Read Quechua Bolivia DC Bible ROMANOS 4 Bible Online

ROMANOS 4 - Quechua Bolivia DC Bible bible

ROMANOS 4

¹Ima nisuntajri, aychaman jina tatanchej Abraham, imatataj tarerqa?

²Sichus Abraham ruwasqasninrayku, mana juchayojpaj rejsisqa kanman chayqa, atinman karqa alabakuyta, manataj Diospa ñaupaqempichu.

³Ima nintaj escribisqapi? Abrahamqa Diospi creerqa, chay creesqantaj paypaj yupakorqa, mana juchayoj rikhurinampaj.

⁴Pichus llank'ajmanqa mana khuyaspachu pagontaqa yupapun, manachayqa manuta jina.

⁵Pichus mana ruwanchu, creentaj, juchasapata mana juchayojta rikhurichejpi chayqa, chay fenin paypaj yupakun, mana juchayoj rikhurinampaj.

⁶Imaynatachus David parlan, janaj pachapi, runaj sumaj kausayninmanta; chay runaj juchasninmantaqa Dios pampachapun, mana ruwasqasninraykuchu, nispa: Kusikuyniyojmin kanku, sajra ruwasqasninkuta Dios pampachajtin, juchankutapis pichajtin.

⁸Kusikuyniyojmin runaqa, juchanmanta Señor mana yuyarichejtin.

⁹Kay kusikoyqa circuncidasqa kajkunallapajchu, chayrí mana circuncidasqa kajkunapajwanchu? Ninchejña Abrahammanqa cheqan kay, fenejta qosqa karqa.

¹⁰Imaynatataj payman qosqa karqa, circuncidasqa kashajtinchu, chayrí mana circuncidasqa kashajtinchu? Manaraj circuncidasqa kashajtin feqa qosqa karqa.

¹¹Circuncisiontaqa jap'erqa uj señalta jina, Diospa cheqan kayninta sellota jinalla fenejta, manaraj circuncidasqa kashaspa; mana circuncidasqa creejkunaj tatanku kanampaj, paykunamampis Diospa cheqan kaynin fenejta qosqa kanampaj.

¹²Chantá, circuncidasqaspa tatanku kanampaj, jinallataj mana circuncidasqaspatapis. Tatanchej Abrahampa feninta qhaterqanku manaraj pay circuncidasqa kashajtin.

¹³Diosqa mana leyraykuchu Abrahamman nerqa, mirayninmampis kay mundota chayaqepaj qonanta; astawanqa Diospi Abrahampa feninrayku.

¹⁴Leymanta kajkunallachus chayaqeta jap'inkuman chayqa, qhasillaña kanman feqa; Diospa qosaj nisqampis qhasillataj kanman.

¹⁵Moisespa leynenqa phiñakuyta apamun; maypichus mana ley kanchu chayqa, manallataj ley p'akiypis kanchu.

¹⁶Chayrayku, fenejta qhasimanta kanampaj, Diospa qosaj nisqan, mana miraynimpajpis sinch'ita sayanampaj; mana leyta kasojkunallapajchu, manachayqa tatanchej Abrahampa feninmanta kajkunapajpis. Abrahamqa tukuyninchejpa tatanchej, escribisqa kasqanman jina: Diospa ñaupaqempi tukuy runaj tatan kanaykipaj churayki. Pipichus pay creerqa chay Diosqa, wañusqasman kausayta qon; mana kajkunatapis sutinmanta wajyan, kankumampis jina.

¹⁸Abrahamtaj mana suyanata jina suyaspa creerqa. Ajinapi ashkha runaj tatan kanampaj, payman nisqa kasqanman jina: Ajina kanqa mirayniykeqa.

¹⁹Chaypacha payqa machuña karqa, yaqha pachaj watayoj, wañusqa jinaña. Jinallataj warmimpis manaña wawayoj kanampaj jinachu karqa. Chaywampis fenenqa manapuni pisiyarqachu.

²⁰Manallataj iskayrayarqachu mana feniyojpis kanman jina, creerqapuni Dios qosqayki nisqampi. Astawantaj fepi kallpachakorqa diosta yupaychaspa tukuy sonqo.

²¹Allinta yachaspa Diosqa atiyniyoj kasqanta, tukuy qosqayki nisqantapis junt'anampaj.

²²Chayrayku Diospa cheqan kaynenqa fenejta qosqa karqa.

²³Chantá mana Abrahamllapajchu escribisqa karqa, Diospa cheqan kaynin qosqa kananqa.

²⁴Noqanchejpajpis escribisqallataj karqa feninchej yupasqa kanampaj. Noqanchej creenchej Diospi, pichus Señorninchej Jesusta wañusqakunamanta kausarichimorqa, chaypi.

²⁵Pay juchasninchejrayku wañunampaj qosqa karqa, kausarimorqataj mana juchachasqas kananchejpaj.