Read Quechua Bolivia DC Bible 1 CORINTIOS 16 Bible Online

1 CORINTIOS 16 - Quechua Bolivia DC Bible bible

1 CORINTIOS 16

¹Hermanospaj qolqe tantanataqa, qankunapis ruwaychu, imaynatachus Galacia iglesiaspi yachacherqani ajinata.

²Sapa semanaj ñaupaj p'unchaynimpi, sapa ujniykichej t'aqaychej mashkhallatapis kapususqaykichejman jina. Chaytataj waqaychaychej. Chayamojtiytaj amaña qolqeta tantankichejchu.

³Noqataj chayamuspa, chay pikunatachus ajllankichej cartasta qospa, chaykunawan Jerusalenman apachisaj qolqe qosqaykichejta, jaqaypi hermanosman jaywamunankupaj.

⁴Noqapis imaynamanta rinay allin kanman chayqa, paykuna noqawan renqanku.

⁵Jamuspaqa Macedonianta jamusaj, imaraykuchus Macedoniantapuni jamunay kashan.

⁶Ichapis qankunawan qhepakusaj, chiri pasanan p'unchaykama; chantá qankuna yanapawankichej maymanchus puririnayta.

⁷Mana usqhayta rej jinallachu rikuyta munaykichej; astawanqa suyashani qankunawan kayta uj mashkha unayllatapis, Señor munajtenqa.

⁸Chaywampis Efesopi qhepakusaj Pentecostés p'unchaykama.

⁹Sumaj jatun punku kicharikuwan llank'anaypaj jina, Señorpa ruwanampi. Chaywampis, ashkha chejniwajkuna kanku.

¹⁰Timoteo chayamonqa chayqa allinta yanapaychej, pay qankuna ukhupi kusisqa kanampaj ama manchachikuspa. Paypis noqa jinallataj Señorpa ruwanampi llank'an.

¹¹Chayrayku, ama pipis paytaqa pisipi qhawachunchu; astawanqa purimojtin yanapaychej tukuy sonqo, noqata watukoj jamojtenqa. Payta suyashani hermanoswan.

¹²Hermano Apolostaqa maytapuni nerqani hermanoswan qankunata watukoj jamunampaj. Kunanraykoqa mana jamuyta munarqachu. Chaywampis, atikojtenqa jamonqa.

¹³Ama puñuspa mañakuychej, sinch'i kaychej feniykichejpi, qhari jinataj kaychej kallpachakuspa.

¹⁴Tukuy imasniykichej ruwasqa kachun munakuywan.

¹⁵Hermanos, yachankichejña ayllusnenqa kasqankuta Estefanaspa ayllun. Ñaupaj creejkuna Acayamanta kanku. Kunan paykunaqa fepi hermanosta yanapanku.

¹⁶Noqa mañakuykichej chay jina runastaqa, yanapajkunatawan, llank'ajkunatawan kasunaykichejta.

¹⁷Kusikuni jamusqankumanta Estéfanas, Fortunato, Acaico ima. Ripunaykichejkama paykuna ruwaysishawayku.

¹⁸Paykunaqa espirituyta kallpacharqanku, jinallataj qankunajtapis. Paykuna jina runastaqa sumajta qhawanaykichej tiyan.

¹⁹Asiapi kaj iglesiasqa ashkhata napaykamusunkichej Aquilawan, Priscilawan. Wasimpi kaj iglesiapis, anchatapuni napaykamusunkichej Señorpi.

²⁰Tukuynin hermanos napaykamusunkichej; qankunapis ujkuna ujkunawan napaykunakuychej, llimphu kaj much'aykuywan.

²¹Noqa Pablo, kikin makiywan escribimuspa napaykamuykichej.

²²Pichus Señor Jesucristota mana munakojqa, maldicisqa kachun. Señor jamushanña.

²³Señor Jesucristoj khuyakuynin qankunawan kachun.

²⁴Cristo Jesuspi noqaj munakuyniy, tukuy qankunawan kachun. Amén.