Read Quechua Bolivia DC Bible JOSUÉ 15 Bible Online

JOSUÉ 15 - Quechua Bolivia DC Bible bible

JOSUÉ 15

¹Judá aylluman mashkhachus kasqankuman jina sorteopi chayarqa chay jallp'aqa karqa Edomwan tinkuykama, uraynejmantaj karqa Zin ch'in pampakama.

²Chay uraynejmanta mojonnenqa karqa k'ara mar qocha cantomantapacha, qallu jina uray qhawareqa kashan chaynejmantapacha.

³Chaymantaqa rillarqapuni uraynejman Acrabimpa wichayninta, Zin ch'in pampakama; chaymanta wicharerqa Cades-barneakama, chaymanta rerqa Hezronman, Adarninta wicharispa muyuykamorqa Carcaman.

⁴Chaymanta rillarqapuni Asmonman, chaymanta llojserqa Egipto mayuman, chaymanta Mediterráneo mar qochapi tukukorqa. Kay karqa uranejman mojonqa.

⁵Inti llojsimuymanta mojonqa karqa k'ara qochamanta, Jordán mayuwan tinkuykama. Chaymanta qallarikorqa wichaynejpi mojones, Jordán mayuwan tinkuypi qallu jina kashan k'ara qocha chaynejmanta.

⁶Chay mojonqa wicharerqa Bet-hoglanejta, chaymanta rerqa patanejpi Bet-arabaman, chaymantataj wicharerqa Bohán chhankaman Rubempa wawan nisqaman.

⁷Chaymantá wicharerqa Debirman Acor vallemantapacha, wichaynejmanqa Gilgal qhawarisqa karqa, chaytaj karqa Adumimpa chimpan wichaypi. Chaymanta rillarqapuni En-semes nisqapi yakuskama, chaymanta llojserqa Rogelpi yaku juturiskama.

⁸Chaymanta rillarqapuni Ben-hinom vallenejta, Jebuspa uray cantonta, niyta munan Jerusalennejta. Chaymanta wicharerqa Hinom vallej inti chinkaykuynin chimpan orqo puntannejta, Refaim vallej patannejta.

⁹Chay mojonqa muyuykamorqa monte orqo puntanta Neftoapi yaku juturikama, chaymantaqa Efrón orqospi llajtasninta, Baala nisqa chayninta, chaytaj kashan Quiria-jearim, nisqa.

¹⁰Baalamanta chay mojonqa kutirimorqa inti chinkaykuynejta Seir orqokama; chaymanta rillarqapuni Jearim orqoj patannejta, chaytaj kashan Quesalón nisqa, chaymanta uraykorqa Bet-semeskama, chaymantataj chayarqa Timnaman.

¹¹Chanta rillarqataj Ecrompa pata wichaynin inti llojsimuyninta, chaymanta Sicrompa wasanta muyuykamorqa, Baala orqonejta rerqa, chaymantaqa llojserqa Jabneelman, tukukorqataj Mediterráneo mar qochapi.

¹²Inti yaykuyman mojonnenqa karqa Mediterráneo mar qochakama. Kaykunamin karqa Judá aylloj mojonesnenqa tukuy muyuynintimpi, mashkhatajchus kasqankuman jina.

¹³Josueqa, payman Señor kamachisqanman jina, Jefonej wawan Calebman, Judá ayllu ukhupi jallp'ata qorqa. Chaypi Quiria-arba llajtata, chayqa Hebrón llajtata karqa, anaquitaspa jatun llajtan.

¹⁴Chay llajtamanta Calebqa Anacpa kinsantin wawasninta qharqorqa, Sesaita, Ahimanta, Talmaita ima.

¹⁵Chaymantataj wicharerqa Debir llajtapi tiyakojkunamanñataj; chay llajtaj sutin ñaupajta karqa Quiriat-sefer.

¹⁶Chaypacha Calebqa nerqa: Pichá kay llajtawan maqanakonqa, atipanqataj chayman Acsa warmi wawayta qosaj warmin kanampaj.

¹⁷Chaymantaqa chay llajtata maqanakuspa atiparqa Cenazpa wawan Otoniel, paytaj karqa Calebpa wauqempa wawan. Calebtaj Acsa wawanta chay runaman qorqa warmin kanampaj.

¹⁸Otonieltaj warminta pusakapushaspa nerqa tatan Calebmanta jallp'ata llank'anampaj mañakunanta. Acsataj burromanta uraykuspa tatanman qayllaykorqa. Calebtaj nerqa: Imata ninki?, nispa.

¹⁹Paytaj nerqa: Uj khuyakuyniykita mañakuyki. Ña qowankiña pataj Neguev jallp'asta, kunanqa qollawaytaj ari yaku juturistawan, nispa. Tatan Calebtaj patanejpitaj, uranejpitaj yaku juturita qorqa.

²⁰Kay jallp'as karqanku Judáj ayllumpa chayaqesninku mashkhachus kasqankuman jina.

²¹Judá ayllu uranejpi Edonwan tinkuypi jap'erqa chay llajtasqa karqanku kaykuna: Cabseel, Edar, Jagur, Cina, Dimosa, Adada, Cedes, Hazoe, Itnan, Xif, Telem, Bealot, Hazor-hadata, Queriot, Hezrón, uj sutintaj Hazor, Ama, Sema, Moloda, Hazar-gada, Hesmón, Bet-pelet, Haza-sual, Beerseba, Bizotía, Baala, Iim, Esem, Eltolad, Quesil, Horma, Diclag, Madmana, Sansana, Lebaot, Silhem, Ain, Rimón ima. Tukuynimpi karqanku iskay chunka isq'onniyoj llajtas, tukuy ranchosnintin.

³³Pampasnimpi kajkunataj karqanku kaykuna: Estaol, Zora, Asena, Zanoa, En-ganim, Tapúa, Enam, Jarmut, Adulam, Soco, Azeca, Saraim, Aditaim, Gedera, Gederotaim ima. Tukuynimpi karqanku chunka tawayoj llajtas tukuy ranchosnintin.

³⁷Chaymantá Zenán, Hadasa, Migdal-gad, Dileán, Mizpa, Jocteel, Laquis, Boskat, Eglón, Cabón, Lahmam, Quitlis, Gederot, Bet-dagón, Naama, Maceda ima. Chunka sojtayoj llajtas karqanku ranchosnintin.

⁴²Chaymanta Libna, Eter, Asán, Jifta, Asena, Nezib, Keila, Aczib, Maresa ima. Tukuynimpa isq'on llajtas ranchosnintin karqanku.

⁴⁵Chanta kallarqataj Ecrón llajta, juch'uy llajtasninwan, ranchosninwan ima. Chaymanta kallarqataj Ecronmanta mar qochakama, Asdod qayllapi kaj jallp'asnintin, ranchosnintin ima.

⁴⁷Chanta kallarqataj Asdod llajta, juch'uy llajtasnintin, ranchosnintin ima; chanta Gazapis, juch'uy llajtasnintin, ranchosnintin Egipto mayukama, chanta jatun mar qocha cantosnintin.

⁴⁸Lomasniyoj jallp'aspis Judaman chayallarqataj: Samir, Jatir, Soco, Dana, Quiriat-sana, chayqa karqa Debir; Anab, Estemoa, Anim, Gosén, Holón, Gilo ima. Tukuynimpi chunka ujniyoj llajtas ranchosnintin karqanku.

⁵²Chaymantaqa Arab, Duma, Asán, Janum, Bet-tapúa, Afeca, Humta, Quiriat-arba, chayqa karqa Hebrón, Sior ima. Chaykuna karqanku isq'on llajtas ranchosnintin.

⁵⁵Chanta Maón, Carmel, Zif, Juta, Jezreel, Jocdeam, Zanoa, Caín, Gabaa, Timna ima. Chaykuna karqanku chunka llajtas ranchosnintin.

⁵⁸Chaymanta Helhul, Bet-sur, Gedor, Maarat, Bet-anot, Eltecón ima. Sojta llajtas karqanku ranchosnintin.

⁶⁰Chaymanta Quiriat-baal, chay karqa Quiriat-jearim, Raba ima. Chaykuna karqanku iskay llajtas ranchosnintin.

⁶¹Ch'in nisqapi chayarqa Bet-arabá, Midín, Secaca, Nibsán, Kachi llajta, Engadi ima. Chaykuna karqanku sojta llajtas ranchosnintin.

⁶³Judáj mirayninmanta kajkunaqa jebuseos nisqata, Jerusalempi tiyakojkunata mana qharqoyta aterqankuchu. Chaymanta jebuseosqa Jerusalempi qhepakorqanku, kunankamataj Judá aylluwan khuska tiyashanku.