Read Quechua Bolivia DC Bible JOSUÉ 10 Bible Online

JOSUÉ 10 - Quechua Bolivia DC Bible bible

JOSUÉ 10

¹Jerusalenmanta rey Adonisedecqa Josuemanta yachaspa mayta mancharikorqa; imaynatachus Hai llajtata, reynintawan jap'ispa wañuchisqanta, imaynatachus ñaupajta Jericó llajtata reynintawan chinkachisqanta. Chantaqa Gabaón llajtasniyojpis israelitaswan allinyanaykukusqankuta, paykuna ukhupiñataj tiyashasqankuta.

²Chayrayku maytapuni mancharikorqa. Imaraykuchus Gabaón llajtaqa jatun llajta karqa, Hai llajtamantapis aswan jatun; chantaqa runasnimpis sinch'i kallpasapas karqanku.

³Chayrayku Jerusalenmanta rey Adonisedecqa willarachimorqa, Hebrón rey Hohanman, Jarmut rey Pireamman, Laquis rey Jafiaman, Eglón rey Debirman ima, kay jinata:

⁴Jamuychej kayman, Gabaompa contrampi maqanakuyta yanapawaychej, paykunaqa Josuewan, israelitaswan ima allinyaykukunku.

⁵Ajinamanta phishqantin amorreo reyes tantaykukorqanku, Jerusalenmanta, Hebronmanta, Jarmutmanta, Laquismanta, Eglonmanta ima. Chaymanta paykunaqa tukuy soldadosninkuwan wicharerqanku;, Gabaompa chimpampitaj jaraykukorqanku, chaymantataj llajtawan maqanakorqankupacha.

⁶Gabaón llajtayojkunataj Josueman willachimorqankupacha, Gilgalpi jarasqa kasharqanku chayman: Ama kamachisniykitaqa sapaykuta saqerpariwaykuchu; usqhayllata wicharimuychej jark'akunawaykupaj, yanapanawaykupajtaj, imaraykuchus tukuy amorreospa reyesnin ujllaman tantaykukuspa jamunku noqaykuta maqanawaykupaj, nispa.

⁷Josuetaj Gilgalmanta wicharerqapacha tukuy soldadosninwan, mayqenkunachus wapus kajkunawan.

⁸Señortaj Josueman nerqa: Ama paykunamantaqa manchachikuychu, noqa makisniykiman jaywasqayki, ni mayqenninku ñaupaqeykipi sayayta atenqankuchu.

⁹Josuetaj Gilgalmanta tukuy tutantin wicharispa chayarparerqa amorreoswan ujllata maqanakojpacha.

¹⁰Señortaj amorreostaqa maytapuni manchariykucherqa israelitaspa ñaupaqempi. Ajinamanta Josueqa ashkha runasta Gabaompi wañuracherqa. Chaymantaqa qhatiykorqa Bet-horonman wicharej ñannejta, chaymanta rillarqapuni amorreosta wañuchispa Azecakama, Macedakama ima.

¹¹Bet-horon urayta amorreos israelitasmanta ayqekushajtinku, Señorqa kachaykamorqa janaj pachamanta jatuchaj rumi chhikachaj granizosta; chay astawan amorreostaqa wañuracherqa, israelitas espadawan wañuchisqankumanta nisqaqa.

¹²Maypachachus Señorqa amorreosta israelitaspa makisninman churarqa, chaypacha Josueqa israelitas rikushajtinku Señorta parlapayarqa kay jinata: Inti Gabaompi sayay; qampis killa, Ajalón valle patapi sayay, nispa.

¹³Intiwan killawantaj sayaykorqankupa cha, israelitas enemigosninkuman aynita kutichinankukama. Manachu kayqa Jeserpa librompi qelqasqa kashan? Inteqa janaj pacha chaupipi sayaykorqa, uj p'unchayta jina.

¹⁴Ni ñaupajta, nitaj qhepatapis chay jina jatun p'unchayqa karqachu, mayk'ajchus Señorqa uj runaj parlasqanta uyarerqa chay p'unchay jinaqa. Imaraykuchus Señorqa chaypacha israelitasman kutikuspa maqanakorqa.

¹⁵Chaymanta Josueqa, tukuy israelitas ima Gilgalpi kasharqa chay jarankuman kutiriporqanku.

¹⁶Chay phishqa amorreo reyestaj ayqekuspa Macedapi chhanka jusk'uman pakaykukorqanku.

¹⁷Chay qhepata Josueman willarqanku, chay phishqa reyesqa Maceda chhanka jusk'upi pakasqa kashasqankuta.

¹⁸Chantá Josueqa kamacherqa jatuchaj rumista tanqaykuspa chay chhanka jusk'uta wisq'aykunankuta, punku yaykunamantaj qhawajkunata churanankuta. Qankunapis ama kayllapi kaychejchu, enemigosniykichejta qhatiriychej, qhepataraj wakin yapakamojkunata wañurachimuychej. Ama saqeychejchu llajtankuman kutejta, imaraykuchus Señor Diosniykichejmin makisniykichejman jaywasunkichej, nispa.

¹⁹

²⁰Chay qhepata Josuewan israelitaswanqa amorreosta mana ujniyojta wañuracherqanku. Chaymanta wakin qhepakoj amorreostaj sumaj jark'achisqa llajtasninkuman pakaykukorqanku.

²¹Israelitastaj tukuyninku walejpacha kutimporqanku Macedapi jarankuman, maypichus Josué kasharqa chayman. Chaymantaqa ni pi, ni mayqen israelitaspa contranta parlarej karqachu.

²²Chaymanta Josueqa nerqa: Kunanqa chay cueva punkuta kicharispa, chay phishqa reyesta orqhomuychej, nispa.

²³Ajinata israelitasqa chay phishqa reyesta jusk'umanta orqhomorqanku. Paykunaqa karqanku Jerusalenmanta, Hebronmanta, Jarmutmanta, Laquismanta, Eglonmanta ima.

²⁴Josuejpa ñaupaqenman pusamojtinkutaj, Josueqa israelitasmanta tukuy qharista wajyarqa; paywan jamorqanku chay kurajkunamantaj nerqa: Qayllamuychej, kay reyespa kunkanman chakisniykichejta churaychej, nispa. Paykunataj qayllaykuytawan chay reyespa kunkasninman chakisninkuta churarqanku.

²⁵Chaymanta Josueqa nillarqataj: Ama manchariychejchu, nitaj kharkaychejchu, astawanqa sinch'is, wapustaj kaychej. Imaraykuchus Señorqa ajinatapuni ruwanqa qankunawan maqanakoj enemigosniykichejtaqa, nispa.

²⁶Chaymanta Josueqa chay reyesta wajtaspa wañuracherqa, jinaspataj sapa ujninta uj sach'amankama warkhuracherqa. Chaypitaj kacherqanku ch'isiyaykunankama.

²⁷Inti chinkaykushajtintaj Josueqa chay warkhusqasmanta uraykuchichimorqa, chaymantataj kamacherqa may jusk'u pichus pakakorqanku chayllamantaj wijch'uykamunankuta. Paykunataj jusk'uman wijch'uykamuytawan jatuchaj rumiswan sumajta wisq'aykamorqanku. Chay ruwasqataj kunankama kashan.

²⁸Chay kikin p'unchayllataj Josueqa Maceda llajtata jap'erqa, runasninta, chantá reynintapis espadawan wañuracherqa. Ajinata ruwaspa mana ujniyojta wañurachispa ch'impachata saqerparerqa. Maceda llajtaj reynintaqa ruwarqa, imaynatachus Jericó llajtaj reyninta ruwarqa kikinta.

²⁹Chaymantaqa israelitasta pusariykukuspa Josueqa Libna llajtamanñataj rispa muyuykorqanku, maqanakorqankupachataj.

³⁰Chay llajtatapis Señorqa, reynintawan khuska israelitaspa makisninman jaywallarqataj. Chaymanta paykunaqa espadawan t'ojsispa tukuy kausajkunata wañuracherqanku ni ujta saqespa. Chay reytapis imaynatachus Jericó llajtaj reyninta ruwarqa kikillantataj ruwarqa Josueqa.

³¹Chay Libna llajtamantaqa Josuewan israelitaswanqa Laquis llajtamanñataj rillarqankutaj. Chayman chayaspataj muyuykuytawan chay runasta maqarqankupacha.

³²Señorqa q'ayantin Laquis llajtata israelitasman jaywarqa; paykunataj espadawan t'ojsispa chay llajtapi tukuy kausajkunata wañuracherqanku, imaynatachus Libna llajtapi ruwarqanku kikinta.

³³Chaymantaqa Gezermanta Horam reyñataj Laquis llajtaman kutikuspa tukuy soldadosninwan llojserqa israelitaswan maqanakoj. Paytapis Josueqa, tukuy soldadosnintawan mana ujniyojta wañurachillarqataj.

³⁴Laquis llajtamanta Josueqa, tukuynin israelitaswan Eglón llajtamanñataj rillarqankutaj. Chay llajtaman chayaspataj muyuyninman jarakuytawan maqanakorqankupacha.

³⁵Chay kikin diapacha llajtataqa jap'erqanku, espadawan t'ojsispataj chay llajtapi tukuy kausajkunata wañuracherqanku, imaynatachus Laquispi ruwarqanku kikinta.

³⁶Eglón llajtamanta, Hebrón llajtamanñataj Josuewan tukuynin israelitaswan wicharispa maqanakamorqanku.

³⁷Chay llajtaman yaykuytawan espadawan t'ojsispa reyninta, tukuy kausajkunasnintinta wañuracherqanku, jinallataj chay qayllasnimpi llajtaspipis, imaynatachus Eglompi ruwarqanku kikinta.

³⁸Chaymanta Josueqa tukuy israelitaswan Debir llajtamanñataj kutirimorqanku, chay llajtawan maqanakorqankupacha.

³⁹Chay llajtaman yaykuytawan espadawan t'ojsispa reyninta, chay ukhupi tukuy kausajkunatawan wañuracherqanku mana ujniyojta, kikillantataj chay qayllasnimpi llajtaspipis, imaynatachus ruwarqanku Hebronta, Libnata, reyesnintawan, ajinata.

⁴⁰Ajinata Josueqa chay tukuynin jallp'asta jap'ikaporqa; orqo kinraykunapi tiyakoj reyesta wañurachispa, Neguev orqospi, wichay pampaspi, wichaykunapi tiyakojkunata ima mana ujniyojta; imaynatachus Israelpa Señor Diosnin kamachisqanman jina.

⁴¹Chay reyesta wañurachispa Josueqa jallp'asninkuta jap'ikaporqa Cades-barneamantapacha Gazakama, chanta tukuy Gosén jallp'asta Gabaonkama.

⁴²Ajinata Josueqa chay jallp'asta uj kutillapi jap'ikaporqa; imaraykuchus Israelpa Señor Diosnin paykunaman kutikuspa maqanakorqa.

⁴³Chaymanta Josueqa tukuy israelitaswan khuska kutiporqa. Gilgalpi jarankuman.