Read Quechua Bolivia DC Bible 2 CORINTIOS 9 Bible Online

2 CORINTIOS 9 - Quechua Bolivia DC Bible bible

2 CORINTIOS 9

¹Hermanospaj qolqe tantasqamanta escribimunayqa, anchaña kanman.

²Rejsiniña sumaj sonqoyoj kasqaykichejta. Chayrayku may kusisqa kani Macedoniamanta kajkunawan. Acayamanta kajkunapis qayna watamantapacha wakisqas kashanku. Chay ruwasqaykichej ashkhaspa sonqonta kuyurichin.

³Chayrayku chay hermanosta kachamushani, ama qhasi kanampaj kusikuyniyku qankunamanta, nisqayman jina wakichisqas kanaykichejpaj.

⁴Ichapis noqawan jamunkuman Macedoniamanta wakin hermanos, taripasunkichejmantaj mana wakichisqasta chayqa, p'enqaypi rikhuriykuman; astawanqa qankuna p'enqaypi rikhuriwajchej, qankunamanta allinta parlashajtiyku.

⁵Chayrayku allin rijch'awarqa, hermanosta sonqochaspa qankunaman ñaupajta kachamunay, qolqeta qosaj nisqaykichejta yuyarinaykichejpaj, wakichisqa kanaykichejpaj tukuy sonqo, amataj kamachisqaykuraykullachu.

⁶Kayta niykichej: Pichus pisita tarpojqa, pisillatataj oqharenqa; pichus ashkhata tarpojqa, ashkhallatataj oqharenqa.

⁷Sapa uj churachun sonqompa yuyasqanman jina, ama llakikuspa, nitaj kamachisqa jinachu; imaraykuchus Diosqa munakun pichus kusiywan qojta.

⁸Diosqa atiyniyoj, khuyakuynin qankunapi ashkhayanampaj; ajinapi ama ima pisinampaj, tukuy ima allin ruwaypitaj junt'asqa kanaykichejpaj.

⁹Escribisqaman jina: Wajchasman qorqa mana mich'akuspa. Tukuy cheqan ruwasqantaj wiñaypaj kanqa.

¹⁰Dios qon tarpojman mujuta, t'antataj mikhunampaj. Ashkhayachenqataj chajrasniykichejta, yapanqataj allin ruwasqaykichejpa poqoyninta.

¹¹Ajinamanta tukuy imapi qhapaj kanay kichejpaj, tukuy imata qospa khuyakuywan; noqaykunejtataj chay qolqemanta hermanos Diosman graciasta qonankupaj.

¹²Kay yanapata hermanosman qospaqa, mana pisisqallantachu yanapan. Astawanqa paykuna may chhikata Diosman graciasta qonku.

¹³Kay yanapata rikuspa Diosta yupaychanqanku, Cristoj evangelionta kasusqaykichejmanta, chay qolqeta tukuy sonqo qosqaykichejmanta ima, paykunapaj, tukuypajpis.

¹⁴Paykunataj mañapusonqachej Diosmanta tukuy sonqo munakuywan; Diospa jatun khuyakuynin qankunapi kasqanrayku.

¹⁵Diosman graciasta qona qowasqanchejmanta mana willay atinata.