Read Quechua Bolivia DC Bible ROMANOS 15 Bible Online

ROMANOS 15 - Quechua Bolivia DC Bible bible

ROMANOS 15

¹Fepi kallpayojkunaqa, pisi kallpayojkunaj llakiyninta apaysina, ama noqallanchejqa allimpi kanachu.

²Sapa ujninchej runa masinchejta kusichina, allin kajta ruwaspa, ajinamanta fepi wiñananchejpaj.

³Cristopis, mana paypa allinnillampajchu mask'arqa, astawanqa escribisqaman jina: Chejnisojkunaj k'amisusqankupis, noqaman urmamorqanku.

⁴Ñaupajta escribisqas karqanku chaykunaqa, yachachinawanchejpaj escribisqas karqanku; Escriturapi pacienciakuspa sonqochakuspataj suyayniyoj kananchejpaj.

⁵Pacienciata, sonqochakuytawan qoj Dios, uj yuyayllata qankunaman qochun Cristo Jesusman jina, tukuyniykichej uj sonqolla, uj simillataj Señorninchej Jesucristoj Tatan Diosta yupaychanaykichejpaj.

⁷Ujkuna ujkunawan wajyarinakuychej, imaynatachus Cristopis wajyakuwarqanchej ajinata, Dios jatunchasqa kanampaj.

⁸Chayrayku niykichej, Cristoqa jamorqa leypa kamachinta ruwaj, Diospa cheqa kayninta rikuchinampaj; chantaqa tatasninchejman Dios qonan kasqanta sinch'ita sayachinampaj.

⁹Gentiles Diosta yupaychanankupaj khuyakuyninrayku escribisqa kasqanman jina: Chayrayku gentiles ukhupi qanmanta willasaj, takisajtaj sutiykita yupaychaspa.

¹⁰Ujtawan nillantaj: Kusikuychej, gentiles, Diospa ayllunwan.

¹¹Ujtawan nin: Tukuy gentiles, Señorta yupaychaychej, sutintataj jatunchaychej tukuy ayllus.

¹²Isaías ujtawan nillantaj: Isaejpa saphin qhepakonqa. Chaymantataj jatarenqa gentilesta kamachinampaj. Ajinata gentilesqa paypi suyanqanku.

¹³Suyayta qoj Dios tukuy kusiywan, sonqo tiyakuywan creeypi qankunaman junt'achichun, suyaypi Santo Espíritoj atiyninwan kallpachasqas kanaykichejpaj.

¹⁴Hermanosníy, noqa allinta yachani qankuna khuyakuywan, tukuy yachaywan junt'a kasqaykichejta, qankunapura sonqochanakunaykichejpaj.

¹⁵Chayrayku hermanos, mana manchachikuspa escribimuykichej, qankuna yuyarinaykichejpaj, evangeliota willanaypaj Dios khuyakuyninta qowasqanmanta.

¹⁶Jesucristoj kamachin kaspa, Diospa evangelionta gentilesman willanaypaj, paykuna sumaj rikuchiku jina, llimphuchasqas Santo Espiritunejta kanankupaj.

¹⁷Ajinaqa tiyapuwan ari, Cristo Jesuspi imamantachus kusikunay, Diospa kamachiynimpi.

¹⁸Noqaqa mana parlaymanchu Cristo noqanejta mana ruwasqanmanta palabraywan, ruwasqaywantaj gentiles Diosta kasunankupaj.

¹⁹Milagroswan, señaleswan, Santo Espíritoj atiyninwan ima, Cristoj evangelionta junt'achini; Jerusalenmanta, tukuynejman Ilírikoj muyuyninkama.

²⁰Chay jinamanta kallpachakorqani evangeliomanta willanaypaj, maypichus Cristomanta manaraj uyarerqankuchu chaypi; ama wajpa willasqan patapi evangeliota willanaypaj.

²¹Manachayqa imaynachus escribisqaman jina: Pikunamanchus Cristomanta mana willarqankurajchu, chaykuna payta rikonqanku. Mana jayk'ajpis paymanta uyarejkunataj yuyayninkupi unanchakonqanku.

²²Chayrayku sapa kuti munani qankunata watukoj jamuyta, manataj atinichu.

²³Kunanqa kay llajtaspi tukuniña willayta, ñaupaj watasmantapachataj munarqani qankunata watukoj jamuyta.

²⁴Españaman rishaspa watukusqaykichej. Rishaspa qankunata rikuyta munani; qankunawan kusikuytawantaj, munayman ujniykichej Españaman pusanawanta.

²⁵Kunanrí Jerusalenmanraj risaj, jaqaypi kaj hermanosman yanapata apaspa.

²⁶Macedoniapi, Acayapi kaj hermanos ofrendata tantarqanku, Jerusalempi creejkuna ukhupi wajcha hermanosta yanapanapaj.

²⁷Kay ruwasqankoqa gentilesman allin rijch'arqa; imaraykuchus creejkuna judiosman manu karqanku. Gentileschus Espirituman jina paykunamanta jap'erqanku chayqa, gentilespis ajinallatataj, kay pachapi kapuyninkuwan, creejkuna judiosta yanapananku tiyan.

²⁸Ajinaqa kay ofrendata qoyta tukuytawan, Españaman rishaspa watukusqaykichej.

²⁹Yachani qankunata watukoj jamushaspa, Cristoj evangeliompa bendicionesninwan junt'a chayamunayta.

³⁰Hermanos, mañakuykichej Señorninchej Jesucristonejta, Santo Espíritoj munakuynimpi ima, Diosmanta mañapunawaykichejta, noqawan khuska ñak'arispa; Judeapi mana kasukoj runakunamanta Dios jark'anawampaj. Kay apashani chay ofrendataj Jerusalempi creejkunapaj allin kachun; Diospa munayninman jina kusisqa chayamunaypaj, qankunawan khuskataj kusisqa samarikunaypaj.

³³Sonqo tiyakuyta qoj Dios qankunawan kachun. Amén.