Read Quechua Bolivia DC Bible TITO 3 Bible Online

TITO 3 - Quechua Bolivia DC Bible bible

TITO 3

¹Hermanosta yuyarichiy, kasunankupaj kamachejkunata atiyniyojkunatawan. Wakichisqastaj kachunku tukuy imata allinta ruwanankupaj.

²Amataj pipajpis sajrata rimachunkuchu, nitaj phiñanakusta mask'achunkuchu; astawanqa llamp'u sonqos, munakuyniyoj kasqankuta rikuchichunku tukuy runasman.

³Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

⁴Maypachachus Dios Salvadorninchej rikucherqa khuyakuyninta munakuynintawan runakunaman, chaypacha salvawarqanchej. Mana noqanchej ima allinta ruwasqanchejraykuchu, astawanqa khuyakuyninrayku. Mayllawarqanchejtaj mosoj kausaypaj; Santo Espiritunejta mosojyachisqas kananchejpaj.

⁶Chay mayllakunanchejtaqa pay apachimuwarqanchej ashkhamanta, Jesucristo Salvadorninchejnejta.

⁷Diospa khuyakuyninrayku cheqan runas kanchej, chayaqeta jap'inanchejpaj wiñay kausayta suyasqanchejman jina.

⁸Palabraqa cheqamin. Munanitaj ashkha kutita willanaykita Diospi creejkunaqa allin kajta ruwanankuta. Kay imasqa sumaj, allinmin ruwanankupaj.

⁹Ama munaychu churanakuyta wampu parlaykunamanta, ñaupa runaspa mirayninkumanta, nitaj churanakuspa Moisespa leyninmanta. Chaykunaqa qhasi mana kaj, ni imata orqhonayoj kanku.

¹⁰Sichus mayqempis iglesiata t'aqashanman chayqa, ujta chayrí, iskay kutikama k'amiy. Mana kasukojtintaj qharqopuy.

¹¹Yachanki jina, chay runaqa urmasqa kaspa juchallikun, kikin juchallantaj tanqaykun juchachasqa kanampaj.

¹²Artemasta, chayri Tiquicota kachamusojtiy, jamuypacha Nicopolisman watunawaykipaj, imaraykuchus chaypi chiri tiempopi qhepakusaj.

¹³Leyesta sut'inchaj Zenasta, Apolostawan kachamuy, yanapaytaj atisqaykita, ama paykunaman ni ima pisinampaj jina.

¹⁴Noqanchejmanta kajkunataj yachakuchunku allinkunata ruwayta, ama ima pisinampaj; ajinapi tukuy ruwasqanku poqoyniyoj jina kanampaj.

¹⁵Tukuy noqawan kajkuna napaykamusunku, napaykuytaj fepi kausaqesninchejta. Diospa khuyakuynin tukuy qankunawan kachun.