Read Quechua Bolivia DC Bible 1 CORINTIOS 2 Bible Online

1 CORINTIOS 2 - Quechua Bolivia DC Bible bible

1 CORINTIOS 2

¹Hermanos, qankunaman jamuspaqa, mana jatuchaj yachaysapa palabraswanchu willarqani Diospa pakasqa yachayninmantaqa.

²Mana imatapis yachayta munarqanichu, qankunawan kashaspaqa; astawanqa Jesucristo chakatasqa kasqallanmanta.

³Qankuna ukhupeqa, pisi kallpayoj karqani, anchata manchachikuspa, kharkatitispataj; palabrasniypis, willasqaypis, mana runakunaj yachayninman jinachu karqa; astawampis Espíritoj rikuchiyninwan, atiyninwantaj karqa, amataj feniykichej runakunaj yachaynimpi kanampaj, astawanqa Diospa atiynimpi.

⁶Chaywampis parlayku yachaykunamanta yachajpura, mana kay mundoj yachayninmantachu, nitaj kamachejkunaj yachayninmantachu; imaraykuchus chay yachaykunaqa chinkananku tiyan.

⁷Astawanqa parlayku Diospa pakasqa yachayninmanta; chaytaj pakasqa karqa manaraj kay mundota ruwashajtin, wiñaymantapacha, janaj pachaman pusasqas kananchejpaj.

⁸Manataj pipis kamachejkunamanta kay pachapi rejserqachu kay imastaqa; rejsinkumanchus karqa chayqa, mana jayk'ajpis chakatankumanchu karqa janaj pacha k'anchayniyoj Señorta.

⁹Imaynachus escribisqapi kasqanman jina: Imatachus ñawi mana rikorqachu, nitaj ningri uyarerqachu, nillataj sonqonkupi yuyarqankuchu, chaykunatataj Dios wakicherqa payta munakojkunapaj.

¹⁰Chay imastaqa Dios rejsichiwanchej Espiritunnejta; imaraykuchus Espiritoqa allinta rejsin tukuy imata, Diospa may ukhu yachaynintapis.

¹¹Runakunamanta, pitaj yachanman runaj sonqompi imachus kasqanta? Manachu espiritullan yachan paypa ukhumpi kashan chay? Kikillantataj Diospa Espiritullan yachan, imachus Diospi kasqanta.

¹²Noqanchejtaj mana kay mundoj espirituntachu jap'erqanchej. Diosmanta jamoj Espirituta jap'erqanchej, yachananchejpaj imatachus Dios khuyakuywan qowasqanchejta.

¹³Kay imasmantataj noqanchej parlanchej; mana runaj yachachisqanman jinachu, astawanqa Espíritu yachachiwasqanchejman jina, yachachispataj Espirituman jina, Espiritupi kajkunata.

¹⁴Pichus mana Espiritupi kajqa, mana imatapis rejsinchu Diospa Espiritunmanta, imaraykuchus paypaj qhasi mana kaj yachachiy, manataj yuyaychakuyta atinchu; imaraykuchus kay imasqa Espirituman jina rejsisqa kanqa.

¹⁵Pichus Espirituman jina kajqa, atin juzgayta tukuy imata; manataj paytaqa pipis juzgayta atinmanchu.

¹⁶Pitaj Señorpa yuyayninta rejserqa? Pitaj Diosmanta yachachiyta atinmanri? Astawanqa Cristoj yuyaynin noqanchejpi kashan.