Read Quechua Bolivia DC Bible HEBREOS 2 Bible Online

HEBREOS 2 - Quechua Bolivia DC Bible bible

HEBREOS 2

¹Chayrayku allimpuni noqanchejpaj, tukuy uyarisqanchejta aswan k'uchi kaywan kasunanchejqa, ama llusk'ananchejpaj.

²Angelespa nisqankuchus sinch'ita sayarqa; tukuy juchallikuy, mana kasukuytaj allin jasut'isqa karqa, chayqa; imaynamantataj noqanchej ayqesun, chay jina jatun salvacionta pisipi jap'ispari? Chay salvacionmanta Señor ñaupajtaña willarqa, payta uyarejkunataj cheqa kajta willawarqanchej.

⁴Diospis paykunawan khuska willallarqataj jatun rikuchinaswan, milagroswan, imaymana atiykunawan ima; ajinallatataj Santo Espíritoj atiyninwan, munayninman jina.

⁵Diosqa mana angelespa kamachiynimpichu chay jamoj mundota churarqa, mayqenmantachus parlashanchej, chayta.

⁶Chaywampis uj escribej escriturapi willarqa, nispa: Imataj runa paymanta yuyarikunaykipajrí? Chayrí, imataj runaj churin payta watukunaykipajri?

⁷Angelesmanta nisqaqa, uj pisi tiempollapaj payta juch'uyyacherqanki; qhapaj k'anchaywan, allin sutiwantaj payta pilluykucherqanki.

⁸Tukuy imata chakisnin uraman churarqanki. Chayrayku, tukuy ima paypa kamachimpi kaspaqa, manaña imapis kanchu paypa kamachin uraman churanapajqa. Kunantaj, manaraj rikunchejchu tukuy ima paypa kamachimpi churasqa kasqantaqa.

⁹Jinallatataj Jesusta rikunchej qhapaj k'anchaywan, allin sutiwantaj pillusqata wañuynin jawa ñak'arisqanrayku. Payqa uj pisi tiempolla juch'uychasqa karqa angelesmanta nisqaqa; chaywampis Diospa khuyakuyninrayku Jesusqa tukuypaj wañuyta munarqa.

¹⁰Allin karqa Diospaj, piraykuchus, pinejtatajchus tukuy imapis ruwasqa karqa, ashkha wawasta janaj pacha k'anchayman pusashajtin, paykunaman salvacionta qoj. Jesucristotapis pusallantaj ñak'ariykunawan allinta wakichispa.

¹¹Llimphuchajqa llimphuchasqaswan uj kikinmanta kanku; chayrayku mana p'enqakunchu paykunata hermanos, niyta.

¹²Ajinallatataj nin: Hermanosniyman sutiykita willasaj, iglesia chaupipitaj takispa yupaychasqayki.

¹³Ujtawan nillantaj: Noqa paypi suyasaj; nillantaj: Kaypi kashani, Dios qowarqa chay wawaswan.

¹⁴Wawasqa uj yawarllamanta, uj aychallamanta kanku; ajinallatataj Cristopis, chaykunallamantataj kaspa, wañuynejta, wañuypa atiyninta jap'ejta atipanampaj, niyta munan, supayta.

¹⁵Ajinallatataj salvanampaj, pikunachus wañuyta manchachikuspa, tukuy kausayninkupi kamachis jina kasharqanku, chaykunata.

¹⁶Cheqatapuni, Diosqa mana angelestachu yanaparqa; astawanqa, Abrahampa mirayninta yanaparqa.

¹⁷Chayrayku, hermanosninman tukuy imapi rijch'akunampi karqa, khuyakuyniyoj, kuraj sacerdote churasqa kaspa, Diospa tukuy imasnimpi junt'aj, runakunaj juchasnintapis pampachanampaj.

¹⁸Imaynatachus pay kikin tentasqa kaspa ñak'arerqa, ajinallatataj atiyniyoj tentasqa kajkunatapis yanapanampaj.