⁸Estebantaj Diospa yanapayninwan, atiyninwan ima junt'a kaspa, milagrosta, señalesta ima runakuna chaupipi ruwasharqa.

⁹Chaymantataj Kacharisqas nisqaspa sinagogankumanta wakin oqharikorqanku. Paykuna ukhupi karqanku israelitas Cirenemanta, Alejandriamanta, Ciliciamanta, Asia jallp'amantawan. Paykunataj Estebanwan churanakuyta qallarerqanku.

¹⁰Estebanta mana atipayta aterqankuchu. Payqa yachaywan Espirituwan parlasharqa.

¹¹Chaypacha llulla runasman qolqeta lluk'irarqanku ninankupaj uyarisqankuta Moisespa contranta, Diospa contranta ima sajrata rimashajta.

¹²Ajinata ruwaspa ch'ajwata oqharicherqanku runakuna ukhupi, kurajkuna ukhupi, leymanta yachachejkuna ukhupi ima. Tukuyninkutaj jamuytawan Estebanta jap'iykuspa, juntaman pusaykorqanku.

¹³Mask'allarqankutaj waj runasta, llullakuspa Estebanta ch'ataykunankupaj. Chaykunataj nerqanku: Kay runaqa rimallampuni temploj contranta, leypa contranta ima.

¹⁴Chantá uyarillaykutaj nejta chay Jesús nazareno templota urmachinanta; astawanqa Moisespa kamachiyninta waj jinaman tukuchinanta.

¹⁵Jatun juntapi tiyashajkunataj Estebanta qhawarispa angelpa uyanta jina rikorqanku.