Read Quechua Bolivia DC Bible COLOSENSES 3 Bible Online

COLOSENSES 3 - Quechua Bolivia DC Bible bible

COLOSENSES 3

¹Chayrayku, Cristowan khuskachus kausarimorqankichejña chayqa, mask'aychej janaj pachapi kaj imasta, maypichus Cristoqa Diospa pañampi tiyasqa kashan, chaymanta.

²Ajinata janaj pacha imaspi yuyaychej, ama kay jallp'a patapi imaspeqa. Qankunaqa wañorqankichejña. Chayrayku kausayniykichejqa Cristowan Diospi pakasqa kashan.

⁴Cristo kausayniykichej kasqanta rikuchikojtin, chaypacha qankunapis paywan jatun lliphipej k'anchaynimpi rikuchisqasllataj kankichej.

⁵Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun.

⁶Kay imasrayku Diospa k'ajaj phiñakuynin jamun, mana kasojkunaj patanman.

⁷Qankunapis ñaupajta chay imasta ruwaspa purerqankichej.

⁸Kunanqa saqeychej kay tukuy imasta: Phiñakuyta, phiñapayayta, sajra yuyayta, Diospaj rimayta, millay parlaykunata ima.

⁹Chantá ama purajmanta llullanakuychejchu. Qankunaqa chay mauk'a runa jina kausayta saqerqankichejña mosoj runamanta p'achawan jina p'achallikunaykichejpaj. Mosoj runaqa ruwajnimpa rijch'ayninman jina mosojyachisqa wiñashan.

¹¹Mana kanchuña griego, judío, circuncidasqa, mana circuncidasqa, mana llajtayoj runa, k'ita runa, kamachipis, mana kamachipis. Manachayqa Cristomin tukuy ima, tukuypitaj kashan.

¹²Diospa ajllasqasnin jina, llimphuchasqas munasqastaj p'achallikuychej ari. Jatun khuyakuywan, k'acha kaywan, llamp'u sonqo kaywan, pacienciawan ima.

¹³Ujkuna ujkunawan paciencianakuspa, purajmanta juchasniykichejta perdonanakuspa, sichus pipis wajpa contrampi kanman chayqa. Imaynatachus Cristopis juchasniykichejta pampacharqa, ajinata qankunapis ruwaychej.

¹⁴Kay tukuy imasmanta astawanqa, munakuywan p'achawan jina p'achallikuychej, imaraykuchus chayqa allinman tukuyta ujllaman tukuchin.

¹⁵Cristoj sonqo tiyakuynin sonqoykichejpi kamachichun. Kaypajmin wajyasqas kankichej, ujlla kanaykichejpaj. Qankunataj Diosman graciasta qoychej.

¹⁶Cristoj palabranqa sonqoykichejpipuni kachun. Qankunataj ujkuna ujkunawan yachachinakuychej, sonqochanakuspataj tukuy yachaywan. Señorta agradecekuychej tukuy sonqo salmoswan, himnoswan, Espirituman jina, takiykunawan ima.

¹⁷Tukuy ima ruwasqaykichejpi, ña parlaypi, ñataj ruwaypi, Señor Jesuspa sutimpi, paynejta Dios Tataman graciasta qoychej.

¹⁸Qosayoj warmis, qosasniykichejta kasuychej Señorpa munayninman jina.

¹⁹Jinallataj qosaspis warmisniykichejta munakuychej, amataj paykunawan sajras kaychejchu.

²⁰Tata mamasniykichejta kasuychej tukuy imapi, imaraykuchus kayta Señorqa munan.

²¹Tatas, mamas, qankunapis ama wawasniykichejpa sonqosninkuta nanachiychejchu, ama waj jinayanankupaj.

²²Kamachis, kay jallp'api uywaqesniykichejta tukuy imapi kasuychej. Amataj paykunaj rikunallankutachu, imaynatachus wakin runas allimpaj qhawasqa kanankupaj ruwanku jinataqa; astawanqa tukuy sonqowan Diosta manchachikuspa.

²³Tukuy ima ruwanaykichejta tukuy sonqowan allinta ruwaychej, Señorpaj jina, ama runapaj jinaqa, yachaspa Señormanta aynita jina chayaqeta jap'inaykichejta. Qankunaqa Cristo Señorpa kamachisqanta ruwashankichej.

²⁵Pichá sajrata ruwajqa, sajrallatataj jap'enqa, imaraykuchus Diosqa mana runaspa rijch'aynillantachu qhawan.