Read Quechua Bolivia DC Bible 1 CORINTIOS 7 Bible Online

1 CORINTIOS 7 - Quechua Bolivia DC Bible bible

1 CORINTIOS 7

¹Kunantaj cartapi tapumuwasqaykichejman kutichimuykichej. Allin kanman qharipajqa mana warmiyoj kanan.

²Ama qhenchachakuy kanampajrí, sapa ujqa warmiyoj kachun; jinallataj sapa uj warmipis qosayoj kachun.

³Qosaqa imachus qonanta warminman junt'achun, jinallataj warmipis junt'achun qosanman imatachus qonanta.

⁴Warmeqa mana atiyniyojchu kikin cuerponmanta, manachayqa qosan; nillataj qosapis atiyniyojchu cuerponmanta, manachayqa warmin.

⁵Chayrayku ama qankunaqa mana nispa ninakuychejchu. Astawanqa pisi tiempollapaj saqeychej, qhari warmi parlarikuspa, Diosmanta mañakunaykichejpaj. Chaymanta watejmanta tantakapullaychejtaj, ama Supay urmachinasuykichejpaj, mana kakuyta atisqaykichejrayku.

⁶Kayta nispaqa noqalla yuyaychaykichej, manataj kamachiykichejchu.

⁷Munayman tukuy runas noqa jina kanankuta. Chaywampis, Dios sapa ujman qopun imaynachus kananta, cheqamanta ujpataqa uj jinamanta, ujpatataj waj jinamanta.

⁸Solterosman, viudasman ima nini. Allin kanman noqa jina mana casaraspa qhepakunanku.

⁹Mana kakuyta atinkuchu chayqa, casarachunku. Aswan walejmin casarakoyqa ruphanamanta nisqaqa.

¹⁰Casarasqas kajkunamantaj kamachini, mana noqachu, manachayqa Señormin: Warmeqa qosanmanta ama t'aqakuchunchu.

¹¹T'aqakun chayri, kakuchun amaña casaraspa, manachayrí qosanwan allinyakuchun; qosantaj ama warminta wijch'uchunchu.

¹²Wajkunamantaj noqa nini, mana Señorchu. Mayqen hermanoj warminchus mana creej kanman, munanmantaj qosanwan tiyakuyta chayqa, ama saqerparichunchu warmintaqa.

¹³Jinallataj uj warmej qosan mana creej kanman, paytaj warminwan tiyakuyta munanman chayqa, ama wijch'uchunchu qosantaqa.

¹⁴Qosaqa, mana creejqa, warminnejta llimphuchasqa. Ajinallataj mana creej warmipis, qosannejta llimphuchasqa. Mana jina kanman chayqa, wawasninkupis mana allin qhawasqachu kankuman. Kunanqa wawasninkupis llimphuchasqas kanku.

¹⁵Uj qosa, chayrí mana creej warmipis, t'aqakuyta munan chayqa, t'aqakuchun. Mana chayraykuchu hermano, chayri hermanapis ñak'ariyta atinchu. Dios wajyawarqanchej tukuy sonqo kausakunapaj.

¹⁶Imata qan yachanki warmi, qosaykita salvayta atinaykimanta? Qampis qosa, imata yachanki, warmiykita salvayta atinaykimanta?

¹⁷Imaynatachus sapa ujman Señor qosqanman jina, sapa ujtataj Dios imaynatachus wajyarqa, ajinata ruwachun. Kayta kamachini tukuy iglesiasman.

¹⁸Mayqempis circuncidasqa kashaspachu wajyasqa karqa? Qhepakuchun circuncidasqa. Mayqellampis mana circuncidasqachu wajyasqa karqa? Ama circuncidakuchunchu.

¹⁹Chayrayku circuncidasqa kayqa, mana imachu; mana circuncidasqa kaypis nillataj imachu, astawanqa Diospa kamachisqasninta junt'ana tiyan.

²⁰Sapa uj imayna kausaypichus wajyasqa karqa, chaypi qhepakuchun.

²¹Kamachi kashaspachu wajyasqa karqanki? Chaymantaqa ama llakikuychu; atiwaj kacharisqa kayta chayqa, kallpakuy kacharisqa kanaykikama.

²²Pichus kamachi kashaspa Señorpi creenampaj wajyasqa chayqa, kunanqa kacharisqaña Señorpaj. Jinallataj pichus kacharisqa kashaspa wajyasqa karqa chayqa, kunanqa Cristoj kamachinña.

²³Ashkha preciowan rantisqas kankichej. Amaña runaspa kamachisnin churakuychejchu.

²⁴Chayrayku, hermanos, imayna kausaypichus sapa uj wajyasqa karqa chayqa, ajinallatapuni Diospa ñaupaqempi kakuchun.

²⁵Mana casarasqaspajqa mana imatapis Señor kamachiwarqachu; astawanqa noqaman rijch'awasqanta nini, imaynatachus noqapis Señorpa khuyakuyninta tariparqani, kamachiyninta junt'anaypaj.

²⁶Kaytaj noqamanqa allin rijch'awan, runa imayna kausaypichus kashan, chaypachampi qhepakuchun. Kay p'unchaykunapeqa yupa misk'anas tiyan.

²⁷Casadochu kanki? Ama warmiykimanta t'aqakuychu. Manachu casado kanki? Ama munaychu casarakuyta.

²⁸Casarakunki chaypis, mana juchachu. Doncellapis mana casarakuspaqa manallataj juchallinchu. Chaywampis, paykunaqa llakiyniyoj kanqanku aychaman jina. Noqaqa mana munaymanchu chay llakiykuna kananta.

²⁹Hermanos, kayta niyta munaykichej: Pisi tiempollaña kashan. Kunanmanta ñaupajmanqa, casadosqa manapis warmiyojchu kankuman jina kausakuchunku.

³⁰Waqajkunapis manapis waqankumanchu jina; kusikojkunapis, manapis kusikunkumanchu jina rantikojkunapis, mana kapuyniyojpis kankuman jina. Kay pachaj imasninwan kusisqa kajpis, manapis kusisqachu kanman jina; imaraykuchus kay mundoj rijch'aynenqa tukukapushanña.

³²Munayman ari mana llakiyniyoj kanaykichejta. Solteroqa Señorpa imasninmanta anchata yuyan, Señorman allinta rijch'anampaj.

³³Qosataj kay mundoj imasninta mask'an, warminman allinta rijch'anampaj.

³⁴Ajinamanta iskay imaspi yuyashan. Jinallataj mana qosayoj warmi, doncellapis Señorpa imasninta mask'anku llimphu kanankupaj, cuerpopi, almapiwan. Qosayojrí kay mundoj imasninta mask'an, qosanman allinta rijch'anampaj.

³⁵Kayta niykichej qankuna allin kanaykichejpaj, mana misk'anata churanaypajchu; astawanqa allin kajta ruwanaykichejpaj, cheqan kajtawan, mana ima jark'anayoj Señorman qayllaykunaykichejpaj.

³⁶Sichus pipis casarachiyta munanman ususinta, casaranan tiempo pasasqantaña yuyaspa chayqa, munasqanta ruwachun. Chaypeqa mana juchallikunchu. Munaspaqa kasarakapuchun.

³⁷Pitajchus tukuy sonqo ninman ususin mana casarakunanta chayqa, allinta ruwan; sichus munayninmanta, sonqompi yuyanña doncella ususinta ajinata waqaychananta, chayqa allinta ruwan.

³⁸Chayrayku, pitajchus ususinta casarachin chayqa, allinta ruwan. Chantá, pitajchus mana casarachinmanchu chayri, astawan allinta ruwan.

³⁹Casada warmeqa khuska kanan tiyan qosanwan leynejta, qosan kausanankama. Qosan wañupojtinrí, atinman casarakuyta piwanchus munasqanwan. Kayrí creejllataj kanan tiyan.

⁴⁰Noqaj yuyayniymantaqa, aswan kusiy kanman mana casaraspa qhepakunan; Diospa Espíritun noqapi kasqanta yuyani.